ព័ត៌មានជាតិ
មហោស្រពភាពយន្តអន្តរជាតិកម្ពុជា ផ្សព្វផ្សាយមុខមាត់កម្ពុជាលើឆាកអន្តរជាតិ
លោកស្រី ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈមានប្រសាសន៍ថា ការរៀបចំមហោស្រពភាពយន្តអន្តរជាតិកម្ពុជាលើកទី១២ នេះ នឹងជួយជំរុញលើកកម្ពស់ឧស្សាហកម្មភាពយន្តកម្ពុជាឲ្យមានការវិវត្តរីកចម្រើនបន្ថែមទៀត និងរួមចំណែកដល់ការផ្សព្វផ្សាយពីកត្តាសុខសន្តិភាព ស្ថិរភាព នយោបាយរបស់កម្ពុជា។
នៅក្នុងពិធីបើកមហោស្រពភាពយន្តអន្តរជាតិកម្ពុជាលើកទី១២ ឆ្នាំ២០២៣ នៅរោងភាពយន្ត ឡេជេន ស៊ីណេមា សាខាអូឡាំព្យា នារសៀលថ្ងៃទី៣០ ខែឧសភា នេះ លោកស្រី ភឿង សកុណា បានលើកឡើងថា ក្នុងរយៈពេលជិត ១០ ឆ្នាំចុងក្រោយនេះ ការវិវត្តន៍រីកចំរើននៃវិស័យភាពយន្តនៅកម្ពុជា បានឆ្លងកាត់ដំណាក់កាលជាច្រើន ដែលធ្វើឲ្យកម្ពុជាមានទាំងក្តីមោទនៈផង និងភាពលំបាករាប់មិនអស់ផង។
ជាក់ស្ដែង ចំពោះការរៀបចំមហោស្រពភាពយន្តអន្តរជាតិកម្ពុជាម្តងនេះ នឹងបានបង្ហាញពីសម្បត្តិបេតិកភណ្ឌវប្បធម៌រូបី អរូបី និងសម្បត្តិធម្មជាតិកម្ពុជាទៅកាន់ពិភពលោក ព្រមទាំងជាការផ្ដល់ឱកាសដល់អ្នកអាជីពក្នុងវិស័យភាពយន្ត ក្នុង ការចែករំលែកបទពិសោធន៍ ផ្លាស់ប្ដូរយោបល់គ្នា រកចំណុចខ្លាំង-ខ្សោយ។ ជាងនេះទៀត ក៏នឹងអាចជួយបង្កើនគុណភាពភាពយន្តកម្ពុជា ដើម្បីអាចប្រកួតប្រជែងជាមួយការរីកចំរើនឥតឈប់ឈរនៃទីផ្សារភាពយន្តក្នុងតំបន់ ព្រមទាំងប្រែក្លាយកម្ពុជាឲ្យទៅជាដែនដីនៃការថតភាពយន្តជាតិនិងបរទេស។
ប្រមុខរាជរដ្ឋាភិបាលកម្ពុជា បានព្យួរទុកការអនុវត្តកាតព្វកិច្ចពន្ធដារមួយចំនួនធំដល់ផលិតករភាពយន្តក្នុងស្រុកគិតចាប់ ពីឆ្នាំ២០១៨ រហូតដល់បំណាច់ឆ្នាំ២០២៣ ព្រមទាំងជួយសម្របសម្រួលលើកទឹកចិត្តដល់ផលិតករភាពយន្តបរទេសដែលមកថតនៅកម្ពុជាផងដែរ។
មិនតែប៉ុណ្ណោះ ក្រោមការខិតខំប្រឹងប្រែងរបស់ក្រសួងវប្បធម៌ និងវិចិត្រសិល្បៈ ព្រមទាំងស្ថាប័នពាក់ព័ន្ធរួមនឹងឆន្ទដ៏មោះ មុតរបស់ផលិតករ អាជីវករក្នុងវិស័យភាពយន្ត បានរួមចំណែកក្នុងការជំរុញកំណើនផលិតផលស្នាដៃភាពយន្ត សម្រាប់បំពេញតម្រូវការរបស់ទស្សនិកជនជាតិ ប្រកបដោយគុណភាព និងភាពជឿទុកចិត្តព្រមទាំងបានធ្វើឲ្យឧស្សាហកម្មភាពយន្តកាន់តែមានភាពល្អប្រសើរ។
បើតាមរដ្ឋមន្រ្តីក្រសួងវប្បធម៌ បច្ចុប្បន្នទោះបីជាវិបត្តិជំងឺកូវីដ-១៩ បានបញ្ចប់ក៏ពិតមែន តែស្ថានភាពឧស្សាហកម្ម ភាពយន្តកម្ពុជាហាក់នៅរងឥទ្ធិពល និងមិនទាន់បានត្រឡប់មករកស្ថានភាពប្រក្រតីវិញនៅឡើយ ដែលកត្តានេះទាមទារឲ្យគ្រប់ភាគីពាក់ព័ន្ធទាំងអស់ រួមគ្នាបន្តជំរុញគាំពារ និងលើកទឹកចិត្តបន្ថែមទៀតដល់ផលិតករ និងវិស័យឯកជនផ្នែកវិស័យភាពយន្ត ទាំងការសម្របសម្រួលលើបទដ្ឋានគតិយុត្តិ និងការអនុគ្រោះព្យួរទុកការអនុវត្តកាតព្វកិច្ច ពន្ធដារផ្សេងៗ។
គួរជម្រាបថា មហោស្រពភាពយន្តអន្តរជាតិកម្ពុជាលើកទី១២ ប្រព្រឹត្តទៅចាប់ពីថ្ងៃទី៣០ ខែឧសភា ដល់ថ្ងៃទី៤ ខែមិថុនា ឆ្នាំ២០២៣ នៅរោងភាពយន្ត ឡេជេន ទស្សនាឥតគិតថ្លៃ ជាមួយភាពយន្តជាតិ- អន្តរជាតិជិត ២០០ចំណងជើង៕
ប្រភព៖ ក្រសួងវប្បធម៌ និងវិចិត្រសីល្បៈ
-
ជីវិតកម្សាន្ដ២ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៥ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
សន្តិសុខសង្គម១ សប្តាហ៍ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ៤ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៤ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៣ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
សេចក្ដីជូនដំណឹង៤ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ
-
ជីវិតកម្សាន្ដ៥ ថ្ងៃ ago
តួអាសអាភាស Shu Qi ប្រារព្ធខួបអាពាហ៍ពិពាហ៍ ៨ ឆ្នាំជាមួយស្វាមីយ៉ាងផ្អែមល្ហែម