ព័ត៌មានជាតិ
មន្រ្តីក្រសួងបរិស្ថានឲ្យការពារខានតែបាន ព្រៃឈើជួរភ្នំក្រវាញ កុំឲ្យសមុទ្រកម្ពុជាក្លាយជាសមុទ្រឈាម
លោក ជួប ប៉ារីស៍ អនុរដ្ឋលេខាធិការក្រសួងបរិស្ថានបានក្រើនរំលឹកពីតម្លៃនៃព្រៃនៅតំបន់ជួរភ្នំក្រវាញចំពោះបរិស្ថាន និងការប្រែប្រួលអាកាសធាតុ។
ថ្លែងនៅក្នុងកម្មវិធីបញ្ជ្រាបចំណេះដឹង ស្ពីពីការប្រែប្រួលអាកាសធាតុ និងកម្មវិធីរេដបូកជាតិនៅកម្ពុជារៀបចំនៅមន្ទីរបរិស្ថាននៅក្នុងខេត្តកោះកុងនៅព្រឹកនេះ លោក ជួប ប៉ារីស៍ បានលើកឡើងពីសារសំខាន់ព្រៃឈើនៅតំបន់ជួរភ្នំក្រវាញសម្រាប់ប្រទេសកម្ពុជា។
លោកបញ្ជាក់ថា ព្រៃឈើមានផលប្រយោជន៍ពីរយ៉ាង។ មួយជាផលិតផល និងមួយទៀតមុខងារប្រើប្រាស់។ ផលិតផលមានឈើហូបផ្លែ អនុផលព្រៃឈើ ផ្តៅ វល្លិ៍ ស្លឹកបន្លែបង្កា ថ្នាំសង្កូវជាដើម។ សារសំខាន់មួយទៀតគឺមុខងារប្រើប្រាស់ ជាអ្នកស្រូបយកទឹកក្នុងដី ធ្វើឲ្យមានទឹកក្រោមដីបានល្អប្រសើរ។
«អត់ព្រៃឈើអត់ទឹក ចឹងបើអត់ព្រៃឈើនៅភ្នំក្រវាញ នឹងអត់មានអីជញ្ជក់ទឹកពីបរិយាកាសពីភ្លៀងនៅក្នុងដី។ បើអត់ព្រៃឈើនឹងមានការហូរច្រោះ។ ដោយសារតំបន់ភ្នំភ្លៀងមកត្រូវការហូរច្រោះ។ ប្រាកដណាស់ តាមស្ទឹងនឹងក្រហម ដោយសារដីល្អក់ ហើយខាងត្បូងបឹងទន្លេសាបនឹងមានខ្សាច់ហូរប្រែក្លាយដីស្រែកសិកម្មទៅជាដីខ្សាច់មិនខាន»។ លោកបញ្ជាក់បន្ថែម។
បើតាមលោក ជួប ប៉ារីស៍ ព្រៃឈើក្រៅពីមានសារសំខាន់បម្រើជាផលិតផលនិងមុខងារប្រើប្រាស់ សំខាន់មួយទៀតគឺជួយស្រូបឧស្ម័នកាបូនិកពីបរិយាកាស។
ជួរភ្នំក្រវាញស្ថិតនៅប៉ែកនិរតីនៃប្រទេសកម្ពុជា គ្របដណ្តប់ដោយធនធានធម្មជាតិសម្បូណ៌បែបលើទំហំជាង ១,៥ លានហិកតា។ នេះបើយោងតាមការចេញផ្សាយដោយក្រសួងបរិស្ថាន។
កម្ពុជាឈានដល់របត់មួយពីការរកចំណូលពីការកាប់ឈើ មករក្សានិងអភិរក្សព្រៃឈើដែលអាចរកចំណូលបានរាប់សិបដង។ ក្រសួងបរិស្ថាននិងអង្គការសម្ព័ន្ធមិត្តសត្វព្រៃ WA បានសហការគ្នាដើម្បីធ្វើការងាររួមគ្នាលើការការពារនិងអភិរក្ស រក្សាប្រព័ន្ធគុណភាពអេកូឡូស៊ី បង្កើនគម្របបៃតង ការរស់នៅដោយចីរភាព ក្នុងបរិបទនៃការប្រែប្រួលអាកាសធាតុ។
ក្រសួងបរិស្ថានបានសហការអនុវត្តកម្មវិធីរេដបូក (REDD+) ជាមួយដៃគូដើម្បីលក់ការបូនសម្រាប់រស់នៅដោយចីរភាព និងដើម្បីផ្តល់ឱកាសថែមទៀតដល់សហគមន៍តំបន់ការពារធម្មជាតិ ក្នុងការគិតគូរពីបរិស្ថាន និងការអភិរក្សធនធានធម្មជាតិ ជីវៈចម្រុះតាមទិសស្លោក «រក្សាព្រៃឈើឈរ ដើម្បីជីវភាពរុងរឿងនាពេលអនាគត»។
បើតាមយោងតាមការស្រាវជ្រាវ តំបន់ជួរភ្នំក្រវាញគឺជាច្រករបៀងមួយក្នុងច្រករបៀងសត្វដំរី ដែលនៅសេសសល់ចុងក្រោយនៅទ្វីបអាស៊ី៕
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព