Connect with us

ព័ត៌មានជាតិ

មកដឹងដើមទុនដែលអាចដំណើរការគ្រឹះស្ថានធនាគារពាណិជ្ជ និងមីក្រូហិរញ្ញវត្ថុ នៅកម្ពុជា

បានផុស

នៅ

គ្រឹះស្ថានធនាគារពាណិជ្ជ និងមីក្រូហិរញ្ញវត្ថុ ត្រូវមានដើមទុនប៉ុន្មានដើម្បីអាចទទួលបានអាជ្ញាបណ្ណដំណើរបាន?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កាំង តុងងី អ្នកនាំពាក្យសមាគមមីក្រូហិរញ្ញវត្ថុកម្ពុជា បានលើកឡើងថា សម្រាប់គ្រឹះស្ថានធនាគារពាណិជ្ជ ត្រូវមានដើមទុន ៧៥លានដុល្លារ ដើម្បីដំណើរការអាជីវកម្ម។ ចំណែកមីក្រូហិរញ្ញវត្ថុ ដែលទទួលប្រាក់​បញ្ញើត្រូវមាន​ដើមទុន ៤៥លានដុល្លារ, ១លាន ៥០ម៉ឺនដុល្លារ សម្រាប់គ្រឹះស្ថានមីក្រូហិរញ្ញវត្ថុ ដែលមិនទទួលប្រាក់បញ្ញើ, និង ២ម៉ឺន ៥ពាន់ដុល្លារ សម្រាប់គ្រឹះស្ថានឥណទានជនបទ។

លោក កាំង តុងងី បានឱ្យដឹងទៀតថា ក្រៅពីដើមទុននេះ នៅមានលក្ខខណ្ឌជាច្រើនទៀត ដែលតម្រូវឱ្យមានមុន​នឹងទទួលបានអាជ្ញាបណ្ណ។ បើតាមលោក តុងងី លក្ខខណ្ឌទាំងនោះ មានដូចជា ការរៀបចំផែនការអាជីវកម្ម ការសិក្សាលើទីផ្សារ មើលលើសមត្ថភាពក្រុមប្រឹក្សាភិបាល ក្នុងការគ្រប់គ្រង និងមើលទៅលើប្រវត្តិ ថាតើធ្លាប់ជាប់​ពាក់ព័ន្ធនឹងអាជីវកម្មមិនស្របច្បាប់ ឬបទឧក្រិត្យផ្សេងៗ។ លោកបន្ថែមដូច្នេះថា« សូម្បីតែប្រធានសារខានីមួយៗ ក៏ធនាគារជាតិពិនិត្យយ៉ាងល្អិតល្អន់ ថាតើធ្លាប់ជាប់បទឧក្រិត្យអ្វីដែរឬទេ? និងនៅមានបញ្ញត្តិជាច្រើនទៀត»។

លោក តុងងី បានគូសបញ្ជាក់ទៀតថា រយៈពេលប៉ុន្មានឆ្នាំចុងក្រោយនេះ មានការរឹតបន្តឹងខ្លាំងក្នុងការផ្តល់​អាជ្ញាបណ្ណសម្រាប់ធនាគារ និងគ្រឹះស្ថានហិរញ្ញវត្ថុ នៅកម្ពុជា៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម