ព័ត៌មានជាតិ
សម្ដេចតេជោ ហ៊ុន សែន ៖ កុំយកប្រជាជនខ្មែរ ធ្វើតេស្ដថ្នាំដែលប្រទេសណាមួយផលិតបានឲ្យសោះ
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រកាសដាច់ខាតមិនត្រូវយកប្រជាជនខ្មែរ ធ្វើតេស្ដថ្នាំដែលប្រទេសណាមួយផលិតបាននោះទេ ហើយកន្លងមកសម្ដេច ធ្លាប់ចង្អុលមុខអតីតរដ្ឋមន្ត្រីក្រសួងសុខាភិបាលមួយរូប ដែលបម្រុងយកថ្នាំដែលប្រទេសមួយផលិតបាន មកសាកល្បងជាមួយប្រជាជនខ្មែរ។
នៅក្នុងពិធីបិទសន្និបាតបូកសរុបការងាររបស់ក្រសួងសុខាភិបាល នារសៀលថ្ងៃទី ៧ ខែមីនានេះ សម្ដេចតេជោ ហ៊ុន សែន បានរំលឹកថា នាពេលកន្លងមក អតីតរដ្ឋមន្ត្រីក្រសួងសុខាភិបាលមួយរូប បម្រុងយកថ្នាំដែលប្រទេសមួយផលិតបាន មកសាកល្បងជាមួយប្រជាជនខ្មែរ ខណៈប្រជាជននៃប្រទេសនោះ មិនបានសាកល្បងប្រើប្រាស់ថ្នាំនោះឡើយ។
សម្ដេចតេជោ ហ៊ុន សែន ថ្លែងបែបនេះថា «ពេលនោះ ដូចជាឯកឧត្ដម នុត សុខុម ធ្វើជារដ្ឋមន្ត្រី ស្រាប់តែប្រុងថា យកថ្នាំឯណាណោះ គេផលិតបាននៅប្រទេសមួយ ដែលខ្ញុំមិនបញ្ចេញឈ្មោះទេ គេយកមកសាកល្បងជាមួយប្រជាជនខ្មែរ ប្រជាជនយើង ប្រជាជនគេអត់បានសាកល្បងទេ មកចង់សាកល្បងប្រជាជនខ្មែរ ខ្ញុំថា ទេអត់បានទេ ខ្ញុំចង្អុលមុខ នុត សុខុម ថា អត់បានទេ អត់ព្រម មិនទទួលយកបានអាហ្នឹង»។
សម្ដេចតេជោ ហ៊ុន សែន បានគូសបញ្ជាក់ថា កុំយកប្រជាជនខ្មែរ ទៅធ្វើតេស្ដសម្រាប់ឱសថដែលប្រទេសដទៃផលិតឲ្យសោះ។ សម្ដេចតេជោ ហ៊ុន សែន ថ្លែងបញ្ជាក់បែបនេះថា «កុំយកប្រជាជនខ្មែរ ធ្វើជាគេហៅថា ធ្វើតេស្ដសម្រាប់ ឱសថដែលគេផលិត ទុកឲ្យគេធ្វើតេស្ដសម្រាប់ខ្លួនគេទៅ ប្រជាជនគេ ហើយបើមានប្រសិទ្ធភាពហើយ ចាំយើងយកមក គេផលិតហើយ គេអត់ហ៊ានធ្វើតេស្ដប្រជាជនគេផង បញ្ជូនមកឲ្យខ្មែរ ខ្មែរប្រុងទទួល អាហ្នឹងខ្ញុំមិនលេងជាមួយទេ»៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ