ព័ត៌មានជាតិ

ខេត្តបន្ទាយមានជ័យ សាងសង់ប្រព័ន្ធធារាសាស្ត្រធំៗ ២ គម្រោង ក្រោមជំនួយថវិការដ្ឋាភិបាល កូរ៉េ និងបារាំង

បានផុស

៣ years មុន

នៅ

ថ្ងៃពុធ ២៩ មីនា ២០២៣

ដោយ

លោក អ៊ុំ រាត្រី អភិបាល នៃគណៈ អភិបាលខេត្តបន្ទាយមានជ័យមានប្រសាសន៍ថា ខេត្តបន្ទាយមានជ័យ ទទួលបានគម្រោងកែលំអប្រព័ន្ធធារាសាស្ត្រធំៗចំនួន ២ គម្រោង ក្រោមជំនួយថវិការបស់រដ្ឋាភិបាល កូរ៉េ និងបារាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសន្និសីទសារព័ត៌មានស្តីពី «ភាពជោគជ័យរយៈពេល ៥ឆ្នាំ របស់ខេត្តបន្ទាយមានជ័យ» លោក អ៊ុំ រាត្រី បានគូសបញ្ជាក់ថា ប្រជាជននៃខេត្តបន្ទាយមានជ័យប្រមាណ ៨៥% ប្រកបរបរកសិកម្ម តែការផ្គត់ផ្គង់ទឹកនៅមិនទាន់បានគ្រប់គ្រាន់នៅឡើយទេ។ ក្នុងនោះប្រព័ន្ធធារាសាស្ត្រក្នុងខេត្តអាចផ្ដល់បានតែ ៤៧% នៃផ្ទៃដី ២៦ ម៉ឺនហិតាប៉ុណ្ណោះ។

ពាក់ព័ន្ធបញ្ហានេះលោក អ៊ុំ រាត្រី បានពន្យល់ថា ដោយសារមានការគិតគូរពីរាជរដ្ឋាភិបាល បានឯកភាពផ្ដល់គម្រោងប្រព័ន្ធធារាសាស្ត្រធំៗចំនួន ២ ក្រោមការគាំទ្រថវិកាគម្រោងដោយរដ្ឋាភិបាលប្រទេស កូរ៉េ និងបារាំង សម្រាប់រៀបចំនិងកែសម្រួលប្រព័ន្ធធារាសាស្ត្រឡើងវិញ។

ចំពោះគម្រោងទាំង ២ ដែលខេត្តបន្ទាយមានជ័យទទួលបានរួមមាន៖

១.គម្រោងដែលគាំទ្រដោយថវិកាកូរ៉េ

-ស្ថិតនៅស្រុកអូរជ្រៅ ឃុំសឹង្ហ គឺជាប្រព័ន្ធអាងទឹកកន្សែង ដែលបានជីកប្រឡាយមេចំនួន ០២ខ្សែ មានប្រវែង ៣៥ ៥៧០ម៉ែត្រ និងជួសជុលភ្លឺទំនប់ប្រវែង ៧ ១២០ម៉ែត្រ។

-ស្ថិតនៅក្រុងប៉ោយប៉ែត សង្កាត់និមិត្ត ជាប្រព័ន្ធអាងទឹកពង្រ ដែលមានការជីកប្រឡាយមេចំនួន ០១ខ្សែ ប្រវែង ១៦.៤២០ម៉ែត្រ និងជួសជុលភ្លឺទំនប់ប្រវែង ៧ ០១០ម៉ែត្រ ហើយបានអនុវត្តគម្រោងបានប្រមាណជា ១៥%។

-ស្ថិតនៅក្នុងស្រុកម៉ាឡៃ ឃុំទួលពង្រ ជាប្រព័ន្ធអាងទឹករំាងហែង មានការជីកប្រឡាយមេចំនួន ០២ខ្សែ ប្រវែង ៣៥ ៦១០ម៉ែត្រ ហើយកំពុងសិក្សាគម្រោងលម្អិត និងការលើកភ្លឺទំនប់ប្រវែង ៦ ២៣០ម៉ែត្រ ដែលអនុវត្តគម្រោងបាន ១៥%។

លោកអភិបាលខេត្តបានលើកឡើងថា គម្រោងដែលគាំទ្រថវិកាដោយរដ្ឋាភិបាលកូរ៉េចំណាយពេលអនុវត្តមិនក្រោម ២ ឆ្នាំនោះទេ ហើយប្រសិនបើគម្រោងសម្រេចបាន នឹងអាចជួយឱ្យវិស័យកសិកម្មក្នុងខេត្តកាន់តែមានការរីកចម្រើនថែមមួយកម្រិតទៀត។

២.គម្រោងដែលគាំទ្រថវិកាដោយបារាំង

ស្ថិតនៅក្នុងស្រុកស្វាយចេក ដែលបានដំណើរការប្រមាណ ១០គីឡូ ដោយមានការជីកប្រឡាយមេធំ ១ខ្សែ ធ្វើចេញពីស្រុកស្វាយចេក មកដល់ក្រុងសេរីសោភ័ណ ដែលជាគម្រោងរបស់ទីភ្នាក់ងារអភិវឌ្ឍន៍បារាំង(AFB)។

ក្នុងខេត្តបន្ទាយមានជ័យមានប្រព័ន្ធធារាសាស្ត្រទាំងតូចទាំងធំចំនួន ៨៧ កន្លែង ក្នុងនោះខ្នាតធំ ០៦ កន្លែង ខ្នាតមធ្យម ៧៥ កន្លែង និងខ្នាតតូចចំនួន ០៦ កន្លែង ដែលខ្នាតធំស្រោចស្រពចាប់ពី ៥ ពាន់ហិតាឡើង, ខ្នាតមធ្យមស្រោចស្រពក្រោម ៥ពាន់ហិតា និងខ្នាតតូចស្រោចស្រពចាប់ពី ៥០០ហិតាចុះ៕

Related Topics:លោក អ៊ុំ រាត្រី ប្រព័ន្ធធារាសាស្រ្ត

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា