Connect with us

ព័ត៌មានអន្ដរជាតិ

អាមេរិក អនុម័តផ្ដល់យន្តហោះចម្បាំង និងគ្រាប់បែកឲ្យ អ៊ីស្រាអែល

បានផុស

នៅ

សហរដ្ឋអាមេរិកបានអនុម័តលើការផ្ទេរយន្តហោះចម្បាំង និងគ្រាប់បែករាប់ពាន់គ្រាប់ទៅកាន់ប្រទេសអ៊ីស្រាអែលដោយស្ងាត់ៗនៅក្នុងខែនេះ ។ នេះបើយោងតាមាការចេញផ្សាយដោយកាសែត Washington Post នៅថ្ងៃទី០១ ខែមេសានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលសហរដ្ឋអាមេរិកក្រោមការដឹកនាំរបស់លោកប្រធានាធិបតី Joe Biden បានយល់ព្រមលើការផ្ទេរកញ្ចប់សព្វាវុធដែលមានតម្លៃរាប់ពាន់លានដុល្លារឲ្យអ៊ីស្រាអែលដោយស្ងាត់ៗក្នុងខែនេះ ខណៈតាមសេចក្ដីរាយការណ៍ កញ្ចប់ជំនួយទាំងនោះរួមមានយន្តហោះចម្បាំង F-35A ចំនួន ២៥ គ្រឿង និងគ្រាប់បែកជាង ២,៣០០ គ្រាប់ ស្របពេលដែលអ៊ីស្រាអែលនៅតែបន្តប្រតិបត្តិការយោធានៅក្នុងតំបន់ហ្គាហ្សាឥតឈប់ឈរ ។

សហរដ្ឋអាមេរិកនេះហើយគឺជាតួអង្គដ៏សំខាន់ដែលស្រែកក្ដែងៗទាមទារឲ្យលោកនាយករដ្ឋមន្ត្រីអ៊ីស្រាអែល Benjamin Netanyahu បញ្ឈប់ការកាប់សម្លាប់ជនស៊ីវិលនៅក្នុងភ្លើងសង្គ្រាមនៅតំបន់ហ្គាហ្សា ប៉ុន្តែផ្ទុយទៅវិញ រដ្ឋាភិបាលទីក្រុងវ៉ាស៊ីនតោនបែរជាងាកផ្គត់ផ្គង់អាវុធឲ្យអ៊ីស្រាអែល ។

គួរបញ្ជាក់ថា រដ្ឋាភិបាលក្រុងវ៉ាស៊ីនតោន នៅតែបន្តផ្គត់ផ្គង់អាវុធដល់ប្រទេសអ៊ីស្រាអែល បើទោះបីជាមានការព្រួយបារម្ភអំពីការប៉ះពាល់ដល់ជនស៊ីវិលបន្ថែមទៀតនៅក្នុងការវាយលុកតាមផែនការរបស់អ៊ីស្រាអែលលើទីក្រុងរ៉ាហ្វាភាគខាងត្បូងក៏ដោយ ៕

អត្ថបទ ៖ ​ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម