អភិបាលខេត្តប៉ៃលិន​ហត់នឿយចិត្ត​ពេលឃើញ​សម្រែកដង្ហោយហៅកូនចៅ​ចេញពីចម្ការ លោក ខឹម វាសនា

អភិបាល នៃគណៈអភិបាលខេត្តប៉ៃលិនលោកស្រី បាន ស្រីមុំបានបង្ហោះសារបង្ហាញ​អារម្មណ៍ហត់នឿយក្នុងចិត្តពេលបានឃើញសកម្មភាពឪពុកម្ដាយដង្ហោយហៅកូនចៅចេញពីចម្ការលោក ខឹម វាសនា។ ​

តាមរយៈបណ្ដាញសង្គមហ្វេសប៊ុកនៅថ្ងៃទី ០៤ ខែកញ្ញា លោកស្រី បាន ស្រីមុំ សរសេរថា សម្រែកដង្ហោយហៅកូនចៅចេញពីចម្ការលោក ខឹមវាសនា ខណៈឪពុកម្ដាយដែលឃើញកូនចៅត្រូវមន្តអាគមន៍ចេញមកតបស្នង ដោយប្រើពាក្សសំដីព្រហើនរមិលគុណចំពោះ ឪពុកម្តាយ តា យាយ ដែរលោកខំចិញ្ចឹមតាំងពីបាតជើងក្រហមលោកបារម្ភពីសេចក្តីសុខទុក្ខកូនចៅ។

លោកស្រី បាន ស្រីមុំបានថ្លែងថា «ខ្ញុំគិតហើយគិតទៀតនៅតែមិនយល់ធម្មតាយើងជាអ្នក​នយោ​​បាយមុននឹងយើងធ្វើអ្វីមួយ គឺតែងតែគិតគូរពីប្រយោជន៍ប្រជាជនជាចម្បង ហេតុអី! អ្នកនយោបាយព្រហ្មស្នា បង្កលក្ខណៈធ្វើឱ្យក្រុមគ្រួសារព្រាត់ប្រាស់បែកបាក់គ្នា ក្មេងល្អមាន​ចំណេះដឹងក្លាយជាក្មេងព្រហើន ម្តាយបង្ហូរទឹកភ្នែកចេញជាឈាម ខ្ញុំយល់អារម្មណ៍ ម្តាយ ឪពុក​គ្រប់រូប ពិតជាឈឺចាប់ណាស់»។

លោកស្រីអភិបាលខេត្តប៉ៃលិនបញ្ជាក់ថា បានឃើញបុគ្គម្នាក់សម្ដែងបោកទឹកចិត្តអ្នកមានគុណ ដើម្បីយកផលប្រយោជន៍ ដែលលោកស្រីបញ្ជាក់ថា គួតែឈប់ទៅលាក់មិនបានទេ ការពិតនៅ​តែជាការពិត៕

អត្ថបទ៖ ឡេង ដេត