ព័ត៌មានជាតិ

សមត្ថកិច្ច ចាប់ និងស្ទូចរថយន្តចតឈប់បញ្ច្រាសទិស និងណែនាំពលរដ្ឋ ដែលយកចិញ្ចើមថ្នល់លក់ដូរ

បានផុស

៦ years មុន

នៅ

ថ្ងៃពុធ ២៨ តុលា ២០២០

ដោយ

សមត្ថកិច្ច ចាប់ និងស្ទូចរថយន្តចតឈប់បញ្ច្រាសទិស ធ្វើឲ្យកកស្ទះចរាចរណ៍ និងណែនាំប្រជាពលរដ្ឋ ដែលយកចិញ្ចើមថ្នល់ប្រកបមុខរបរលក់ដូរ។ នេះបើយោងតាមផេកស្នងការដ្ឋាននគរបាលរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី២៧ ខែតុលា ឆ្នាំ២០២០ គណៈបញ្ជាការឯកភាពរដ្ឋបាល ខណ្ឌ៧មករា ដឹកនាំដោយលោកវរសេនីយ៍ទោ ង៉ែត សារុន អធិការរង ទទួលការងារសណ្ដាប់ធ្នាប់ចរាចរណ៍ និង លោក ប្រាក់ ហាក់ ប្រធានប្រជាការពារសាលាខណ្ឌ៧មករា ព្រមទាំងកម្លាំងប៉ុស្តិ៍នគរបាលរដ្ឋបាលទាំង៨ បានចុះរៀបចំសណ្ដាប់ធ្នាប់ក្នុងភូមិសាស្ត្រខណ្ឌ៧មករា តាមដងផ្លូវដែលមានការកកស្ទះដូចជា តាមបណ្ដោយផ្លូវលេខ១៦៤ ផ្លូវលេខ១០៩ ផ្លូវលេខ២០៧ ផ្លូវលេខ១៣៤ មុខមន្ទីរពេទ្យបង្អែក រាជធានីភ្នំពេញ។

បន្ថែមពីនោះ កម្លាំងសមត្ថកិច្ច ខណៈរៀបចំសណ្ដាប់ធ្នាប់ បានចាប់ និងស្ទូចរថយន្តចតឈប់បញ្ច្រាសទិស ដែលជាមូលហេតុធ្វើឲ្យកកស្ទះចរាចរណ៍។

ក្នុងនោះ កម្លាំងសមត្ថកិច្ច ក៏បានធ្វើការណែនាំប្រជាពលរដ្ឋ ដែលយកចិញ្ចើមថ្នល់ប្រកបមុខរបរលក់ដូរសម្ភារៈផ្សេងៗ ឲ្យលក់បណ្ដោះអាសន្ន១/៣។ ជាមួយនោះ ដោយទុកចិញ្ចើមថ្នល់ឲ្យថ្មើរជើងធ្វើចរាចរណ៍បាន ដើម្បីបញ្ចៀសការកកស្ទះ។

ក្រោយចុះត្រួតពិនិត្យ និងរៀបចំសណ្ដាប់ធ្នាប់សាធារណៈ កម្លាំងសមត្ថកិច្ច បានដកហូតរថយន្តចំនួន០៧គ្រឿង និងផាសអាប់០១គ្រឿង សរុបរួម៨គ្រឿង យកមករក្សាទុកនៅឃ្លាំងគណៈបញ្ជាការឯកភាពខណ្ឌ។

ជាពិសេស បងប្អូនប្រជាពលរដ្ឋមួយចំនួន ក៏បានចូលរួមសហការតាមការណែនាំរបស់សមត្ថកិច្ចជំនាញដែរ៕

អត្ថបទ ៖ នាងតូច

Related Topics:ត្រួតពិនិត្យ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា