ព័ត៌មានជាតិ
អាជ្ញាធរមីន និងបញ្ជាការដ្ឋានទ័ពជើងគោក ចុះកិច្ចព្រមព្រៀងលើការងារបោសសំអាតមីននៅស្រុកភ្នំស្រួច
អាជ្ញាធរមីន និងបញ្ជាការដ្ឋានកងទ័ពជើងគោក បានចុះកិច្ចព្រមព្រៀងគ្នាលើការងារបោសសម្អាតមីននៅស្រុកភ្នំស្រួច ខេត្តកំពង់ស្ពឺ ក្រោមគម្រោងសម្តេចតេជោសម្រាប់សកម្មភាពមីន។
រសៀលថ្ងៃទី១២ ខែសីហា ឆ្នាំ២០២២ នៅទីស្នាក់ការអាជ្ញាធរមីន បន្ទាប់ពីបានទទួលការអនុញ្ញាតដ៏ខ្ពង់ខ្ពស់ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា លោកទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន បានអញ្ជើញជាអធិបតីក្នុងពិធីចុះកិច្ចព្រមព្រៀងរវាងអាជ្ញាធរមីន និងបញ្ជាការដ្ឋានកងទ័ពជើងគោក ដើម្បីចាប់ផ្តើមការងារបោសសម្អាតមីននៅឃុំចំនួន ៧ ស្ថិតក្នុងស្រុកភ្នំស្រួច ខេត្តកំពង់ស្ពឺ ក្នុងទំហំផ្ទៃដីប្រមាណ ៦,៥៥ គីឡូម៉ែត្រក្រឡា ដែលការបោសសម្អាតនេះ មានរយៈពេល ៤ខែ ចាប់ពីខែសីហា រហូតដល់ខែវិច្ឆិកា ឆ្នាំ២០២២។
ក្នុងឱកាសនោះ លោកទេសរដ្ឋមន្ត្រី លី ធុជ បានថ្លែងអំណរគុណយ៉ាងជ្រាលជ្រៅជូនចំពោះ លោកឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោពលខេមរភូមិន្ទ និងជាមេបញ្ជាការកងទ័ពជើងគោក ដែលបានបញ្ជូននូវកម្លាំងបញ្ជាការដ្ឋានកងវិស្វកម្មនៃកងទ័ពជើងគោក ដើម្បីចូលរួមដល់ការងារបោសសម្អាតមីនមនុស្សធម៌ ក្រោមគម្រោងសម្តេចតេជោសម្រាប់សកម្មភាពមីន “ផ្តល់ដីសុវត្ថិភាព បង្កើតស្នាមញញឹម” ព្រមទាំងចាត់ទុកថាការរួមរបស់កងទ័ពក្នុងការងារមនុស្សធម៌ គឺមានតម្លៃវិសេសវិសាលណាស់សម្រាប់ប្រទេសមួយដែលមានសន្តិភាពពេញលេញ។
លោកទេសរដ្ឋមន្ត្រី បានបន្តលើកឡើងទៀតថា ក្រោមម្លប់សន្តិភាព សម្តេចតេជោ មិនចង់ឃើញប្រជាពលរដ្ឋណាម្នាក់ បន្តរស់នៅទាំងភ័យខ្លាច និងបន្តរងគ្រោះដោយសារគ្រាប់មីនទៀតទេ ហើយឧត្តមសេនីយ៍ឯក ហ៊ុន ម៉ាណែត នឹងបន្តរក្សា និងការពារសន្តិភាព ពីសម្តេចតេជោ ជូនជាតិមាតុភូមិ ក្នុងនាមជាអ្នកបន្តវេនជានាយករដ្ឋមន្ត្រីនាពេលអនាគត។
លោកទេសរដ្ឋមន្ត្រី បានបញ្ជាក់ថា ខេត្តកំពង់ស្ពឺ មានផ្ទៃដីមានមីនសរុបចំនួន ៤៥.៦៥៨.៤៩១ ម៉ែត្រក្រឡា ស្មើនឹង ៤០៦ ចម្ការមីន ដែលគ្រោងនឹងបញ្ចប់ការងារបោសសម្អាតមីនឲ្យអស់ និងប្រកាសជាខេត្តអស់មីន ក្នុងឆ្នាំ២០២៣ ក្រោមគម្រោងសម្តេចតេជោសម្រាប់សកម្មភាពមីន។
លោកបន្តទៀតថា ស្រុកភ្នំស្រួច ដែលត្រូវប្រគល់ឲ្យបញ្ជាការដ្ឋានកងទ័ពជើងគោក នាថ្ងៃនេះ មានផ្ទៃដីមានមីនសរុបចំនួន ៣១.៥០២.៦៥៣ ម៉ែត្រក្រឡា ២៣៥ ចម្ការមីន ស្មើនឹងប្រមាណ ៦៩% នៃផ្ទៃដីមានមីនទូទាំងខេត្តកំពង់ស្ពឺ ក្នុងនោះការអនុវត្តដំណាក់កាលទី១ មានរយៈពេល ០៤ ខែ ចាប់ផ្តើមពីខែសីហា ដល់ខែវិច្ឆិកា ឆ្នាំ២០២២ ក្នុងឃុំចំនួន ៧ រួមមាន៖ ឃុំអូរ ឃុំមហាសាំង ឃុំតាំងស្យា ឃុំព្រៃរំដួល ឃុំតាំងសំរោង ឃុំក្រាំងដីវ៉ាយ និងឃុំចំបក់ ក្នុងទំហំផ្ទៃដី ៦.៥៥៨.២០២ ម៉ែត្រក្រឡា ស្មើនឹង ៦២ ចម្ការមីន។
លោកឧត្តមសេនីយ៍ឯក អ៊ុច វ៉ាន់ថា មេបញ្ជាការរង និងជាមេបញ្ជាការដ្ឋានកងវិស្វកម្មនៃកងទ័ពជើង តំណាងរបស់ លោកឧត្តមសេនីយ៍ឯក ហ៊ុន ម៉ាណែត មេបញ្ជាការកងទ័ពជើងគោក បានលើកឡើងថា ពិធីចុះហត្ថលេខានាថ្ងៃនេះ គឺជាការចាប់ផ្តើមការងារបោសសម្អាតមីនជាលក្ខណៈមនុស្សធម៌លើកដំបូងរបស់កងទ័ពជើងគោក ទោះបីសកម្មភាពបោសសម្អាតមីនបែបនេះ មានចាប់តាំងពីថ្ងៃរំដោះក៏ដោយ។
លោកបន្តទៀតថា កងទ័ពជើងគោក នឹងចូលរួមជាមួយរាជរដ្ឋាភិបាលកម្ពុជា តាមរយៈអាជ្ញាធរមីន ក្នុងការផ្តល់ដីសុវត្ថិភាព និងផ្តល់ស្នាមញញឹមដល់ប្រជាពលរដ្ឋខ្មែរ ដែលកំពុងរស់នៅតាមតំបន់មានការគំរាមកំហែងដោយសារគ្រាប់មីន៕
ក្រសួងការងារបើកកិច្ចប្រជុំជ្រើសរើសបេក្ខភាពសហគ្រាស ប្រគល់ពានរង្វាន់ “សហគ្រាសមួយជាសហគមន៍សុខសាន្តមួយ”
រដ្ឋបាលរាជធានីភ្នំពេញ ត្រៀមរៀបចំព្រឹត្តិការណ៍បាល់ទាត់ ដេីម្បីគាំទ្រកាកបាទក្រហមកម្ពុជា
Paul Scholes ចុចឈ្មោះ Messi ជាកីឡាករល្អបំផុតគ្រប់សម័យកាល ខណៈបច្ចុប្បន្នគឺម្នាក់នេះ
លោក ប៉ែន បូណា៖ អ្នកដឹកនាំដែលធ្វើឱ្យពលរដ្ឋសុខសប្បាយ ខុសពីឧទ្ទាមនយោបាយដែលបន្លាចពលរដ្ឋឱ្យភិតភ័យ
អាន់វ៉ា ជួប មីន អ៊ុងឡាំង ដ៏កម្រក្នុងទីក្រុងបាងកក
អ្នកវិភាគអន្តរជាតិ លើកចំណុចធំ១ ដែល ពូទីន នឹងបញ្ឆេះសង្គ្រាមលោកលើកទី៣
អាមេរិកវាយប្រហារលើក្រុមហ៊ូធី សម្លាប់មនុស្ស៣៨នាក់និងរបួស១០២នាក់នៅយេម៉ែន
រឿងសំខាន់៥ត្រូវដឹងពី ព្រះខ័នរាជស្វាយរៀង ឡើងវគ្គផ្តាច់ព្រ័ត្រ AFC Challenge League
ប្រធានាធិបតីចិន ប្រកាសជួយកម្ពុជាឱ្យសម្រេចបានគោលដៅជាប្រទេសអ្នកមាននៅឆ្នាំ២០៥០
អាមេរិក ចោទក្រុមហ៊ុនផ្កាយរណបចិនថាបានជួយដល់ការវាយប្រហាររបស់ក្រុមហ៊ូធី
-
ព័ត៌មានជាតិ៥ ថ្ងៃ agoលោក ជួន កក្កដា៖ ចាស់បុរាណដែលយករឿងសិរីបីប្រការ មកជាឧទាហរណ៍ពេលចូលឆ្នាំខ្មែរ គឺជាអ្នកប្រាជ្ញ មានគំនិតខ្ពស់
-
សន្តិសុខសង្គម៣ ថ្ងៃ agoមនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
សន្តិសុខសង្គម៥ ថ្ងៃ agoយប់ថ្ងៃទទួលទេវតាឆ្នាំថ្មី អគ្គិភ័យឆេះផ្ទះពលរដ្ឋ១៦ខ្នងនៅខណ្ឌឬស្សីកែវ
-
ព័ត៌មានអន្ដរជាតិ២ ថ្ងៃ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានអន្ដរជាតិ១ សប្តាហ៍ agoឧទ្ធម្ភាគចក្រ ដឹកទេសចរ ធ្លាក់ចូលទន្លេនៅញ៉ូវយក ស្លាប់មនុស្ស៦នាក់
-
ព័ត៌មានអន្ដរជាតិ៤ ថ្ងៃ agoមិនធម្មតាទេលើកនេះ វៀតណាមស្វាគមន៍មេដឹកនាំចិន ដោយបាញ់កាំភ្លើងធំ២១ដើម
-
ព័ត៌មានអន្ដរជាតិ២ ថ្ងៃ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
ព័ត៌មានអន្ដរជាតិ១ ថ្ងៃ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា