កីឡា

ទោះកាត់ប្រាក់ឈ្នួលច្រើន Rashford នៅតែឈរលេខ ៥ ជាកីឡាករមានប្រាក់ឈ្នួលខ្ពស់បំផុតនៅ Barcelona

បានផុស

១២ ខែ មុន

នៅ

ថ្ងៃព្រហស្បតិ៍ ២៤ កក្កដា ២០២៥

ដោយ

ខ្សែប្រយុទ្ធចំណូលថ្មី Marcus Rashford នៅតែស្ថិតក្នុងកីឡាករកំពូលទាំង ៥ ដែលមានប្រាក់ឈ្នួលខ្ពស់បំផុតនៅក្លិប Barcelona ទោះរូបគេបានកាត់ប្រាក់ឈ្នួលអស់ច្រើនក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីយប់ថ្ងៃ ពុធ ទី ២៣ ខែ កក្កដា ឆ្នាំ ២០២៥ ក្លិបអ្នកមានបុណ្យ FC Barcelona បានប្រកាសជាផ្លូវការអំពីការចុះកិច្ចសន្យាយកបានខ្សែប្រយុទ្ធសញ្ជាតិ អង់គ្លេស Marcus Rashford ពីក្រុមបិសាចក្រហម Manchester United ក្នុងកិច្ចសន្យាខ្ចីជើង ១ រដូវកាល អមជាមួយជម្រើសទិញផ្តាច់ក្នុងតម្លៃ ៤១ លានដុល្លារអាមេរិក។

យ៉ាងណា ការផ្លាស់មកកាន់ Barcelona របស់ Rashford នៅរដូវកាលនេះត្រូវបានគេដឹងថា រូបគេហាក់ពេញចិត្តយ៉ាងខ្លាំង ដោយយល់ព្រមកាត់ប្រាក់ឈ្នួលរបស់ខ្លួនដល់ទៅ ១៥% ថែមទៀត បើធៀបនឹងពេលនៅ Manchester United។ អំឡុងពេលនៅក្លិបបិសាចក្រហម ខ្សែប្រយុទ្ធសញ្ជាតិ អង់គ្លេស រូបនេះ ទទួលបានប្រាក់ឈ្នួលចំនួន ៤៤ ម៉ឺនដុល្លារអាមេរិកក្នុងមួយសប្តាហ៍ ដែលសរុបក្នុងមួយឆ្នាំទទួលបាន ២២.៧ លានដុល្លារអាមេរិក។

ប៉ុន្តែការមកចូលរួមជាមួយ Barcelona នៅរដូវកាលនេះ រូបគេទទួលបានចំនួន ១៦.៣ លានដុល្លារអាមេរិកក្នុងមួយឆ្នាំ។ ទោះបីជាយ៉ាងណា Rashford នៅតែឈរលេខរៀងទី ៥ ជាកីឡាករមានប្រាក់ឈ្នួលខ្ពស់ជាងគេបំផុតប្រចាំ Barcelona ពោលគឺនៅក្រោមតែ Robert Lewandowski, Frenkie de Jong, Lamine Yamal និង Raphinha ប៉ុណ្ណោះ។

ខាងក្រោមនេះ គឺជាកីឡាករទាំង ១០ ដែលមានប្រាក់ឈ្នួលខ្ពស់បំផុតនៅ Barcelona៖