នាវាកងទ័ពជើងទឹកឥណ្ឌា២គ្រឿងចូលចតនៅកំពង់ផែស្វយ័តក្រុងព្រះសីហនុ ៤ ថ្ងៃ

នាវាកង​ទ័ពជើងទឹកឥណ្ឌាចំនួន ២ គ្រឿង​បានចូលចតនៅកំពង់ផែស្វយ័យក្រុងព្រះសីហនុ ក្នុងដំណើរបំពេញទស្សនៈកិច្ចរឹតចំណងមិត្តភាពជាមួយកងទ័ពទឹកនៃព្រះរាជាណាចក្រកម្ពុជា។

មន្ត្រីកងទ័ពជើងទឹកមូលដ្ឋានសមុទ្ររាមបានឲ្យដឹងថា នាវាទាំង២គ្រឿងនេះបានចូលចតនៅកំពង់ផែស្វយ័តក្រុងព្រះ​សីហនុនៅម៉ោង ៩ ព្រឹកថ្ងៃទី ១១ ខែឧសភា ឆ្នាំ២០២៣ ក្នុងដំណើរទស្សនៈកិច្ចនៅព្រះរាជាណាចក្រកម្ពុជាចំនួន៤ថ្ងៃ (១១-១៤ -ឧសភា)។

នាវាទាំង២គ្រឿង ទី១ ជាប្រភេទនាវាពិឃាត ផ្ទុកទម្ងន់ជាង ៦ ពាន់តោន (៦៨០៨) ដែលដាក់នាវឹក ៤៥០ នាក់ និងទី២ ជានាវាប្រភេទនាវាប្រយុទ្ធ ផ្ទុះទម្ងន់បាន ៥៣០០ តោន ដាក់នាវឹក ៣៩៥ នាក់។

តាមការគ្រោងទុកនៅព្រឹកថ្ងៃដដែលនេះក្រុមប្រតិភូជាន់ខ្ពស់ និងលោកមេបញ្ជាការនៅលើនាវានឹងអញ្ជើញចូលសួរសុខទុកនិងសំណេះសំណាលជាមួយលោកអភិបាលខេត្តព្រះសីហនុនៅសាលាខេត្តព្រះសីហនុ៕

អត្ថបទ៖ ស៊ុយ ចាន់ធា