ព័ត៌មានជាតិ
មន្ត្រីការទូតកម្ពុជា-ប៉ូឡូញ លើកទឹកចិត្តឲ្យមានការរៀបចំវេទិកាធុរកិច្ចនៅប្រទេសទាំងពីរ
មន្ត្រីជាន់ខ្ពស់ក្រសួងការបរទេសកម្ពុជា និងប៉ូឡូញ បានលើកទឹកចិត្តដល់ភាគីពាក់ព័ន្ធធ្វើការរួមគ្នាក្នុងការបង្កើតឯកសារ គតិយុត្តិ និងរៀបចំវេទិកាវិនិយោគ និងធុរកិច្ចនៅក្នុងប្រទេសទាំងពីរ។ ការលើកទឹកចិត្តបែបនេះក្នុងកិច្ចពិគ្រោះយោបល់នយោបាយទ្វេភាគីលើកទី២ រវាងកម្ពុជា និងប៉ូឡូញ កាលពីថ្ងៃទី២៥ ខែឧសភា។

កិច្ចពិគ្រោះយោបល់នយោបាយទ្វេភាគីនេះធ្វើឡើងក្រោមសហប្រធាន គឺលោកបណ្ឌិត ចែម វីឌ្យ៉ា រដ្ឋលេខាធិការក្រសួងការបរទេស និងសហប្រតិបត្តិការអន្តរជាតិនៃកម្ពុជា និងលោក Wojciech Gerwel អនុរដ្ឋមន្ត្រីក្រសួងការបរទេសនៃសាធារណរដ្ឋប៉ូឡូញ។
បើតាមសេចក្ដីប្រកាសព័ត៌មាន ភាគីទាំងពីរបានកត់សម្គាល់ដោយក្តីរីករាយចំពោះចំណងមិត្តភាពដ៏ល្អជាប្រពៃណី និងកិច្ចសហប្រតិបត្តិការជិតស្និទ្ធដែលមានស្រាប់រវាងប្រទេសទាំងពីរ។ ក្នុងកិច្ចពិគ្រោះយោបល់នេះ លោក ចែម វីឌ្យ៉ា បានថ្លែងអំណរគុណចំពោះរដ្ឋាភិបាល និងប្រជាជនប៉ូឡូញក្នុងការផ្ដល់ជំនួយសប្បុរសធម៌សម្រាប់ការអភិវឌ្ឍដល់កម្ពុជាជាច្រើនឆ្នាំកន្លងមក។
លោករដ្ឋលេខាធិការ បានប្រាប់ភាគីប៉ូឡូញអំពីទិដ្ឋភាពទូទៅនៃស្ថានភាពនយោបាយនៅកម្ពុជា ជាពិសេសការបោះឆ្នោតសកលនាពេលខាងមុខ ការវិវឌ្ឍសេដ្ឋកិច្ច ភាពអំណោយផល និងភាពទាក់ទាញនៃការវិនិយោគនៅកម្ពុជា រួមទាំងភាពជោគជ័យរបស់កម្ពុជាក្នុងនាមជាប្រធានអាស៊ានកាលពីឆ្នាំ២០២២។
ជាការឆ្លើយតប លោកអនុរដ្ឋមន្ត្រីការបរទេសប៉ូឡូញបានកើតសរសើរចំពោះវឌ្ឍនភាពសេដ្ឋកិច្ចដ៏ឆាប់រហ័សរបស់កម្ពុជា និងបានកោតសរសើរចំពោះការខិតខំប្រឹងប្រែងប្រកបដោយជោគជ័យរបស់កម្ពុជាក្នុងការទប់ស្កាត់ការរាតត្បាតនៃជំងឺកូវីដ ១៩។ លោកអនុរដ្ឋមន្ត្រី ក៏បានសាទរដល់កម្ពុជាចំពោះសមិទ្ធិផលដ៏អស្ចារ្យនៃការធ្វើជាប្រធានអាស៊ានក្នុងឆ្នាំ២០២២ ក៏ដូចជាការធ្វើម្ចាស់ផ្ទះកីឡាស៊ីហ្គេមលើកទី៣២ ប្រកបដោយភាពជោគជ័យដែលបានលើកមុខមាត់របស់កម្ពុជានៅលើ ឆាកអន្តរជាតិ។

បន្ថែមពីនេះ មន្ត្រីជាន់ខ្ពស់ទាំងពីរ បានចែករំលែកទស្សនៈរួមលើកិច្ចសហប្រតិបត្តិការទ្វេភាគីក្នុងវិស័យជាច្រើន និងបាន ប្តេជ្ញាចិត្តយ៉ាងមុតមាំក្នុងការពង្រឹងទំនាក់ទំនងទ្វេភាគី តាមរយៈកិច្ចសហប្រតិបត្តិការរវាងក្រសួងការបរទេស សភា និងរវាងអង្គការតំបន់ទាំងពីរ គឺអាស៊ាន និងសហភាពអឺរ៉ុប លើវិស័យពាណិជ្ជកម្ម និងវិនិយោគ កសិកម្ម អប់រំ និងវប្បធម៌។ ភាគីទាំងពីរ ក៏នឹងលើកទឹកចិត្តដល់អាជ្ញាធរពាក់ព័ន្ធធ្វើការរួមគ្នាបង្កើតឯកសារគតិយុត្តិ និងរៀបចំវេទិកាវិនិយោគ និងធុរកិច្ចនៅក្នុងប្រទេសទាំងពីរ ដើម្បីជំរុញការចូលរួមកាន់តែសកម្មពីវិស័យឯកជន។
ក្នុងកិច្ចពិគ្រោះយោបល់នេះដែរ ភាគីទាំងពីរកម្ពុជា-ប៉ូឡូញ បានចុះហត្ថលេខាលើកិច្ចព្រមព្រៀងរវាងប្រទេសទាំងពីរស្តីពីការលើកលែងទិដ្ឋាការសម្រាប់អ្នកកាន់លិខិតឆ្លងដែនការទូតផងដែរ៕
-
ជីវិតកម្សាន្ដ៦ ថ្ងៃ មុន
តារា ៤ ដួង លេចធ្លោជាងគេ ក្រោយស្លៀកឈុតស្រដៀងគ្នាដើរលើកម្រាលព្រំ Cannes
-
ជីវិតកម្សាន្ដ៤ ថ្ងៃ មុន
មិនមែនលេចធ្លោរហូតទេ មួយឈុតរបស់ Chompoo ក្នុងកម្មវិធី Cannes រងការរិះគន់មិនពេញចិត្តពីមហាជន
-
ជីវិតកម្សាន្ដ៤ ថ្ងៃ មុន
តារា ថៃ ៥ គូ ត្រូវអ្នកគាំទ្រជំរុញឲ្យស្រលាញ់គ្នាពិត
-
កីឡា៦ ថ្ងៃ មុន
ទីបំផុត ប្រធាន FIFA ចេញសេចក្ដីថ្លែងការណ៍ពាក់ព័ន្ធការប៉ះទង្គិចក្នុងស៊ីហ្គេមនៅកម្ពុជា
-
ជីវិតកម្សាន្ដ៣ ថ្ងៃ មុន
ហ្វាន់ ពីងពីង នៅតែលេចធ្លោខ្លាំងរឿងសំលៀកបំពាក់ និងសម្រស់ដ៏ទាក់ទាញ
-
ជីវិតកម្សាន្ដ៦ ថ្ងៃ មុន
៣ ឈុតរបស់ Chompoo Araya ក្នុងកម្មវិធី Cannes សុទ្ធតែទទួលការសរសើរថាលេចធ្លោ
-
សុខភាព១ សប្តាហ៍ មុន
Dumex SuperGold Kid គាំទ្រតារាឆ្នើមនាពេលអនាគតជាមួយនឹងការឧបត្ថម្ភផ្តាច់មុខលើកម្មវិធី Cambodian Idol Junior
-
ព័ត៌មានអន្ដរជាតិ១ សប្តាហ៍ មុន
ឥណ្ឌា ចេញបញ្ជា! បើប៉ូលិសធាត់ មិនសម្រកទម្ងន់ នឹងត្រូវដក ឈប់ឲ្យធ្វើការ