ព័ត៌មានជាតិ

ទស្សនកិច្ចឈ្វេងយល់លើការអនុវត្តគម្រោង Skill for Competitiveness (S4C)

បានផុស

២ years មុន

នៅ

ថ្ងៃពុធ ២១ មិថុនា ២០២៣

ដោយ

វិទ្យាស្ថានបច្ចេកវិទ្យាកម្ពុជា នាថ្ងៃទី២០ ខែមិថុនា ឆ្នាំ២០២៣នេះ បានទទួលស្វាគមន៍ប្រតិភូធនាគាអភិវឌ្ឍអាស៊ី (ADB) ដែលមាន លោក Sameer Kumar Khare ជានាយកប្រតិបត្តិ ADB និង Ms Jyotsana Varma នាយិការ ADB ប្រចាំនៅកម្ពុជា បានអញ្ជើញទស្សនកិច្ចឈ្វេងយល់លើការអនុវត្តគម្រោង Skill for Competitiveness (S4C) និងឈ្វេងយល់ពីការភ្ជាប់ទំនាក់ទំនងរវាង STEP-UP និងអនាគត នៃការត្រៀមអនុវត្តគម្រោង Skill for Economic។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បណ្ឌិត អ៊ុម រម្យណី រដ្ឋលេខាធិការ ក្រសួងអប់រំ យុវជន និងកីឡា តំណាងបណ្ឌិតសភាចារ្យរដ្ឋមន្រ្តី បានបញ្ជាក់ថា ដោយសារក្រសួងមានគោលដៅតម្រង់ទិស និងជួយឱ្យសិស្សមើលឃើញពីសារៈសំខាន់ នៃឱកាសការងារ ការចាប់យកជំនាញផ្សេងៗទៀត វិស័យវិស្វកម្មបានក្លាយជាប្រធានបទសំខាន់ដែលការកសាងធនធានមនុស្សជាកាតព្វកិច្ចចាំបាច់ ហើយក្រសួង បានសម្រេចដាក់ឱ្យអនុវត្តគម្រោងថ្មីដែលជាស្ពានសម្រាប់ផ្សារភ្ជាប់រវាងមធ្យមសិក្សា និង ឧត្តមសិក្សា។

បណ្ឌិត ប៉ូ គឹមថូ នាយក វិទ្យាស្ថានបច្ចេកវិទ្យាកម្ពុជា បានបញ្ជាក់ថា វិទ្យាស្ថាន គឺជាភាគីអនុវត្តគម្រោងអភិវឌ្ឍ លើប្រធានបទ Skills for Competitiveness Project និងគម្រោង STEP UP ក្រោមហិរញ្ញប្បទានរបស់ ADB ដល់រាជរដ្ឋាភិបាលកម្ពុជា។

ប្រតិភូជាន់ខ្ពស់ ADB សង្ឃឹមថា ដោយសារមានការទទួលខុសត្រូវរបស់ ក្រសួងអប់រំ យុវជន និងកីឡា និងវិទ្យាស្ថានបច្ចេកវិទ្យាកម្ពុជា ដែលនឹងធ្វើឱ្យគម្រោងទាំងពីរខាងលើ ក្រោមហិរញ្ញប្បទាន ADB នឹងដំណើរការកាន់តែប្រសើរ និងទទួលបានជោគជ័យ៕