ព័ត៌មានជាតិ
ទម្លាយឯកសារលោក ឡេង ណាវ៉ាត់ត្រា ឡើងងារឧកញ៉ានៅឆ្នាំ ២០១៨
អតីតពលករនិងថៅកែផ្ទះល្វែងនិងដីឡូត៍ ឡេង ណាវ៉ាត់ត្រា បានឡើងងារជាឧកញ៉ាតាំងពីឆ្នាំ ២០១៨។ នេះបើតាមឯកសាររបស់ក្រុមឧកញ៉ា ដែលត្រូវប្រកាសតែងតាំងដោយព្រះរាជក្រឹត្យ។
តាមឯកសារ លោកឡេង ណាវ៉ាត់ត្រាដែលមានឈ្មោះដើម ឡេង ភក្រា ត្រូវបានមហាក្សត្រផ្តល់គោរមងារជាឧកញ៉ានៅថ្ងៃ ០៦ កក្កដា ឆ្នាំ ២០១៨។
ឧកញ៉ាឡេង ណាវ៉ាត់ត្រា ថ្មីៗនេះត្រូវបានប្រមុខរដ្ឋាភិបាលស្នើព្រះមហាក្សត្រដំឡើងងារពីឧកញ៉ាឡើងដល់កម្រិតអ្នកឧកញ៉ា។
លោក ឡេង ណាវ៉ាត់ត្រា មានប្រវត្តិជាពលករនៅប្រទេសកូរ៉េ ជាឧកញ៉ាវ័យក្មេងដែលរកស៊ីជំនួញលើវិស័យអលចនទ្រព្យដ៏លេចធ្លោមួយរូប។ ក្រៅពីជាចូលចិត្តធ្វើជំនួញ លោកក៏ស្រលាញ់ចូលចិត្តផ្នែកសិល្បៈ ហើយក៏ធ្លាប់វិនិយោគការផលិតភាពយន្ត។ លោកក៏បានបង្កើតផលិតកម្មចម្រៀងមួយ ក៏មានកំពូលតារាចម្រៀងប្រចាំប្រទេសលោក ព្រាប សុវត្ថិ ចូលរួមដែរ។
ក្រៅពីជំនួញ និងចូលចិត្តកម្សាន្តជាមួយសិល្បៈ សេដ្ឋីមានប្រាក់រាប់លាននេះ ក៏គេស្គាល់ជាមនុស្សសមញ្ញ តែងតែលេចមុខក្នុងកម្មវិធីសប្បុរសធម៌ដូចជា កាកបាទក្រហម ការផ្តល់ថវិកាដល់មន្ទីរពេទ្យគន្ធបុប្ផា ហើយថ្មីៗនេះបានចូលរួមថវិកា ១ លានដុល្លារ ដើម្បីទិញវ៉ាក់សាំងកូវីដជាមួយរដ្ឋាភិបាល។
ក្រៅពីឡើងងារជាអ្នកឧកញ៉ា បងប្អូន ០៣ នាក់ទៀតរបស់លោកឡេង ណាវ៉ាត់ត្រា មានលោក ឡេង និមល ឡេង ប្រុស និងឡេង បញ្ចពណ៌ ក៏ទើបព្រះមហាក្សត្រផ្តល់គោរមងារជាឧកញ៉ាដែរ៕
-
ចរាចរណ៍២ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ២ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ២ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
ព័ត៌មានអន្ដរជាតិ១ សប្តាហ៍ ago
ទ័ពជើងទឹកបារាំង រៀបជើងព្រួល ត្រៀមធ្វើសង្គ្រាម
-
សន្តិសុខសង្គម១ ថ្ងៃ ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ
-
សន្តិសុខសង្គម៨ ម៉ោង ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានអន្ដរជាតិ៧ ថ្ងៃ ago
តើប្រទេស អាស៊ាន ណាខ្លះរៀបចំពិធីបុណ្យចូលឆ្នាំថ្មីក្នុងខែមេសាដូច កម្ពុជា ដែរ?
-
ព័ត៌មានអន្ដរជាតិ៦ ថ្ងៃ ago
យប់មិញ អ៉ីរ៉ង់សងសឹកអ៉ីស្រាអែលដោយមីស៊ីល-យន្តហោះគ្មានមនុស្សជាង២០០គ្រាប់