ព័ត៌មានជាតិ

អភិបាលខេត្តកំពត ស្នើឱ្យតបណ្ដាញសេវាករ និងពង្រីកផ្គត់ផ្គងអគ្គិសនីជូនពលរដ្ឋទូទាំងខេត្តឲ្យបានគ្រប់ផ្ទះ

បានផុស

១ year មុន

នៅ

ថ្ងៃចន្ទ ៦ មីនា ២០២៣

ដោយ

លោក ម៉ៅ ធនិន អភិបាលខេត្តកំពត បានស្នើបែបនេះ ខណៈអញ្ជើញជួបសំណេះសំណាលជាមួយសេវាអ្នកផ្គត់ផ្គង់អគ្គិសនីដែលទទួលអាជ្ញាប័ណ្ណទូទាំង(ខេត្តកំពត) នៅថ្ងៃទី៦ ខែមីនា ឆ្នាំ២០២៣នេះ នៅសាលប្រជុំសាលាខេត្តកំពត ដោយមានការអញ្ជើញចូលរួមពីថ្នាក់ដឹកនាំមន្ត្រីរាជការ និងអ្នកពាក់ព័ន្ធបានអញ្ជើញចូលរួមជាច្រើនរូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ៅ ធនិន អភិបាលខេត្តកំពត បានស្នើឲ្យសេវាករតបណ្តាញរអគ្គិសនីទូទាំងខេត្តកំពត និងអ្នកផ្គត់ផ្គងអគ្គិសនី ជូនពលរដ្ឋអោយបានគ្រប់ខ្នងផ្ទះ។

បញ្ហាប្រឈមនិងរកដំណោះស្រាយជូនប្រជាពលរដ្ឋ ក្នុងកិច្ចប្រជុំនេះមានគោលបំណង និងសំណូមពររបស់ប្រជាពលរដ្ឋទាក់ទងបញ្ហានិងប្រើប្រាស់ភ្លើង របស់ប្រជាពលរដ្ឋតាមខ្នងផ្ទះ ព្រមទាំងបញ្ហាប្រឈម របស់សេវាករអគ្គិសនីកន្លងមក។

វិស័យភ្លើងអគ្គិសនីគឺជាតម្រូវការដ៏ចាំបាច់ ដែលមិនអាចខ្វះបាននាពេលបច្ចុប្បន្ននេះ ដូច្នោះហើយសេវាករដែលផ្គត់ផ្គង់អគ្គិសនីទាំងអស់ ត្រូវមានការចូលរួម និងសហការជាមួយអាជ្ញាធរនៅតាមមូលដ្ឋានក្នុងការពង្រីកបណ្ដាញនិងតបណ្ដាញអគ្គិសនីភ្លើងជូនប្រជាពលរដ្ឋឲ្យបានគ្រប់ភូមិនិងនៅគ្រប់ខ្នងផ្ទះរបស់ប្រជាពលរដ្ឋទៅតាមការសំណូមពរនិងតម្រូវការដ៏ចាំបាច់ចង់បានរបស់បងប្អូនប្រជាពលរដ្ឋទូទាំងខេត្ត។

អភិបាលខេត្តកំពត លើកឡើងឱ្យដឹងទៀតថា ប្រទេសកម្ពុជាក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បាននាំយកវិស័យចំនួន៣ ជាអាទិភាព គឺ ផ្លូវ ទឹក ភ្លើង។

ដោយឡែកទន្ទឹមនិងនេះដែរ លោកម៉ៅ ធនិនអភិបាលខេត្តកំពត បានសំដែងការកោតសរសើរ និងវាយតម្លៃខ្ពស់ចំពោះការផ្គត់ផ្គង់ និងការផ្តល់សេវាអគ្គិសនី របស់សេវាករទាំងអស់នៅទូទាំងខេត្ត បានល្អនាពេលកន្លងមក។

អភិបាលខេត្តកំពត ក៏បានលើកទឹកចិត្តហើយនិងជំរុញដល់សេវាករអគ្គិសនីទាំងអស់ ត្រូវបន្តធ្វើកិច្ចការងារដែលនៅសេសសល់ ពិសេសលើសំណើ ទៅតាមការសំណូមពររបស់ប្រជាពលរដ្ឋដែលមានតម្រូវការប្រើប្រាស់អគ្គិសនីនៅតាមមូលដ្ឋានឱ្យបានចាំបាច់ទៀតផង៕

ដោយ ៖ សឹង រ៉ាត់