តំបន់ភ្នំវល្លិ៍ ជាអតីតសមរភូមិសង្គ្រាមដ៏ក្តៅ ក្លាយជាតំបន់ចម្ការយុទ្ធសាស្ត្រដ៏ល្បីល្បាញនៅក្នុងខេត្ត​កែប

លោក ឡៅ វេងសេង ជាអតីតម្ចាស់ចម្ការម៉ឺននាសម័យសង្គ្រាម ភូមិចំការបី ដែលស្ថិតនៅក្នុងឃុំពងទឹក ស្រុកដំណាក់ចង្អើរ ខេត្តកែប បានប្រាប់ឲ្យដឹងថា កាលពីរសៀលថ្ងៃទី៣១ ខែឧសភា ឆ្នាំ២០២៣ ម្សិលមិញនៅតំបន់ភ្នំវរល្លិ៍គឺជាម្ចាស់ចម្ការមួយបានក្លាយជាចម្ការដំណាំយុទ្ធសាស្ត្រដ៏ល្បីល្បាញរបស់ខេត្តកែប មានទាំងម្រេច ទុរេន សាវម៉ាវ មៀន និងស្វាយជាដើម។

ប្រជាកសិករម្ចាស់ចម្ការថា ក្រៅពីដំណាំម្រេច ទុរេនជាដំណាំយុទ្ធសាស្ត្រកំពុងល្បីល្បាញជាងគេដែរ ផ្លែវាធំល្អ រសជាតិក៏ឆ្ងាញ់ ទីផ្សារកាន់តែទូលំលាយ ព្រោះមានអ្នកនិយមទទួលទានកាន់តែច្រើន។ ម្ចាសចំម្ការដំណាំហូបផ្លែចម្រុះខ្នាតធំមួយកន្លែង នៅតំបន់ភ្នំវល្លិ៍ លោក ឡៅ វេងសេង បានបន្តឲ្យដឹងថា នៅតំបន់ភ្នំវល្លិ៍អតីតសមរភូមិសង្គ្រាមដ៏ក្តៅនៅក្នុងអំឡុងទស្សវត្តឆ្នាំ១៩៩០ មកដល់បច្ចុប្បន្នបានប្រែក្លាយទៅជាតំបន់ចំម្ការពោរពេញទៅដោយដំណាំក្នុងយុទ្ធសាស្ត្រដ៏ល្បីល្បាញសមិទ្ធផលពិសេសដំណាំរម្រេចរបស់ខេត្តកែប។

លោក បានប្រាប់ឱ្យដឹងទៀតថា ដំណាំទុរេននៅតំបន់ភ្នំវល្លិ៍ ទើបតែមានចម្ការទុរេនដែលអាចប្រមូលផលបានច្រើន នៅក្នុងរយៈពេលប៉ុន្មានឆ្នាំចុងក្រោយនេះទេ ក៏ប៉ុន្តែបីឆ្នាំចុងក្រោយនេះ ទុរេននៅតំបន់ភ្នំវល្លិ៍បានល្បីល្បាញខ្លាំងជាងគេទាំងក្នុងប្រទេស និងក្រៅប្រទេស ព្រោះទុរេនតំបន់ភ្នំវល្លិ៍នេះវាផ្លៃធំល្អ ហើយមានរសជាតិឆ្ងាញ់ អ្នកដែលបានហូបទុរេននេះហើយ មិនអាចហូបទុរេនតំបន់ផ្សេងៗទៀតកើតទេ ហើយមានលក់នៅតាមទីផ្សារនានាទូលំទូលាយ ស្ទើរតែគ្រប់ខេត្ត ក្រុងទៀតផង។

ម្ចាស់ចម្ការរូបនោះក៏បានបង្ហើបឲ្យដឹងអំពីគម្រោង ថានឹងអភិវឌ្ឍន៍ចម្ការរបស់ខ្លួនឲ្យប្រែក្លាយទៅជាកន្លែងកសិផល អេកូតំបន់ទេសចរណ៍មួយ នៅពេលដំណាំផ្សេងៗមានផ្លែច្រើន ដើម្បីឲ្យភ្ញៀវអាចដើរទស្សនា និងទិញហូបនៅនឹងដើមតែម្តង ឬអាចធ្វើជាលក្ខណៈប៊ូសហ្វេផ្លែឈើ (ហូបផ្លែឈើគ្រប់មុខក្នុង១ចម្អែត ម្ចាស់យកតម្លៃ២ដុល្លា ឬទៅ ៣ដុល្លាតែប៉ុណ្ណោះ។

បើតាមការបញ្ជាក់ត្រួសៗពីលោក ឡៅ វេងសេង ម្ចាស់ចម្ការដំណាំហើយ មានដំណាំម្រេច ទុរេន(ជាងបីពាន់ដើម) មានដូចជាសាវម៉ាវ និងមៀន មង្ឃុត កំពីងរាជ ផ្ញៀវ លម៉ើ ស្វាយ ចេកជាដើម ដែលលាតសន្ធឹងលើផ្ទៃដីរាប់សិបហិកតា ហើយអាចមានដំណាំផ្លែហូប ស្ទើរគ្រប់រដូវកាលទាំងអស់តែម្ដង៕

អត្ថបទ៖ សឹង រ៉ាត់