Connect with us

ព័ត៌មានជាតិ

ខែមិថុនា៖ ឧកញ៉ា ជាសមាជិកសមាគមឧកញ៉ា៨រូប ត្រូវដំឡើងងារជា អ្នកឧកញ៉ា

បានផុស

នៅ

ក្នុងខែមិថុនា ឆ្នាំ២០២៤  ឧកញ៉ា ដែលជាសមាជិក នៃសមាគមឧកញ៉ា​កម្ពុជា ចំនួន៨រូប ត្រូវបានព្រះមហាក្សត្រនៃកម្ពុជា ចេញព្រះរាជក្រឹត្យត្រាស់បង្គាប់ដំឡើងគោរមងារជា អ្នកឧកញ៉ា ។ នេះបើតាមការផ្សព្វផ្សាយនៅលើឆាណែលតេឡេក្រាមរបស់សមាគមឧកញ៉ា កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧកញ៉ាទាំង៨ រូប ដែលត្រូវដំឡើងគោរមងាររួមមាន ទី១/ ឧកញ៉ា ភី ម៉ានេ សមាជិក នៃសមាគមឧកញ៉ា ត្រូវបានដំឡើងគោរមងារពី ឧកញ៉ា ទៅជា​ អ្នកឧកញ៉ា​ នៅថ្ងៃទី០៥ ខែមិថុនា ឆ្នាំ២០២៤។

ទី២/ ឧកញ៉ា អុឹងស៊ីតាត វីរៈ សមាជិក នៃសមាគមឧកញ៉ាកម្ពុជា ត្រូវបានព្រះមហាក្សត្រ នៃព្រះរាជាណាចក្រកម្ពុជាត្រាស់បង្គាប់ផ្តល់គោរមងារជា  «អ្នកឧកញ៉ា» នៅថ្ងៃទី២៤ ខែមិថុនា ឆ្នាំ២០២៤។

ទី៣/ ឧកញ៉ា សុខ សំណាង សមាជិក នៃសមាគមឧកញ៉ាកម្ពុជា ត្រូវបានព្រះមហាក្សត្រ នៃព្រះរាជាណាចក្រកម្ពុជាត្រាស់បង្គាប់ផ្តល់គោរមងារជា «អ្នកឧកញ៉ា» នៅថ្ងៃទី២៤ ខែមិថុនា ឆ្នាំ២០២៤។

ទី៤/ ឧកញ៉ា ឈួន ហាវ៉ុន សមាជិក នៃសមាគមឧកញ៉ាកម្ពុជា ត្រូវបាន ព្រះមហាក្សត្រ នៃព្រះរាជាណាចក្រកម្ពុជា ត្រាស់បង្គាប់ផ្តល់គោរមងារជា «អ្នកឧកញ៉ា» នៅថ្ងៃទី២៤ ខែមិថុនា ឆ្នាំ២០២៤។

ទី៥/ ឧកញ៉ា ប៊ុន ណារី សមាជិក នៃសមាគមឧកញ៉ាកម្ពុជា ត្រូវបាន ព្រះមហាក្សត្រ នៃព្រះរាជាណាចក្រកម្ពុជាត្រាស់បង្គាប់ផ្តល់គោរមងារជា «អ្នកឧកញ៉ា» នៅថ្ងៃទី២៤ ខែមិថុនា ដដែល។

ទី៦/ ឧកញ៉ា ឌុក ទីប៉ាណា សមាជិក នៃសមាគមឧកញ៉ាកម្ពុជា ត្រូវបាន ព្រះមហាក្សត្រ នៃព្រះរាជាណាចក្រកម្ពុជា ត្រាស់បង្គាប់ផ្តល់គោរមងារជា  «អ្នកឧកញ៉ា» ក្នុងថ្ងៃទី២៤​ខែមិថុនា។

ទី៧ ឧកញ៉ាបណ្ឌិត សំ សុខនឿន សមាជិក នៃសមាគមឧកញ៉ាកម្ពុជា ក្នុងឱកាសដែលព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ត្រាស់បង្គាប់ផ្តល់គោរមងារជា «អ្នកឧកញ៉ា»  នៅថ្ងៃទី២៦ ខែមិថុនា ឆ្នាំ២០២៤។

និងទី៨/ ឧកញ៉ា អ៊ឹង ស៊ាងរិទ្ធី សមាជិក នៃសមាគមឧកញ៉ាកម្ពុជា ត្រូវបានព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ត្រាស់បង្គាប់ផ្តល់គោរមងារជា  «អ្នកឧកញ៉ា» នៅថ្ងៃទី២៦ ខែមិថុនា ឆ្នាំ២០២៤។

តាមព្រះរាជក្រឹត្យស្ដីពីគោរមងារឧកញ៉ា គឺនៅកម្ពុ​ជាគោរមងារឧកញ៉ាចែកចេញជាបីលំដាប់ថ្នាក់ដូចជា ឧកញ៉ា អ្នកឧកញ៉ា លោកអ្នកឧកញ៉ា(លំដាប់ថ្នាក់ខ្ពស់បំផុត)។

គោរមងារឧកញ៉ាទាំង៣ លំដាប់ថ្នាក់ ត្រូវផ្តល់ជូនរូបវន្ត បុគ្គលជាប្រជាពលរដ្ឋខ្មែរ ដោយផ្អែកតាមគុណបំណាច់របស់រូបវន្តបុគ្គលម្នាក់ៗនោះក្នុងការចូលរួមអភិវឌ្ឍនិង កសាងជាតិ។ គុណបំណាច់ក្នុងការចូលរួមអភិវឌ្ឍនិងកសាងជាតិមានជាអាទិ៍ ការផ្តល់អំណោយជាថវិកា ការចូលរួម បរិច្ចាគធនធានទ្រព្យសម្បត្តិ សម្ភារៈបរិក្ខារនានាជូនរដ្ឋ ការកសាងហេដ្ឋារចនាសម្ព័ន្ធរូបវន្តនានាដែលក្នុងនោះ មានដូចជា ផ្លូវ ស្ពាន សាលារៀន មន្ទីរពេទ្យ ប្រព័ន្ធធារាសាស្ត្រ វត្តអារាម អគារសាធារណៈជាដើម របកគំហើញ នូវបច្ចេកវិទ្យាថ្មីៗណាមួយ ឬស្នាដៃពិសេសដែលមានអត្ថប្រយោជន៍សម្រាប់សង្គមជាតិ។ ទំហំទឹកប្រាក់នៃអំណោយជាថវិកា តម្លៃសរុបនៃការផ្តល់អំណោយ របកគំហើញនូវបច្ចេកវិទ្យាថ្មីៗ ណាមួយ ឬស្នាដៃពិសេសដែលត្រូវផ្តល់ជូនគោរមងារឧកញ៉ាតាមលំដាប់ថ្នាក់ណាមួយ ត្រូវកំណត់ដោយ អនុក្រឹត្យ៕

ដោយ៖ ង៉ិល ណារ៉ាត់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ នាទី មុន

វត្តតិក្ខប្បញ្ញោ រៀបចំពិធីសិតទៀនព្រះវស្សា និងបុណ្យផ្កាប្រាក់សាមគ្គី ដោយមានពុទ្ធបរិស័ទចូលរួមច្រើនកុះករ

ព័ត៌មានជាតិ៣៥ នាទី មុន

លោក ឃួង ស្រេង៖ រដ្ឋាភិបាលបានកំណត់យ៉ាងច្បាស់ពីតម្លៃដ៏សំខាន់របស់ព្រៃឈើដែលមិនអាចកាត់ផ្តាច់ចេញពីវិស័យអាទិភាពរបស់រដ្ឋ

សេដ្ឋកិច្ច៥១ នាទី មុន

ក្រុមហ៊ុនខ្នាតយក្សផលិតរថយន្តអគ្គិសនី AION សម្ពោធរោងចក្រជាផ្លូវការនៅប្រទេសថៃ

ព័ត៌មានជាតិ៥៤ នាទី មុន

អាជ្ញាធរខេត្តកំពត បន្តដាំដើមត្នោត ៤,៥ ពាន់ដើម លើផ្លូវខ្សែក្រវ៉ាត់ព្រំដែន កម្ពុជា-វៀតណាម

ព័ត៌មានជាតិ១ ម៉ោង មុន

វគ្គ១.៥លាននាក់៖ សិក្ខាកាមសរសើរពីវគ្គបណ្តុះបណ្តាលជំនាញ “សម្ភារៈទំនើបគ្រប់គ្រាន់ សិក្សាទាំងទ្រឹស្តី និងអនុវត្តផ្ទាល់” ដែលអាចមានជំនាញពិតប្រាកដ

Sokha Hotels

ព័ត៌មានពេញនិយម