ព័ត៌មានជាតិ
សម្ដេចតេជោ ហ៊ុន សែន កំពុងធ្វើដំណើរលើផ្លូវល្បឿនលឿនពីភ្នំពេញទៅខេត្តព្រះសីហនុ ដើម្បីបើកពិធីបុណ្យសមុទ្រ
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅព្រឹកថ្ងៃទី ៩ ខែធ្នូ ឆ្នាំ ២០២២ កំពុងធ្វើដំណើរទៅកាន់ខេត្តព្រះសីហនុ តាមផ្លូវល្បឿនលឿន ដើម្បីអញ្ជើញបើកមហាសន្និបាតក្លឹបឆ្នេរសមុទ្រស្អាតបំផុតលើពិភពលោកឆ្នាំ ២០២២ នឹងអញ្ជើញបើកពិធីបុណ្យសមុទ្រលើកទី ៩ ជុំទី ៣។
សម្ដេចតេជោ ហ៊ុន សែន បានសរសេរនៅលើទំព័រហ្វេសប៊ុកថា «កំពុងធ្វើដំណើរលើផ្លូវល្បឿនលឿនពីភ្នំពេញ ខេត្តព្រះសីហនុ។ យើងនឹងខិតខំកសាងផ្លូវល្បឿនលឿនមួយខ្សែទៀត តភ្ជាប់ពីភ្នំពេញទៅបាវិតព្រំដែនវៀតណាម»។
សម្ដេចតេជោ ហ៊ុន សែន បានអំពាវនាវឲ្យប្រជាពលរដ្ឋ ទៅលេងកម្សាន្ដនៅក្នុងកម្មវិធីបុណ្យសមុទ្រ នាក្រុងព្រះសីហនុ ចាប់ពីថ្ងៃទី ១០ ខែធ្នូ ឆ្នាំ ២០២២តទៅ។ សូមជម្រាបថា តាមគម្រោងនៅព្រឹកថ្ងៃទី ១០ ខែធ្នូ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នឹងអញ្ជើញបើកមហាសន្និបាតក្លឹបឆ្នេរសមុទ្រស្អាតបំផុតលើពិភពលោកឆ្នាំ ២០២២ និងនៅពេលល្ងាចសម្ដេច នឹងអញ្ជើញបើកបុណ្យសមុទ្រលើកទី ៩ ជុំទី ៣។
លោក ឃាង ភារម្យ អ្នកនាំពាក្យរដ្ឋបាលខេត្តព្រះសីហនុ មានប្រសាសន៍ប្រាប់កម្ពុជាថ្មី កាលពីថ្ងៃទី ៨ ខែធ្នូថា អាជ្ញាធរនៅខេត្តព្រះសីហនុ បានត្រៀមរៀបចំរួចរាល់ហើយ សម្រាប់ពិធីបុណ្យសមុទ្រលើកទី ៩ ជុំទី ៣ និងមហាសន្និបាតក្លឹបឆ្នេរសមុទ្រ ដែលស្អាតជាងគេលើសកលលោកឆ្នាំ ២០២២ ដែលដឹកនាំរៀបចំដោយក្រសួងទេសចរណ៍។
លោកថា សម្រាប់អាជ្ញាធរខេត្តព្រះសីហនុ គឺបាននិងកំពុងរៀបចំកែលម្អសោភ័ណ្ឌភាព ក៏ដូចជាការរៀបចំលម្អភ្លើងពណ៌ សួនច្បារ រៀបចំអនាម័យបរិស្ថានតាមរមណីដ្ឋាននានា ជាពិសេសនៅតំបន់ឆ្នេរសមុទ្រ ព្រមទាំងការរៀបចំផែនការរៀបចំសន្តិសុខ ជូនថ្នាក់ដឹកនាំកំពូល ក៏ដូចជាភ្ញៀវទេសចរជាតិ-អន្តរជាតិ ដែលនឹងអញ្ជើញចូលរួមក្នុងពិធីបុណ្យសមុទ្រ ខាងមុខ។
ក្នុងនោះ ក៏មានការរៀបព្រឹត្តិការណ៍មួយចំនួនទៀត ដឹកនាំរៀបចំដោយក្រសួងទេសចរណ៍ ដែលរួមមាន៖ ព្រឹត្តិការណ៍កីឡា, ការសម្ដែងសិល្បៈ និងការប្រគំតន្រ្ដី ជាដើម។ ក្នុងនោះ ក៏មានការរៀបចំស្តង់ពិព័រណ៍ផលិតផលក្នុងស្រុក និងខាងក្រៅស្រុកជាច្រើនផងដែរ។
លោក ឃាង ភារម្យ អ្នកនាំពាក្យរដ្ឋបាលខេត្តព្រះសីហនុ បានបង្ហាញក្ដីរំពឹងថា តាមរយៈពិធីបុណ្យសមុទ្រនេះ នឹងមានភ្ញៀវទេសចរជាតិ-អន្តរជាតិ នឹងអញ្ជើញទស្សនាកម្សាន្ដនៅខេត្តព្រះសីហនុ កាន់តែច្រើនឡើងថែមទៀត។ គួរឲ្យដឹងថា ពិធីបុណ្យសមុទ្រលើកទី ៩ ជុំទី ៣ និងមហាសន្និបាតក្លឹបឆ្នេរ សមុទ្រដែលស្អាតជាងគេលើសកលលោកឆ្នាំ ២០២២ នៅខេត្តព្រះសីហនុ នឹងប្រព្រឹត្តទៅចាប់ពីថ្ងៃទី ៩ ដល់ថ្ងៃទី ១៤ ខែធ្នូ ឆ្នាំ ២០២២៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង