ព័ត៌មានជាតិ

ស្លាប់មនុស្សម្នាក់លើផ្លូវ៦០ម៉ែត្រ យប់មិញ

បានផុស

៥ years មុន

នៅ

ថ្ងៃពុធ ៦ មករា ២០២១

ដោយ

បុរសម្នាក់បានស្លាប់ភ្លាមៗ ក្រោយរថយន្តមួយគ្រឿងបុកពីក្រោយ នៅលើកំណាត់ផ្លូវ៦០ម៉ែត្រ កាលពីវេលាម៉ោង២១និង២៥នាទីយប់ថ្ងៃទី៥ ខែមករា ឆ្នាំ២០២១ ក្នុងសង្កាត់ចាក់អង្រែក្រោម ខណ្ឌមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាក្សីបាននិយាយប្រាប់សមត្ថកិច្ចថា មានករណីគ្រោះថ្នាក់ចរាចរណ៍មួយគួរឲ្យរន្ធត់ បណ្តាលឲ្យបុរសម្នាក់ស្លាប់ភ្លាមៗ។ សាក្សីដដែលបាននិយាយថា ករណីគ្រោះថ្នាក់នេះ បានកើតឡើងនៅវេលាម៉ោង២១និង២៥នាទីយប់ថ្ងៃទី៥ ខែមករា ឆ្នាំ២០២១ ស្ថិតនៅតាមបណ្តោយផ្លូវ៦០ម៉ែត្រភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។

តាមប្រភពពីសាក្សីបាននិយាយទៀតថា នៅពេលកើតហេតុគេបានឃើញជនរងគ្រោះជិះម៉ូតូសេ១២៥ពណ៌ខ្មៅពាក់ស្លាកលេខភ្នំពេញ១BC ៧៥ ១១បានបើកបរតាមបណ្តោយផ្លូវ៦០ម៉ែត្រក្នុងទិសដៅពីត្បូងទៅជើង។ លុះមកដល់ចំណុចខាងលើ ក៏ស្រាប់តែត្រូវរថយន្តមិនស្គាល់បានបុកពីក្រោយបណ្តាលឲ្យជនរងគ្រោះស្លាប់ភ្លាមៗនៅនឹងកន្លែង ដោយរថយន្តបង្កបានបើកបង្ហួសទៅមុខបាត់។

ដោយឡែកក្នុងរបាយការណ៍របស់នគរបាលខណ្ឌមានជ័យបានឲ្យដឹងថា ជនរងគ្រោះក្នុងហេតុការណ៍នេះ រហូតដល់បាត់បង់ជីវិត ត្រូវបានស្គាល់ឈ្មោះ ផែន ចាន់ទី អាយុ៣៣ឆ្នាំ មុខរបរជាងដែកស្នាក់នៅផ្ទះជួលភូមិព្រែកតានូ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ និងមានស្រុកកំណើតភូមិបឹងពត់ ឃុំស្តុក ស្រុកគងពិសី ខេត្តកំពង់ស្ពឺ។ តាមរបាយការណ៍បញ្ជាក់ថា រថយន្តបង្កបានបើកគេចមិនទទួលខុសត្រូវក្នុងហេតុការណ៍នេះឡើយ៕

អត្ថបទ៖ នរា

Related Topics:គ្រោះថ្នាក់ចរាចរណ៍ករណីស្លាប់

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា