Connect with us

សន្តិសុខសង្គម

នគរបាលព្រហ្មទណ្ឌចាប់ខ្លួនខ្មាន់កាំភ្លើងម្នាក់ បន្ទាប់ពីបាញ់ប្រហារបុរសម្នាក់នៅផ្លូវជាតិលេខ៣

បានផុស

នៅ

កម្លាំងនគរបាលព្រហ្មទណ្ឌក្រសួងមហាផ្ទៃ បានសហការជាមួយកម្លាំងជំនាញរបស់ស្នងការដ្ឋាននគរបាលខេត្តកែវ និងអធិការដ្ឋាននគរបាលខណ្ឌមានជ័យ ស្រាវជ្រាវចាប់ខ្លួនជនដៃដល់ម្នាក់ក្រោយពីបាញ់ប្រហារបុរសម្នាក់នៅផ្លូវជាតិ​លេខ៣បណ្ដាលឲ្យដួលសន្លប់ស្ដូកស្ដឹងនៅកន្លែងកើតហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការឃាត់ខ្លួននេះបានធ្វើឡើងកាលពីវេលាម៉ោង១១និង៣០នាទី ថ្ងៃទី០១ ខែមេសា ឆ្នាំ២០២៤ នៅចំណុចផ្លូវឧកញ៉ាឌួង ងៀប កែងផ្លូងវេងស្រេង ស្ថិតក្នុងខណ្ឌមានជ័យ រាជធានីភ្នំពេញ។ ជនដៃដល់ក្នុងករណីបាញ់ប្រហារនេះមានឈ្មោះ ឌីត និមល អាយុ៣៥ឆ្នាំ ភេទប្រុស មុខរបរអាជីវករ (បោះដុំ ប៊ីចេង)។ ចំណែកជនរងគ្រោះមានឈ្មោះ ឡេង កាក់ ភេទប្រុស អាយុ៣៦ឆ្នាំ រស់នៅភូមិតាំងក្រសាំង (រាជធានីភ្នំពេញ)។

តាមរបាយការណ៍របស់នាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិ ក្រសួងមហាផ្ទៃ បានឲ្យដឹងថា ករណីបាញ់ប្រាហារលើជនរងគ្រោះនេះបានកើតឡើងកាលពីម៉ោង៧និង៣៥នាទីយប់ ថ្ងៃទី៣១ ខែមីនា ឆ្នាំ២០២៤ នៅលើផ្លូវជាតិលេខ៣ ចន្លោះគីឡូម៉ែត្រ លេខ៥៧-៥៨ ស្ថិតនៅក្នុងភូមិត្រពាំងឃ្លោក ឃុំខ្វាវ ស្រុកសំរោង ខេត្តតាកែវ។

តាមរបាយការណ៍ មុនពេលកើតហេតុជនដៃដល់បើករថយន្តម៉ាកកូរ៉េ ពណ៌ ស (ប្រហែលមួយតោនកន្លះ) ស្របទិសគ្នាជាមួយរថយន្ដជនគ្រោះម៉ាកតូរីស ពណ៌ស្លែ ពាក់ផ្លាកលេខភ្នំពេញ2K-8528 លុះមកដល់ចំណុចកើតហេតុបានបើក​វ៉ាជែងមកកាក់ឲ្យឈប់រួចធ្វើសកម្មភាពទាញកាំភ្លើងខ្លីបាញ់មកលើជនរងគ្រោះត្រូវចំនួន៣គ្រាប់បណ្តាលឲ្យដួលសន្លប់នៅកន្លែងកើតហេតុ ហើយក្រោយពីបាញ់ប្រហារជនដៃដល់បានបើករថយន្ដគេចខ្លួនបាត់។ ជនរងគ្រោះត្រូវបានកម្លាំងសមត្ថកិច្ចខេត្តតាកែវ បញ្ជូនទៅសង្គ្រោះនៅមន្ទីពេទ្យ ចំណែកវត្ថុតាងសម្ថកិច្ចប៉ុស្តិ៍នគរបាលរដ្ឋបាលខ្វាវ ស្រុកសំរោង យកទៅរក្សាទុកនៅប៉ុស្តិ៍ដើម្បីអនុវត្តតាមនិតិវិធី។ បើតាមសមត្ថកិច្ច ករណីនេះគឺផ្ដើមចេញពីករណីគំនុំ៕

អត្ថបទ៖ សុខុម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៣ នាទី មុន

អភិបាលក្រុងប៉ារីសប្រកាស’មិនស្វាគមន៍’ អត្តពលិករុស្ស៊ី និងបេឡារុស្ស ក្នុងកីឡាអូឡាំពិក២០២៤

ព័ត៌មានជាតិ៧ នាទី មុន

អតីតប្រមុខការទូត លោក ប្រាក់ សុខុន នឹងទៅបំពេញតួនាទីនៅព្រឹទ្ធសភាជាមួយសម្ដេចតេជោ

ព័ត៌មានជាតិ៧ នាទី មុន

ពលរដ្ឋខ្មែរនៅថៃសប្បាយចិត្ត និងអរគុណរាជរដ្ឋាភិបាល ចំពោះការមិនបង់ប្រាក់លើការធ្វើដំណើរទៅវិញទៅមកក្នុងអំឡុងពេលចូលឆ្នាំខ្មែរ

ជីវិតកម្សាន្ដ១៩ នាទី មុន

មាស សុខសោភា បង្ហើបប្រវត្តិរឿងរ៉ាវតស៊ូកាលពីក្មេងធ្លាប់ឆ្លងកាត់

សន្តិសុខសង្គម២១ នាទី មុន

នគរបាលព្រហ្មទណ្ឌចាប់ខ្លួនខ្មាន់កាំភ្លើងម្នាក់ បន្ទាប់ពីបាញ់ប្រហារបុរសម្នាក់នៅផ្លូវជាតិលេខ៣

Sokha Hotels

ព័ត៌មានពេញនិយម