ស្លាប់៩៨នាក់​ ក្នុង​ករណី​គ្រោះ​ថ្នាក់​ចរាចរណ៍ រយៈ​ពេល១៩ថ្ងៃ ក្នុង​ខែ​មករា​នេះ​
Connect with us
Helistar Cambodia - Helicopter Charter Services

ព័ត៌មានជាតិ

ស្លាប់៩៨នាក់​ ក្នុង​ករណី​គ្រោះ​ថ្នាក់​ចរាចរណ៍ រយៈ​ពេល១៩ថ្ងៃ ក្នុង​ខែ​មករា​នេះ​

Published

on

យោង​តាម​របាយការណ៍​របស់​អគ្គស្នងការនគរបាលជាតិបានឲ្យដឹងថា ​រយៈ​ពេល​១៩​ថ្ងៃ​ ដោយ​គិត​ចាប់​ពី​ថ្ងៃទី​០១ ដល់ថ្ងៃទី១៩ ខែ​មករា ឆ្នាំ២០២១​នេះ មានករណី​គ្រោះ​ថ្នាក់​ចរាចរណ៍​កើត​ឡើង​ចំនួន​១៧៩ លើក ធ្វើឲ្យមនុស្សស្លាប់ចំនួន​៩៨ នាក់ របួសចំនួន២៥៤ នាក់​របួសធ្ងន់ចំនួន១៦៣ នាក់។

ចំណែក​នៅ​ថ្ងៃ​អង្គារ ទី១៩ ខែ​មករា ឆ្នាំ២០២១នេះ មាន​ករណី​គ្រោះថ្នាក់ចរាចរណ៍​ចំនួន០៩ លើក ក្នុង​នោះ​ស្លាប់ចំនួន​០៣ នាក់ របួសចំនួន០៩ នាក់ ក្នុងនោះរបួសធ្ងន់ចំនួន០៨​នាក់​ ហើយ​ករណី​គ្រោះ​ថ្នាក់​ចរាចរណ៍​នេះ ​បាន​កើត​ឡើង​នៅ​តាម​រាជធានី​ខេត្ត ​ចំនួន០៧​។​

បើ​តាមលោកឧត្តមសេនីយ៍ឯក ឆាយ គឹមខៀន បានឲ្យដឹងដែរថា ​រយៈពេល១៩ថ្ងៃ ដើម​ខែ​មករា​នេះ​ដែរ ​មានយានយន្តល្មើសចំនួន១៧៦២៥ គ្រឿង ត្រូវ​បាន​ពិនិត្យ និង​ពិន័យ ក្នុង​នោះ​ម៉ូតូ​ចំនួន​១៣០៥៤ គ្រឿង និង​រថយន្តគ្រប់ប្រភេទចំនួន​​៤៥៧១ គ្រឿង ក្នុងនោះរថយន្តតូចចំនួន៣៦៣៣ គ្រឿង និងរថយន្តធំចំនួន៩៣៨ គ្រឿង។

សម្រាប់ថ្ងៃទី១៩ ខែ​មករា នេះ នគរបាលចរាចរណ៏ទូទាំងប្រទេសបានត្រួតពិនិត្យ និង​ផាក​ពិន័យ​យាន​​យន្តសរុបចំនួន១០៦០ គ្រឿង ក្នុងនោះមានម៉ូតូចំនួន៧៩៩ គ្រឿង និងរថយន្តគ្រប់ប្រភេទ​ចំនួន២៦១ គ្រឿង។

ក្នុងចំណោមម៉ូតូល្មើសទាំង៧៩៩ គ្រឿង​នោះ បើកបរដោយ​អត់​មួកសុវត្ថិភាព​ចំនួន​៧១២ នាក់, បើក​បរល្មើសសញ្ញាចំនួន២៤ គ្រឿង, ស្រវឹងចំនួន១៨ នាក់,  បើកបរដោយអត់ស្លាកលេខចំនួន១៨ គ្រឿង និងបើកបរប្រើទូរស័ព្ទចំនួន​២៥ នាក់។  

ចំណែករថយន្តទាំង២៦១ គ្រឿងនោះ មានរថយន្តតូចចំនួន២១៣ គ្រឿង និងរថយន្តធំចំនួន​៤៨ ​គ្រឿង ​ហើយក្នុងចំណោមយានយន្តទាំងនោះ មានល្មើស​ល្បឿន​ចំនួន​៤៧​គ្រឿង,​ អត់មានប័ណ្ណបើកបរចំនួន១១ នាក់, ល្មើសញ្ញាចំនួន១៣ គ្រឿង, បើកបរអត់ដាក់ខ្សែក្រវ៉ាត់

ចំនួន​១២៧នាក់, លើសចំណុះចំនួន០៧​គ្រឿង, បើកបរក្នុងស្ថានភាពស្រវឹងចំនួន០៧ នាក់, អត់​ស្លាកលេខចំនួន​១៦ គ្រឿង និងបើកបរប្រើទូរសព្ទចំនួន៣៣ នាក់៕ កោះកែវ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services