ជីវិតកម្សាន្ដ

ខេមរៈ សិរីមន្ត ប្រកាសចេញបទបែបប្រពៃណី ក្រោយរងការរិះគន់បទបែបសម័យទំនើប

បានផុស

១២ ខែ មុន

នៅ

ថ្ងៃចន្ទ ១ មេសា ២០២៤

ដោយ

ដូចដែលប្រិយមិត្ត និងអ្នកដែលនិយមតាមដានវិស័យសិល្បៈខ្មែរបានដឹងហើយថា កំពូលតារាចម្រៀងងាជាឧកញ៉ា ខេមរៈ សិរីមន្ត មួយរយៈចុងក្រោយនេះបានចេញនូវបទចម្រៀងថ្មីជាបន្តបន្ទាប់ដើម្បីស្រូបទាញប្រជាប្រិយភាព និងការគាំទ្រពីសំណាក់មហាជន និងមិត្តៗយុវវ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញខណៈការចេញនូវបទចម្រៀងថ្មីៗរបស់ លោក ខេមរៈ សិរីមន្ត កន្លងមកតាមការកត់សម្គាល់គឺបានផ្ទុះនូវការគាំទ្រផង និងការរិះគន់ផងពីសំណាក់មហាជនពោលគឺចាប់តាំងពីការចេញបទ «CALL ME PAPA» បទ «អូនរាំអែន» និងបទ “ឆ្នាំនឹងសប្បាយខ្លាំង” ដែលមិនមែនជាបទបែបប្រពៃណីទេ គឺជាបទចង្វាក់បែបទំនើប។ ក្នុងការរិះគន់មួយចំនួនដោយចង់ឃើញតារាចម្រៀងរូបនេះចេញបទចង្វាក់ប្រពៃណីស្របពេលឱកាសនៃពិធីបុណ្យចូលឆ្នាំថ្មីកៀតជិតចូលមកដល់ឆាប់ៗនេះ។

ឆ្លើយតបការស្នើសុំរបស់មជ្ឈដ្ឋានមហាជន និងអ្នកគាំទ្រតារាចម្រៀងលោក ខេមរៈ សិរីមន្ត បានប្រកាសត្រៀមបញ្ចេញស្នាដៃបទចម្រៀងបែបប្រពៃណីដើម្បីបំពេញតាមតម្រូវចិត្តអ្នកគាំទ្រឆាប់ៗនេះផងដែរ។នេះបើតាមការអះអាងដោយផ្ទាល់ពីលោក ខេមរៈ សិរីមន្ត កាលពីពេលថ្មីៗនេះ។

យ៉ាងណាមិញ លោកឧកញ៉ា ខេមរៈ សិរីមន្ត បានបញ្ជាក់ប្រាប់ឲ្យដឹងបន្ថែមថា «បងប្អូនស្នើសុំខ្ញុំឲ្យចេញបទបែបប្រពៃណីខ្ញុំនឹងចេញក្នុងពេលឆាប់ៗនេះ តែខ្ញុំបាទសុំពីបងប្អូនវិញ គឺសុំ 1Mរយៈពេលមួយថ្ងៃក្នុងយូធូបតើបានទេ»។

ជាមួយគ្នានេះ ក៏មានការបញ្ចេញមតិពីអ្នកគាំទ្រថា «បទចម្រៀងទាំងអស់តែចូលចិត្តជាងគេគឺ Idolច្រៀងបទបែបចូលឆ្នាំ។ ខ្លះទៀតថា សិរីមន្ត ពីមុនមិនមែនអញ្ចឹងទេ បទពីមុនៗពីរោះៗខ្លាំងណាស់ ជាពិសេសបទស្រែកខ្លាំងៗសំឡេងគ្មានអ្នកប្រដូចបានបទចង្វាក់រ៉េបអីហ្នឹងឈប់បានឈប់ទៅ ខ្ញុំស្តាប់មិនចូលទេ»៕

អត្ថបទ៖ ចាន់រ៉ា