Connect with us

ព័ត៌មានអន្ដរជាតិ

អ៊ុយក្រែន ចេញឆ្លើយតប ក្រោយ រុស្ស៊ី ទារឲ្យប្រគល់ប្រមុខទីភ្នាក់ងារសន្តិ​សុខជាប់ពាក់ព័ន្ធការវាយប្រហារភេរវកម្ម

បានផុស

នៅ

រុស្ស៊ីកំពុងទាមទារឲ្យអ៊ុយក្រែនប្រគល់មនុស្សទាំងប៉ុន្មានដែលមានជាប់ទាក់ទិននឹងការវាយប្រហារភេរវកម្មនៅក្នុងប្រទេសរុស្ស៊ី ក្នុងនោះរួមមានទាំងប្រធានទីភ្នាក់ងារសន្ដិសុខអ៊ុយក្រែន (SBU) ផងដែរ ។ នេះបើយោងតាមសេចក្ដីប្រកាសរបស់ក្រសួងការបរទេសរុស្ស៊ី និងចុះផ្សាយដោយទីភ្នាក់ងារព័ត៌មាន Reuters កាលពីថ្ងៃទី៣១ ខែមីនាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណា ភ្លាមៗនោះទីភ្នាក់ងារសន្តិសុខអ៊ុយក្រែន (SBU) ក៏បានចេញមកទាត់ចោលចំពោះការទាមទាររបស់រុស្ស៊ី ដោយចាត់ទុកថាជារឿងឥតបានការ ហើយថែមទាំងបោះពាក្យសម្ដីទៀតថា ក្រសួងការបរទេសរុស្ស៊ីភ្លេចខ្លួនហើយថា លោកប្រធានាធិបតី វ្ល៉ាឌីមៀរ ពូទីន ទៅវិញទេដែលកំពុងស្ថិតក្នុងបញ្ជីខ្មៅនៃដីកាចាប់ខ្លួនពីតុលាការឧក្រិដ្ឋកម្មអន្តរជាតិ (ICC) ។

ក្នុងសេចក្តីថ្លែងការណ៍របស់ក្រសួងការបរទេសរុស្ស៊ីបានរ៉ាយរ៉ាប់ពីរឿងហេតុជាច្រើនដែលបានកើតឡើងនៅក្នុងប្រទេសរុស្ស៊ី រាប់ចាប់តាំងពីផ្ទុះភ្លើងសង្គ្រាមនៅអ៊ុយក្រែនកាលពីខែកុម្ភៈ ឆ្នាំ២០២២ ការបំផ្ទុះគ្រាប់បែកសម្លាប់កូនស្រីអ្នកជាតិនិយមរុស្ស៊ីដ៏មានឈ្មោះបោះសំឡេងម្នាក់ រួមទាំងអ្នកសរសេរប្លុកយោធា ក៏ដូចជាឧប្បត្តិហេតុបណ្ដាលឲ្យអ្នកនិពន្ធម្នាក់រងរបួសយ៉ាងធ្ងន់ធ្ងរជាដើម ហើយយោងតាមការស៊ើបអង្កេតលើឫសគល់ទាំងនេះបានសបញ្ជាក់ថា អ៊ុយក្រែនមានដានជាប់ពាក់ព័ន្ធនឹងការវាយប្រហារដ៏សាហាវឃោរឃៅទាំងនោះ ។

សេចក្តីថ្លែងការណ៍របស់ក្រសួងបានបញ្ជាក់ទៀតថា “ភាគីរុស្ស៊ីទាមទារឲ្យរដ្ឋាភិបាលទីក្រុងកៀវបញ្ឈប់ជាបន្ទាន់នូវរាល់កិច្ចគាំទ្រសម្រាប់សកម្មភាពភេរវកម្ម ធ្វើបត្យាប័នអ្នកដែលមានទោសកំហុស និងផ្តល់សំណងដល់ជនរងគ្រោះសម្រាប់ថ្លៃខូចខាត ហើយរាល់ការរំលោភបំពានរបស់អ៊ុយក្រែនលើកាតព្វកិច្ចរបស់ខ្លួនក្រោមអនុសញ្ញាប្រឆាំងភេរវករ នឹងនាំឲ្យអ៊ុយក្រែនដើរខុសផ្លូវនៃច្បាប់អន្តរជាតិ” ។

គួរបញ្ជាក់ថា ក្នុងចំណោមបញ្ជីរាយនាមអ្នកដែលរុស្ស៊ីទាមទារឲ្យអ៊ុយក្រែនធ្វើបត្យាប័ននោះ រួមមានប្រធានទីភ្នាក់ងារសន្តិសុខអ៊ុយក្រែន (SBU) លោក Vasyl Maliuk បន្ទាប់ពីលោកទទួលស្គាល់ថា ទីភ្នាក់ងាររបស់លោកគឺនៅពីក្រោយខ្នងនៃការវាយប្រហារលើស្ពានតភ្ជាប់តំបន់គ្រីមៀទៅកាន់ទឹកដីរុស្ស៊ី ចាប់តាំងពីផ្ទុះភ្លើងសង្គ្រាមនៅអ៊ុយក្រែនមក ៕

លោក Vasyl Maliuk

ដោយ ៖ សុខ ជីវ័ន្ត

ចុចអាន ៖ រុស្ស៊ី កាន់តែមានព័ស្តុតាង អ៊ុយក្រែន ជាប់ពាក់ព័ន្ធការវាយប្រហារភេរវកម្ម មិនអាចប្រកែកបាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេដ្ឋកិច្ច៣៣ វិនាទី មុន

ហ្វ្រេនឆាយរបស់ក្រុមហ៊ុនស៊ី.ភី.ដែលកំពុងពេញនិយមក្នុងការបណ្តាក់ទុនក្នុងឆ្នាំ 2024

ព័ត៌មានអន្ដរជាតិ១០ នាទី មុន

អ៊ុយក្រែន ចេញឆ្លើយតប ក្រោយ រុស្ស៊ី ទារឲ្យប្រគល់ប្រមុខទីភ្នាក់ងារសន្តិ​សុខជាប់ពាក់ព័ន្ធការវាយប្រហារភេរវកម្ម

វប្បធម៌ ជំនឿ៥០ នាទី មុន

មកដឹងលម្អិត កម្មវិធីអបអរបុណ្យចូលឆ្នាំថ្មី ២ ថ្ងៃ នៅ សាលាមធ្យមវិចិត្រសិល្បៈ

ព័ត៌មានជាតិ២ ម៉ោង មុន

សម្ដេច ហ៊ុន សែន៖ «ទោះបីខ្ញុំមិននៅក្នុងរដ្ឋសភា ប៉ុន្តែខ្ញុំនៅតែមានសិទ្ធិចុះហត្ថលេខាដើម្បីរៀបចំក្បាលម៉ាស៊ីន»

ព័ត៌មានជាតិ២ ម៉ោង មុន

ព្រះមហាក្សត្រ ចាត់ទុក សម្តេចធិបតី ហ៊ុន ម៉ាណែត ជាថ្នាក់ដឹកនាំវ័យក្មេង មានថាមវន្តក្លៀវក្លា បញ្ញាវាងវៃ និងស្មារតីមោះមុត

Sokha Hotels

ព័ត៌មានពេញនិយម