សន្តិសុខសង្គម

ឆ្មក់បង្ក្រាបក្លិបកម្សាន្ដ ថាំង ហួយក្លិប ឃាត់ខ្លួនមនុស្សប្រុសស្រីជាង១០០នាក់ ពាក់ព័ន្ធករណីគ្រឿងញៀន

បានផុស

១២ ខែ មុន

នៅ

ថ្ងៃចន្ទ ១ មេសា ២០២៤

ដោយ

កម្លាំងជំនាញមន្ទីរប្រឆាំងបទល្មើសគ្រឿងញៀន សហការជាមួយកម្លាំងនគរបាលនៃស្នងការដ្ឋាននគរបាលរាជធានីភ្នំពេញ ឆ្មក់បង្ក្រាបទីតាំងក្លិបកម្សាន្តមួយកន្លែងឈ្មោះ ថាំង ហួយក្លិប ដែលបន្លំចែកចាយប្រើប្រាស់គ្រឿងញៀន នៅសង្កាត់បឹងត្របែក ខណ្ឌចំការមន រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការឆ្មក់បង្ក្រាបនេះ បានធ្វើឡើងកាលពីវេលាម៉ោង១យប់រំលងអាធ្រាត្រ ឈានចូលថ្ងៃទី១ ខែមេសា ឆ្នាំ២០២៤ ដោយឃាត់ខ្លួនមនុស្សប្រុសស្រីសរុប ១១១នាក់ (ស្រី៥០នាក់) មានជនជាតិចិន វៀតណាម និងកម្ពុជា និងរកឃើញគ្រឿងញៀន៥គីឡូក្រាម។

ជនសង្ស័យទាំង១១១នាក់ រួមទាំងវត្ថុតាង ត្រូវបានកម្លាំងជំនាញបញ្ជូនមកសាកសួរនៅមន្ទីរប្រឆាំងបទល្មើសគ្រឿងញៀនដើម្បីកសាងសំណុំរឿងអនុវត្តតាមនិតិវិធីច្បាប់។ ក្នុងករណីនេះដែរកម្លាំងជំនាញបាននិងកំពុងស្រាវជ្រាវដើម្បីរកមេក្លោងពាក់ព័ន្ធករណីខាងលើដើម្បីយកមកអនុវត្តវិធានការច្បាប់៕