ព័ត៌មានជាតិ

រដ្ឋមន្ត្រីក្រសួងកសិកម្មលើកទស្សនទាន ធានាស្ថិរភាពថ្លៃមិនឲ្យកើនឡើងឬធ្លាក់ចុះ

បានផុស

២ ខែ មុន

នៅ

ថ្ងៃព្រហស្បតិ៍ ៥ មករា ២០២៣

ដោយ

លោក ឌិត ទីណា រដ្ឋមន្ត្រីក្រសួងកសិកម្មបានលើកបង្ហាញពីទស្សនទានក្នុងវិស័យកសិកម្មដោយក្នុងនោះលោកបានបញ្ជាក់ពីទស្សនទានលើការគាំទ្រផលិតផលកសិកម្មក្នុងស្រុក ដោយធានាតម្លៃមិនឲ្យកើនឡើងឬធ្លាក់ចុះ។

លោកបានថ្លែងថា ទស្សនទានរបស់ក្រសួងកសិកម្មគឺត្រូវបែងចែកភោគផលស្មើៗគ្នាទាំងអ្នកទទួលទាន អ្នកផលិតនិងអ្នកចែកចាយ។ ការធានាបានស្ថិរភាពថ្លៃផលិតផលគឺដើម្បីកុំឲ្យប៉ះពាល់ទាំងអ្នកផលិតនិងអ្នកទទួលទាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ លោករដ្ឋមន្ត្រីក៏បានលើកពីទស្សនវិស័យលើខ្សែចង្វាក់ការនាំចេញផលិតផលកសិកម្មកម្ពុជាដោយជំរុញលើការផលិតផលិតផលណាដែលមានគុណភាព។

លោករដ្ឋមន្រ្តីមើលឃើញថា ការផលិតទ្រង់ទ្រាយធំមានតម្លៃថោក មិនមែនសក្ដានុពលរបស់កម្ពុជានោះទេ។ ដើម្បីប្រកួតប្រជែងប្រទេសផ្សេងៗ យើងត្រូវជំរុញផលិតផលិតផលជាគន្លឹះគឺការនាំចេញផលិតផលដែលមានគុណភាព តម្លៃខ្ពស់ដើម្បីប្រកួតប្រជែងលើទីផ្សារអន្តរជាតិ។ លោកបានលើកយកបទពិសោធន៍ជោគជ័យលើម្រេចកំពត ដើម្បីយកទៅអនុវត្តទៅលើផលិតផលកសិកម្មផ្សេងទៀតដែលកម្ពុជាមានសក្ដានុពលក្នុងការនាំចេញ៕

Related Topics:លោក ឌិត ទីណា