ព័ត៌មានជាតិ
ភ្នំព្រះរាជទ្រព្យក្លាយជាតំបន់ទេសចរណ៍ វប្បធម៌ និងប្រវត្តិសាស្ត្រ ទាក់ទាញភ្ញៀវទេសចរថ្ងៃសង្ក្រាន្តឆ្នាំថ្មី
អាជ្ញាធរខេត្តកណ្តាល នឹងរៀបចំពិធីសង្ក្រាន្តរយៈពេល៣ថ្ងៃចាប់ពីថ្ងៃទី១៤-១៦ ខែមេសា ឆ្នាំ២០២៣ខាមុខនេះ នៅភ្នំព្រះរាជទ្រព្យ ដើម្បីប្រែក្លាយតំបន់នេះ ទៅជាតំបន់ទេសចរណ៍ បែបវប្បធម៌ និងប្រវត្តិសាស្ត្រ។
នៅក្នុងឱកាសដឹកនាំក្រុមការងារចុះពិនិត្យវឌ្ឍនភាពនៃការរៀបចំពិធីសង្ក្រាន្តខេត្តកណ្ដាល កាលពីថ្ងៃទី ៧មេសា លោក តាំង ម៉េងលាន អភិបាលរងខេត្តកណ្ដាល បានមានប្រសាសន៍ថា រដ្ឋបាលខេត្តកណ្ដាល បានសម្រេចរៀបចំសង្ក្រាន្តនៅភ្នំព្រះរាជទ្រព្យនេះ គឺចង់ប្រែក្លាយទីនេះទៅជាតំបន់ទេសចរណ៍ បែបវប្បធម៌ ប្រវត្តិសាស្ត្រ ដើម្បីទាក់ទាញភ្ញៀវទេសចរណ៍ជិតឆ្ងាយ ជាពិសេសភ្ញៀវទេសចរណ៍អន្តរជាតិ បានអញ្ជើញមកកម្សាន្តសប្បាយនៅទីនេះឱ្យបានច្រើនកុះករ ដើម្បីជួយលើកស្ទួយជីវភាពរបស់ប្រជាពលរដ្ឋក្នុងតំបន់នេះ ឱ្យកាន់តែប្រសើរឡើងតាមរយៈការលក់ដូរម្ហូបអាហារ វត្ថុអនុស្សាវរីយ៍ និងទំនិញផ្សេងៗ ជូនដល់ភ្ញៀវទេសចរណ៍។
ដើម្បីសម្រេចគោលបំណងនេះ លោក អភិបាលរងខេត្ត បានស្នើដល់ប្រជាពលរដ្ឋ ដែលរស់នៅក្នុងតំបន់នេះត្រូវរៀបចំផ្ទះសំបែងឱ្យបានស្អាត ជាលក្ខណៈបុរាណ ស្របតាមសម័យទំនើប ត្រូវរៀបចំបរិស្ថានឱ្យបានស្អាត មានអនាម័យ និងភាពបៃតង ហើយត្រូវលក់ដូរក្នុងតម្លៃសមរម្យ ម្ហូបអាហារមានគុណភាព និងអនាម័យ។
លោកអភិបាលខេត្តរងបានឱ្យដឹទៀតថា ក្នុងពិធីចង្ក្រានឆ្នាំនេះ រដ្ឋបាលរដ្ឋបាលខេត្ត បានជួសជុលផ្លូវលេខ១៥១ ដែលមានប្រវែងជាង ២៦០០ ម៉ែត្រ ដោយបានចាក់កៅស៊ូយ៉ាងមានគុណភាព និងបានធ្វើផ្លូវចាក់បេតុង នៅក្នុងបរិវេណភ្នំព្រះរាជទ្រព្យ ជាច្រើនកន្លែងទៀតផងដែរ។
នៅក្នុងឱកាសនោះ លោកអភិបាលរងខេត្តបានអំពាវនាវដល់ប្រជាពលរដ្ឋអញ្ជើញចូលរួមកម្សាន្តសប្បាយ ក្នុងពិធីសង្គ្រាន្តខេត្តកណ្ដាល នៅភ្នំព្រះរាជទ្រព្យ ស្ថិតក្នុងឃុំផ្សាដែក ស្រុកពញឮ ចាប់ពីថ្ងៃទី ១៤-១៦ ខែមេសា ឆ្នាំ២០២៣ ខាងមុខនេះ ឱ្យបានច្រើនកុះករ៕
អត្ថបទ៖ សំអឿន
-
ព័ត៌មានជាតិ៧ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៧ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
KPT+៥ ម៉ោង ago
ខ្លះៗពីទិវាកុហក ១ មេសា ឬ April Fools’ Day
-
ចរាចរណ៍៣ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ១ សប្តាហ៍ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ១ សប្តាហ៍ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ