ធនាគារ កាណាឌីយ៉ា ដាក់ឲ្យប្រើប្រាស់ជាផ្លូវការនូវរចនាថ្មីប័ណ្ណឥណទាន Canadia Mastercard

ធនាគារ កាណាឌីយ៉ា បាន​ដាក់​បង្ហាញ និង​ដំណើរការ​ជា​ផ្លូវការ​នូវ​រចនា​ថ្មី ស្អាត​ជាង​មុន ល្អ​ជាង​មុន នៃ​ប័ណ្ណឥណទាន Canadia Mastercard ដើម្បី​ធ្វើ​ឲ្យ​បទពិសោធន៍ និង​ការ​ប្រើប្រាស់​កាន់តែ​ងាយ​ស្រួល​ជាង​មុន​សម្រាប់​អតិថិជន​ប្រើប្រាស់ និង​ជំរុញ​ឲ្យ​មាន​ការ​ទូទាត់​ដោយ​មិន​ប្រើប្រាស់​ក្រដាស​ប្រាក់​ក្នុង​ព្រះរាជាណាចក្រ​កម្ពុជា ក៏ដូចជា​ទូទាំង​ពិភពលោក​ផង​ដែរ។

ប័ណ្ណ​ឥណទាន Canadia Mastercard ផ្តល់​នូវ​បទពិសោធន៍​កាន់តែ​ល្អ​ជាង​មុន និង​ធ្វើ​ឲ្យ​ការ​ទូទាត់​របស់​លោក​អ្នក​កាន់តែ​មាន​ភាព​ងាយស្រួល ប្រកប​ដោយ​បច្ចេកវិទ្យា​ឈានមុខ ដើម្បី​ស្រប​នឹង​តម្រូវការ​របស់​អតិថិជន​ក្នុង​យុគសម័យ​ថ្មី។ អតិថិជន​របស់​ប័ណ្ណឥណទាន Canadia Mastercard អាច​រីករាយ​ជាមួយ​នឹង​ប្រើប្រាស់​ការ​ទូទាត់​ប្រាក់​ដែល​មាន​សុវត្ថិភាព​ខ្ពស់ និង​មិន​ចាំបាច់​ចំណាយ​ពេល​យូរ ដោយ​គ្រាន់តែ​ដាក់​ប័ណ្ណ​ក្បែរ​នឹង​ម៉ាស៊ីន POS ជា​ការ​ស្រេច ហើយ​បន្ថែម​ពីលើ​នេះ​ផង​ដែរ ប័ណ្ណ​ឥណទាន Canadia Mastercard ត្រូវ​បាន​ទទួល​ស្គាល់​ដោយ​ហាង​ទំនិញ ពាណិជ្ជកម្ម ឬ​សេវាកម្ម​ជា​ច្រើន​ពាន់​កន្លែង​ទូទាំង​ប្រទេស​កម្ពុជា ក៏ដូចជា​ទូទាំង​ពិភពលោក​ផង​ដែរ។

ប័ណ្ណ​ឥណទាន Canadia Mastercard មិន​ត្រឹមតែ​មាន​រចនាបថ​ថ្មី និង​ស្រស់​ស្អាត​ប៉ុណ្ណោះ​ទេ ដោយ​រចនាបថ​ប័ណ្ណឥណទាន​ទាំងពីរ​ប្រភេទ​មាន​បង្កប់​នូវ​អត្ថន័យ​យ៉ាង​ល្អ​ផង​ដែរ​។ ប័ណ្ណឥណទាន Canadia Mastercard Contactless Credit Card Classic បាន​រចនា​រួមមាន ផ្កា​រំដួល ដែល​ជា​ផ្កា​តំណាង​ជាតិ​ខ្មែរ ដើម្បី​បង្ហាញ​អំពី​ភាព​ស្រស់​ត្រកាល និង​សម្រស់​បំព្រង​របស់​អ្នកប្រើប្រាស់។ ចំណែក​ប័ណ្ណ​ឥណទាន Canadia Mastercard Contactless Credit Card Gold បាន​រំលេច​នូវ​ប្រាសាទអង្គរវត្ត ដែល​ជា​ដួង​ព្រលឹង នៃ​ព្រះរាជាណាចក្រ​កម្ពុជា ជា​និមិត្តសញ្ញា នៃ​កិត្យានុភាព គុណធម៌ ភាព​លេចធ្លោ និង​ភាព​រីកចម្រើន សក្ដិសម​នឹង​ភាព​ម្ចាស់ការ និង​អភិជន​ភាព​របស់​អ្នក​ប្រើប្រាស់។

បន្ថែម​ពី​លើ​នេះ​ផង​ដែរ ប័ណ្ណ​ឥណទាន Canadia Mastercard បាន​ផ្ដល់​ជូន​នូវ​ប្រូ​ម៉ូ​សិន និង​អត្ថប្រយោជន៍ ដូចជា ការ​បញ្ចុះ​តម្លៃ​នៅ​ហាង​សំលៀកបំពាក់ ឬ​ហាង​ទំនិញ​ប្រណីតៗ សណ្ឋាគារ និង​ភោជនីយដ្ឋាន​មួយ​ចំនួន ក៏ដូចជា​ការ​ផ្ដល់​ជូន​ពិសេស​ជាច្រើន​ទៅលើ​ការ​ចំណាយ​លើ​ប្រព័ន្ធ​ឌីជីថល និង​ផ្សារ​អេឡិចត្រូនិក​ជាតិ និង​អន្តរជាតិ​ជាច្រើន​ទៀត​ផង​ដែរ។

លោកស្រី ឈាង សោភា ប្រធាន​នាយកដ្ឋាន​សេវាកម្ម​ហិរញ្ញវត្ថុ​បុគ្គល នៃ​ធនាគារ កាណាឌីយ៉ា មាន​ប្រសាសន៍​ថា “ធនាគារ កាណាឌីយ៉ា មាន​មោទកភាព​ក្នុង​ការ​បង្ហាញ និង​ដាក់​ឲ្យ​ប្រើប្រាស់​ជា​ផ្លូវការ​សម្រាប់​ប័ណ្ណឥណទាន Mastercard រចនាបថ​ថ្មី មាន​រំលេច​នូវ​រូប​ប្រាសាទ​អង្គរវត្ត និង​ផ្កា​រំដួល ដែល​ជា​តំណាង​ដួង​ព្រលឹង​កម្ពុជា ដើម្បី​បង្ហាញ​ពី​និមិត្តសញ្ញា នៃ​កិត្យានុភាព គុណធម៌ ភាព​លេចធ្លោ និង​ភាព​រីកចម្រើន សក្ដិសម​នឹង​អភិជន​ភាព និង​ភាព​ម្ចាស់ការ របស់​អតិថិជន​ប្រើប្រាស់”។

“បន្ថែម​ពី​នេះ​ទៀត ធនាគារ កាណាឌីយ៉ា បាន​អភិវឌ្ឍន៍​ប័ណ្ណ​ឥណទាន Mastercard របស់​ពួក​យើង​ជាមួយ​នឹង​បច្ចេកវិទ្យា Contactless Payment Method ដើម្បី​ឲ្យ​អតិថិជន​យើង​ទទួល​បាន​បទពិសោធន៍​ទូទាត់​ប្រាក់ កាន់តែ​ល្អ និង​មាន​ភាព​ងាយស្រួល​ជាង​មុន ក៏ដូចជា​ពង្រឹង​នូវ​សុវត្ថិភាព និង​ឯកជន​ភាព​ជាមួយ​នឹង​បច្ចេកវិទ្យា​ចុងក្រោយ។ ធនាគារ កាណាឌីយ៉ា បាន​សហការ​ជាមួយ​នឹង Mastercard ក្នុង​ភាព​ជា​ដៃគូ ដើម្បី​បន្ត​ច្នៃប្រឌិត និង​បញ្ចេញ​នូវ​ផលិតផល​ឌីជីថល​ថ្មី សម្រប​នូវ​តម្រូវការ​របស់​អតិថិជន និង​សង្គម ដែល​កំពុងតែ​ឈាន​ទៅ​រក​ឌីជីថល​រូបនីយកម្ម។ ដៃគូ​យុទ្ធសាស្ត្រ​រវាង​កាណាឌីយ៉ា និង Mastercard គឺជា​ផ្នែក​មួយ ក្នុង​គម្រោង​ជាច្រើន ដើម្បី​ធ្វើ​វិវត្ត​កម្ម​ឌីជីថល របស់​ផលិតផល និង​សេវាកម្ម​របស់​ធនាគារ នាំមក​នូវ​ផលិតផល សេវាកម្ម និង​បទពិសោធន៍​ថ្មីៗ ដែល​ទាំងអស់​នេះ​គឺជា​អាទិភាព​ចម្បង​សម្រាប់​ធនាគារ កាណាឌីយ៉ា”។

លោក​អ្នក​អាច​ស្វែងរក​ព័ត៌មាន​បន្ថែម​ពី​កាត​ឥណទាន Canadia Mastercard នៅ​សាខា​ធនាគារ កាណាឌីយ៉ា ដែល​មាននៅ​គ្រប់ ២៥ ខេត្ត-ក្រុង ឬ ទំនាក់ទំនង​មក​កាន់​លេខ​ទូរស័ព្ទ ០២៣ ៨៦៨ ២២២។

អំពី​ធនាគារ កាណាឌីយ៉ា

ធនាគារ កាណាឌីយ៉ា គឺជា​ធនាគារ​ពាណិជ្ជកម្ម និង​សេវាកម្ម​ដ៏​ឈានមុខ​គេ​មួយ​នៅ​ក្នុង​ប្រទេស​កម្ពុជា តាំងពី​ឆ្នាំ ១៩៩១។ ធនាគារ កាណាឌីយ៉ា ត្រូវ​បាន​ទទួល​ស្គាល់ និង​ឈ្នះ​ពានរង្វាន់​របស់ The Asian Banker “The Strongest Bank by Balance Sheet in Cambodia” ៣ ឆ្នាំ​ជាប់ៗ​គ្នា និង​ពានរង្វាន់ “The Best Retail Bank in Cambodia” ក្នុង​ឆ្នាំ ២០២១។ ក្នុង​ឆ្នាំ ២០២២ ធនាគារ ត្រូវ​បាន World HRD Congress ផ្ដល់​ពានរង្វាន់ “Dream Company To Work For” និង​ឈ្នះ “Best Managed Bank 2022” ដោយ The Asian Banker ហើយ​ថ្មីៗ​នេះ ធនាគារ កាណាឌីយ៉ា បាន​ឈ្នះ “Best Domestic Bank” និង “Best SME Bank” ពី​ស្ថាប័ន International Finance Awards និង ពានរង្វាន់ “Best Domestic Bank in Cambodia 2022” ពី​ទស្សនាវដ្ដី Asiamoney។

ធនាគារ កាណាឌីយ៉ា មាន​សាខា​ចំនួន ៦៥ ទូទាំង ២៥ ខេត្ត-ក្រុង ព្រមទាំង​ឧបករណ៍​ឌីជីថល និង​ធនាគារ​ស្វ័យប្រវត្តិ ជាង ៤០០ កន្លែង ទូទាំង​ប្រទេស។ ដើម្បី​ទទួល​បាន​ព័ត៌មាន​បន្ថែម សូម​ទាក់ទង​ទៅ​កាន់​លេខ​ទូរស័ព្ទ +855 (0) 23 868 222 ឬ ចូល​ទៅកាន់​គេហទំព័រ: www.canadiabank.com.kh