ព័ត៌មានជាតិ
តំណាងទូតចិន បញ្ជាក់ថា កម្ពុជា-ចិន បានសហការគ្នាយ៉ាងល្អលើការងារអនុវត្តច្បាប់រវាងប្រទេសទាំងពីរ
ក្នុងសន្និសីទអន្តរជាតិប្រចាំឆ្នាំ លើកទី១៧ ដែលរៀបចំដោយរាជបណ្ឌិត្យសភាកម្ពុជា នៅថ្ងៃទី២០ ខែធ្នូនេះ តំណាងស្ថានទូតចិនប្រចាំនៅកម្ពុជា បានបញ្ជាក់ថា ភាគីចិន បានសហការយ៉ាងជិតស្និទ្ធជាមួយរាជរដ្ឋាភិបាលកម្ពុជា ដើម្បីពង្រឹងលើកិច្ចសហប្រតិបត្តិការនៃការអនុវត្តច្បាប់នៅប្រទេសកម្ពុជា។
បើតាម តំណាងស្ថានទូតចិនប្រចាំនៅកម្ពុជា ដោយសារមានទំនាក់ទំនងជាមិត្តដែកថែប និងកិច្ចសហប្រតិបត្តិដ៏ស្អិតរមួតរវាងកម្ពុជា-ចិន គឺប្រជាជនចិន បានមកស្នាក់នៅ និងវិនិយោគនៅកម្ពុជាជាច្រើន។ តំណាងទូតចិន បានអះអាងថា ជាមួយនឹងការកើនឡើងនៃប្រជាជនចិននៅកម្ពុជានេះ ភាគីចិន បានសហការយ៉ាងល្អជាមួយរាជរដ្ឋាភិបាលកម្ពុជា តាមរយៈក្រសួងមហាផ្ទៃ ក៏ដូចជា អគ្គស្នងការដ្ឋាននគរបាលជាតិ លើកិច្ចសហប្រតិបត្តិការនៃការអនុវត្តច្បាប់។ ទន្ទឹមនេះ ភាគីចិន ក៏តែងតែស្នើសុំទៅកាន់ក្រសួងមហាផ្ទៃ ក្នុងការជួយបង្កើនកិច្ចការពារសុខសុវត្ថិភាពដល់ប្រជាជនចិននៅកម្ពុជា។
បន្ថែមពីនេះ រដ្ឋាភិបាលចិន បានជួយផ្ដល់ការបណ្ដុះបណ្ដាលធនធានមនុស្សដល់កងកម្លាំងនគរបាលជាតិកម្ពុជាផងដែរ ដើម្បីជួយបង្កើន និងពង្រឹងនូវសមត្ថភាពកងកម្លាំងនគរបាលជាតិលើកិច្ចការពារសណ្ដាប់ធ្នាប់សាធារណៈ សុវត្ថិភាព និងសន្តិសុខកាន់តែប្រសើរឡើងថែមទៀតនៅក្នុងប្រទេសកម្ពុជា៕
ដោយ៖ ធឿន វ៉ាន់សុង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី