ព័ត៌មានជាតិ
ខេត្តឧត្តរមានជ័យ ពឹងផ្អែកលើវិស័យ ៣ សំខាន់ដើម្បីជំរុញកំណើនសេដ្ឋកិច្ចខេត្ត
លោកប៉ែន កុសល្យ អភិបាលនៃគណៈអភិបាលខេត្តឧត្តរមានជ័យបានគូសបញ្ជាក់ថា សេដ្ឋកិច្ចរបស់ខេត្តឧត្តរមានជ័យគឺត្រូវពឹងផ្អែកទៅលើវិស័យសំខាន់ៗចំនួន៣ គឺវិស័យកសិកម្ម រ៉ែ និងទេសចរណ៍។ លោកបានលើកឡើងបែបនេះ ក្នុងសន្និសីទសារព័ត៌មានដែលរៀបចំដោយអង្គភាពអ្នកនាំពាក្យនៅព្រឹកថ្ងៃទី២១ ខែមីនា ឆ្នាំ២០២៣។
លោក ប៉ែន កុសល្យ បានលើកឡើងថា ដោយសារខេត្តឧត្តរមានជ័យមានលក្ខណៈអំណោយផលផ្នែកវិស័យកសិកម្ម ប្រជាជននៅក្នុងខេត្តភាគច្រើនប្រកបរបរកសិកម្ម។ ដំណាំសំខាន់ៗមាន ស្រូវ ដំឡូងមី ចេក ស្វាយចន្ទី ស្វាយកែវ រមៀត ពោត សណ្ដែក និងអនុផលជាច្រើនទៀត ដែលបានជួយលើកស្ទួយជីវភាពពលរដ្ឋកាន់តែល្អប្រសើរតាមរយៈការនាំចេញទៅទីផ្សារក្នុងស្រុក និងក្រៅប្រទេស។
លោកបន្តថា ផលកសិកម្មនៅក្នុងឆ្នាំនេះមានភាពល្អប្រសើរ ដែលបានជួយសម្រួលដល់ជីវភាពប្រជាពលរដ្ឋរីកចម្រើនគួរឱ្យកត់សម្គាល់។
ដើម្បីលើកកម្ពស់វិស័យកសិកម្មឱ្យកាន់តែរីកចម្រើនបន្ថែមទៀត លោកអភិបាលខេត្តបញ្ជាក់ថា រដ្ឋបាលខេត្តបានរៀបចំចងក្រងឱ្យមានបណ្ដុំអាជីវកម្មដំណាំនានាដូចជា បណ្ដុំដំឡូងមី, ត្រសក់ផ្អែម, ឪឡឹកលឿង, ស្វាយកែវ រមៀត, បន្លែ និងស្រូវជាដើម។ បច្ចុប្បន្ន ខេត្តកំពុងឈានមុខក្នុងការដាំដុះនិងផ្គត់ផ្គង់លើផលិតផល ឪឡឹកលឿង ឪឡឹកទឹកក្រូច និងត្រសក់ផ្អែម (មីឡុង) រួមនឹងចេកអំបូងលឿង ដែលបានដាំដុះលើផ្ទៃដីសរុបប្រមាណ ៨ ០៤៦ហិកតា ទូទាំងខេត្ត និងកំពុងប្រមូលផលជាបន្តបន្ទាប់ សម្រាប់ផ្គត់ផ្គង់ទីផ្សារក្នុងស្រុកក៏ដូចជានាំចេញទៅក្រៅប្រទេស។
ក្រៅពីកសិកម្ម ខេត្តឧត្តរមានជ័យក៏មានវិស័យធំពីរទៀតគឺ រ៉ែ និងទេសចរណ៍។ ពាក់ព័ន្ធវិស័យរ៉ែ លោក ប៉ែន កុសល្យ បានលើកឡើងថា ផ្ដោតសំខាន់លើរ៉ែមាស រ៉ែត្បូង សំណ និងរ៉ែធ្យូងថ្ម។ ខេត្តក៏មានរោងចក្រអគ្គិសនីដើរ ដោយថាមពលធ្យូងថ្មមួយកន្លែងស្ថិតក្នុងស្រុកត្រពាំងប្រាសាទ។ រោងចក្រអគ្គិសនីដុតដោយធ្យូងថ្មនេះមានអនុភាព ២៦៥ មេហ្គាវ៉ាត់ ដែលក្រៅពីអាចបំពេញតម្រូវការប្រើប្រាស់ថាមពលក្នុងខេត្ត ក៏បានជួយផ្គត់ផ្គង់ដល់ខេត្តសៀមរាប ដោយបច្ចុប្បន្នអាជ្ញាធរកំពុងសាងសង់ខ្សែបញ្ជូនអគ្គិសនីពីខេត្តឧត្តរមានជ័យទៅកាន់អនុស្ថានីយដែលគ្រោងដំណើរការក្នុងពេលដ៏ឆាប់ខាងមុខនេះ។
វិស័យទេសចរណ៍លោកប៉ែន កុសល្យ បានចង្អុលបង្ហាញថា ទូទាំងខេត្តមានតំបន់ទេសចរណ៍ធម្មជាតិ ទេសចរណ៍វប្បធម៌ និងតំបន់ប្រវត្តិសាស្ត្រ ដែលជាកេរ្តិ៍ដំណែលបន្សល់ទុកដោយថ្នាក់ដឹកនាំជាន់ខ្ពស់នៃរបបកម្ពុជាប្រជាធិបតេយ្យ។ ក្នុងនោះទេសចរណ៍ធម្មជាតិមានចំនួន ៧ ទីតាំង, តំបន់ប្រវត្តិសាស្ត្រចំនួន ១៤ ទីតាំង និងទេសចរណ៍វប្បធម៌មានរហូតដល់ ១៤៤ កន្លែង។
តំបន់ទេសចរណ៍វប្បធម៌ ខេត្តកំពុងសិក្សាជាមួយរដ្ឋបាលក្រុង-ស្រុក និងមន្ទីរពាក់ព័ន្ធអំពីស្ថានភាពប្រាសាទនានាដែលនៅសេសសល់ ហើយគ្រោងដាក់បញ្ចូលក្នុងបញ្ជីបេតិកភណ្ឌផងដែរ៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង