ព័ត៌មានជាតិ
សម្ដេចតេជោ ៖ អ្នកខ្លះ គេថាយើងហ្នឹងគឺស៊ីលុយជំនួយបរទេស ក៏ប៉ុន្តែសុំទៅសួរអគ្គរដ្ឋទូតជប៉ុនទៅ
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងពាក់ព័ន្ធនឹងមតិមួយចំនួន ដែលថា មានការប្រព្រឹត្តអំពើពុករលួយ ចំពោះក្រុមហ៊ុនវិនិយោគ និងការស៊ីលុយបរទេសចំពោះជំនួយ ឬគម្រោងអភិវឌ្ឍនានា ដែលនោះមិនមែនជាការពិតឡើយ។
សម្ដេចតេជោ ហ៊ុន សែន បានថ្លែងក្នុងពិធីអបអរសាទរខួប ១១ឆ្នាំ នៃប្រតិបត្តិការរបស់ក្រុមហ៊ុនមីនេបៀ នាព្រឹកថ្ងៃទី ១ ខែធ្នូនេះថា កន្លងមកមានអ្នកនិយាយថា មានការប្រព្រឹត្តអំពើពុករលួយ ចំពោះក្រុមហ៊ុនវិនិយោគនានា តែតាមការពិតមិនមានយ៉ាងដូច្នេះឡើយ។
សម្ដេចតេជោ ហ៊ុន សែន បានថ្លែងបន្តថា «ហើយអ្នកដែលគេនិយាយ គេចេះតែនិយាយហើយ គេថាយើងហ្នឹងពុករលួយ ក្រុមហ៊ុនអីក៏ត្រូវតែយកលុយដែរ អ្នកណាក៏ដោយក៏ត្រូវតែយកលុយដែរ បង់ប៉ុន្មាន អីប៉ុន្មាន ឥឡូវសួរលោក Kainuma (លោក Yoshihisa Kainuma នាយកប្រតិបត្តិក្រុមហ៊ុន Minebea Mitsumi) តើក្នុងរយៈពេលកន្លងទៅ គាត់បានប្រគល់លុយប៉ុន្មានមកឲ្យរដ្ឋាភិបាល សម្រាប់ជាគេហៅថា សំណូកដើម្បីទទួលបានលីសសង សម្រាប់ធ្វើអាហ្នឹង សួរទៅ»។
សម្ដេចតេជោ ហ៊ុន សែន លើកឡើងបន្តថា មានអ្នកខ្លះទៀតថា រាជរដ្ឋាភិបាលកម្ពុជា ស៊ីលុយបរទេស ចំពោះជំនួយ ឬគម្រោងអភិវឌ្ឍនានា។ ប៉ុន្តែតាមពិតជាក់ស្ដែង រាជរដ្ឋាភិបាលកម្ពុជា ពាក់ព័ន្ធនឹងលុយកាក់ទាំងនោះសោះឡើយ។
សម្ដេចតេជោ ហ៊ុន សែន លើកឡើងយ៉ាងដូច្នេះថា «អ្នកខ្លះ គេថាយើងហ្នឹងគឺស៊ីលុយជំនួយបរទេស ក៏ប៉ុន្តែសុំទៅសួរអគ្គរដ្ឋទូតជប៉ុនទៅ ធ្វើផ្លូវជាតិលេខ ៥ អស់លុយប៉ុន្មាន អីប៉ុន្មានគឺខ្ញុំអត់ដឹងទេ ស្ពានទាំងប៉ុន្មានដែលជប៉ុនធ្វើហ្នឹង ថ្ងៃបើកការដ្ឋានខ្ញុំទៅ ថ្ងៃប្រកាសឲ្យប្រើខ្ញុំទៅតែប៉ុណ្ណឹងទេ ត្រង់ចាយលុយអស់ប៉ុន្មានខ្ញុំអត់ដឹង»។
ប្រមុខរាជរដ្ឋាភិបាល បានបន្ថែមទៀតថា អ្នកនិយាយ ចេះតែនិយាយ តែវាមិនមែនជាការពិតឡើយ។ សម្ដេចតេជោ ហ៊ុន សែន បានរំលឹកអំពីការលើកឡើង របស់អតីតរដ្ឋមន្ត្រីការបរទេសជប៉ុនមួយរូប ដែលបាននិយាយថា «ស្អប់ណាស់អាមនុស្សដែលមិនដឹងថា ជប៉ុនចាយលុយរបៀបម៉េចៗ»។
យ៉ាងណាក៏ដោយសម្ដេចតេជោ ហ៊ុន សែន បានបញ្ជាក់ថា ជាការពិតណាស់ កម្ពុជានៅមានចំណុចខ្វះខាតមួយចំនួន ដែលត្រូវកែលម្អ និងកែទម្រង់ឲ្យបានលឿនជាងនេះ ព្រមទាំងល្អជាងនេះពាក់ព័ន្ធទៅនឹងការវិនិយោគពីបរទេស និងនៅក្នុងស្រុក៕
អត្ថបទ៖ ឃួន សុភ័ក្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ