ព័ត៌មានជាតិ
ផ្គត់ផ្គង់មិនគ្រប់គ្រាន់ រោងចក្រសម្ងួតស្វាយ និងមៀនប៉ៃលិន នឹងចុះទិញកសិផលពីខេត្តដទៃទៀត
ខណៈកសិផលក្នុងខេត្តប៉ៃលិនផ្គត់ផ្គង់មិនគ្រប់គ្រាន់ អាជ្ញាធរខេត្តប៉ៃលិននឹងសហការជាមួយរដ្ឋបាលខេត្តដទៃទៀត ចុះប្រមូលទិញផ្លែមៀនប៉ៃលិន និងស្វាយកែវរមៀតរបស់កសិករដែលគ្មានទីផ្សារ ដើម្បីបំពេញបន្ថែមក្នុងខ្សែសង្វាក់ផលិតកម្មរោងចក្រនៅខេត្តប៉ៃលិន។
លោកស្រី បាន ស្រីមុំ អភិបាលនៃគណៈអភិបាលខេត្តប៉ៃលិបានបញ្ជាក់ក្នុងសន្និសីទកាលពីសប្តាហ៍មុនថា ខេត្តប៉ៃលិនមានរោងចក្រឡសម្ងួតវិនិយោគដោយក្រុមហ៊ុនចិន ដែលបច្ចុប្បន្នកំពុងខ្វះខាតកសិផលយកមកដំណើរការក្នុងខ្សែសង្វាក់ផលិត ដូច្នេះអាជ្ញាធរខេត្តនឹងសហការជាមួយរដ្ឋបាលខេត្តដទៃទៀត ចុះប្រមូលទិញផលិតផលរបស់កសិករយកមកបំពេញក្នុងខ្សែសង្វាក់ផលិតកម្ម។
«រោងចក្រនេះមានសមត្ថភាពសម្ងួតផ្លែមៀន និងស្វាយមានគុណភាព និងអនាម័យដើម្បីនាំចេញ។ តែរោងចក្រខាតខាតកសិផលយកមកកែច្នៃ ដូច្នេះរដ្ឋបាលខេត្តនឹងសហការជាមួយដែនសមត្ថកិច្ចខេត្តដទៃទៀត ដើម្បីប្រមូលទិញកសិផលរបស់កសិករយកមកបំពេញបន្ថែមក្នុងខ្សែសង្វាក់ផលិត»។
ខេត្តប៉ៃលិនមានភូមិសាស្ត្រអំណោយផលលើការដាំដុះដំណាំកសិកម្ម មានដូចជា ពោត សណ្តែក ស្វាយកែវរមៀត ជាពិសេសផ្លែមៀនប៉ៃលិន។ ក្នុងរយៈពេលថ្មីៗនេះពោតក្រហម ដំឡូងមី និងស្វាយកែវរមៀត មានតម្លៃខ្ពស់ជាងតម្លៃឆ្នាំកន្លងមក
ខេត្តប៉ៃលិនមានសៃឡូ (កន្លែងទិញកសិផលកសិកម្ម) ចំនួន ៥៤ កន្លែង សម្រាប់ទិញកសិផលពីប្រជាពលរដ្ឋទូទាំងខេត្ត និងខេត្តជាប់ព្រំដែនសម្រាប់ស្តុក និងនាំចេញទៅក្រៅប្រទេស។
លោកស្រី បាន ស្រីមុំ បានបន្តថា ការវិនិយោគរោងចក្របម្លែងផ្លែមៀន និងផ្លែស្វាយនៅពេលនេះ បានមកពីការប្រឹងប្រែងរបស់រដ្ឋាភិបាល ក៏ដូចជាថ្នាក់ដឹកនាំខេត្ត។ រដ្ឋបាលខេត្តតែងតែសហការជាមួយមន្ទីរជំនាញខិតខំរកទីផ្សារជូនកសិករ ដើម្បីលើកកម្ពស់តម្លៃកសិផលតាមរយៈការជំរុញនាំចេញឲ្យបានច្រើន៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ