ព័ត៌មានជាតិ
អភិបាលខេត្តកំពង់ឆ្នាំងដាក់បទបញ្ជាម៉ឺងម៉ាត់ដល់មន្ត្រីពាក់ព័ន្ធ ជុំវិញករណីបទល្មើសលួចឈូសឆាយដីព្រៃលិចទឹក
កំពង់ឆ្នាំង ៖ ដីតំបន់ ៣ រាប់រយហិចតានៅក្នុងឃុំច្រណូក ស្រុកកំពង់លែង ត្រូវបានជនល្មើសប្រើត្រាក់ទ័រលួចឈូសឆាយក្នុងពេលថ្មីៗនេះ ប៉ុនប៉ងកាន់កាប់ឡើងវិញ បន្ទាប់ពីរដ្ឋាភិបាលបានដកហូតកន្លងមកនៅក្នុងឆ្នាំ២០២១ ដែលរដ្ឋបាលខេត្តកំពង់ឆ្នាំងពុំមានគម្រោងកាត់ឈ្វាលឲ្យវិញឡើយ។
ករណីនេះលោកអភិបាលខេត្តបានដាក់បញ្ជាយ៉ាងម៉ឺងម៉ាត់ដល់មន្ត្រីជំនាញនិងអាជ្ញាធរពាក់ព័ន្ធចុះទៅវាស់វែងបូកសរុប អំពីបទល្មើសឈូសឆាយដីតំបន់បីខាងលើនេះដើម្បីចំណាត់ការជនល្មើសតាមផ្លូវច្បាប់ស្របតាមបទបញ្ជាដ៏ខ្ពង់ខ្ពស់និងម៉ឺងម៉ាត់របស់ប្រមុខរាជរដ្ឋាភិបាល។
ទាក់ទងនឹងករណីខាងលើនេះ ក្រុមអ្នកសារព័ត៌មានយើងចំនួន៦ អង្គភាពនៅព្រឹកថ្ងៃទី១១ ខែកក្កដា ឆ្នាំ២០២៣ បាននាំគ្នាចុះទៅថតផ្ដិតយករូបភាពនិងបង្ហោះត្រូន ដើម្បីរាយការណ៍ជូនជំនាញនិងលោកអភិបាលខេត្តចំណាត់ការតាមផ្លូវច្បាប់។
ចំណុចដែលក្រុមអ្នកសារព័ត៌មានយើងបានចុះទៅថតផ្ដិតយករូបភាពគឺ១.ចំណុចយាយភាជ (ចំណុចនេះសមត្ថកិច្ចខណ្ឌរដ្ឋបាលជលផលបានចុះទៅវាស់វែងរួច ហើយកាលពី ថ្ងៃទី០៦ ០៧ ២០២៣ ដែលមានការឈូសឆាយជាង៥២ហិកតា)។ ២.ចំណុចខ្លាខាំគោតាមរូបភាពថតពីលើដ្រូនគឺឃើញមានការឈូសឆាយដីតំបន់៣រាប់រយហិចតា។ ៣.ចំណុចបាយឆៅតាមការថតពីលើដ្រូនឃើញមានការឈូសឆាយដីតំបន់ ៣ រាប់រយហិចតា។ ៤ចំណុចបឹងចារៀក ក៏មានការឈូសឆាយរាប់រយហិចតាផងដែរ។
ដោយឡែកប្រជានេសាទតំបន់នោះបានប្រាប់ឲ្យដឹងថា នៅចំណុចយាយសុខ ,ចំណុចចុងតាកឹង , ចំណុចកំពុងអាឡង់ ស្របតាមព្រែកសាយនេះក៏មានការឈូសឆាយដីតំបន់ ៣ ជាច្រើនហិចតាផងដែរ តែក្រុមអ្នកផ្សារព័ត៌មានយើងមិនអាចបើកការណូតតាមព្រែកចូលទៅដល់ ព្រោះតែមានកំប៉ោងច្រើនពេក។
ប្រធានមន្ទីរកសិកម្មរុក្ខាប្រមាញ់និងនេសាទខេត្ត លោក ងិន ហ៊ុន ពេលទទួលបានរូបភាពនៃការឈូសឆាយដីតំបន់ ៣ នៅចំណុចខាងលើនេះពីក្រុមអ្នកសារព័ត៌មានតាមប្រព័ន្ធតេឡេក្រាម នៅល្ងាចថ្ងៃទី១១ ខែកក្កដានេះ លោកបានភ្ញាក់ផ្អើលនិងលាន់មាត់ថា “ខ្ញុំពិតជាហួសចិត្តមិនដឹងថា មន្ត្រីជំនាញរបស់ខ្ញុំរាល់ថ្ងៃគេធ្វើការអី ធ្វើការយ៉ាងម៉េចបានជាឱ្យមានបទល្មើសឈូសឆាយដីតំបន់៣កើតឡើងបែបនេះតែមិនដឹង ករណីនេះខ្ញុំនឹងធ្វើការស្រាវជ្រាវផងដែរថា តើមន្ត្រីរបស់លោកអ្នកណាខ្លះជាអ្នកពាក់ព័ន្ធជាមួយបទល្មើសនេះ”។
ដោយឡែកលោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង ក្រោយពេលទទួលបានរូបភាពបទល្មើសឈូសឆាយដីតំបន់៣ ពីក្រុមអ្នកយកព័ត៌មានយើងតាមប្រព័ន្ធតេឡេក្រាម នៅល្ងាចថ្ងៃទី ១១ខែកក្កដានេះ លោកបានប្រាប់តាមទូរសព្ទថា លោកបានដឹងខ្លះៗហើយ រឿងនេះ។
កាលពីថ្ងៃទី១០ លោកបានកោះប្រជុំយ៉ាងក្តៅពីករណីនេះ និងបានដាក់បញ្ជាយ៉ាងម៉ឺងម៉ាត់ឲ្យមន្ត្រីជំនាញ និងអាជ្ញាធរស្រុកកំពង់លែងក្នុងរយៈពេល៣ថ្ងៃ ត្រូវចុះពិនិត្យវាស់វែងប្រមូលលទ្ធផលឲ្យបានច្បាស់លាស់អំពីដីតំបន់៣ដែលត្រូវជនល្មើសលួចឈូសឆាយនៅតំបន់ខាងលើនេះ ដើម្បីចំ ណាត់ការជនល្មើសនិងអ្នកពាក់ព័ន្ធតាមផ្លូវច្បាប់ដោយគ្មានការលើកលែងនោះឡើយ។
ប្រភពព័ត៌មានពីប្រជាពលរដ្ឋនៅក្នុងមូលដ្ឋានឃុំច្រណូកបានលួចប្រាប់ឲ្យដឹងថា ករណីនេះ គឺមានការឃុបឃិតពីមន្ត្រីជំនាញមួយចំនួនបើកដៃ ទើបមានបទ ល្មើសឈូសឆាយដីតំបន់ ៣ រាប់រយហិចតាបែបនេះហើយក៏នៅតែមិនដឹង ទាល់តែអ្នកសារព័ត៌មានថតរូបបាញ់រាយការណ៍ឲ្យទើបភ្ញាក់ផ្អើល។
ករណីមួយទៀតកាលពីថ្ងៃទី៦ ខែកក្កដា សមត្ថកិច្ចជំនាញ១ក្រុមបានចុះទៅវាស់វែងដីតំបន់ ៣ ចំណុចយាយភាជ ក៏បានចាប់យកម៉ូតូ៣គ្រឿងរបស់ជនល្មើស ដែលជាអ្នកឈូសឆាយដីតំបន់៣នេះផងដែរ។ បើគេស្រាវជ្រាវតាមរយៈម្ចាស់ម៉ូតូទាំងបីគ្រឿងនេះពិតជារកឃើញមេខ្លោងឈូសឆាយដីតំបន់៣ និងមន្ត្រីជំនាញដែលឃុបឃិតបើកដៃ។ ប៉ុន្តែចម្លើយម្ចាស់ម៉ូតូបែរ ជាត្រូវគេបញ្ចេះឱ្យឆ្លើយថា ពួកគាត់ជិះម៉ូតូទៅមើលគោ ខណៈដែលនៅក្នុងដីតំបន់៣ ដែលគេឈូសឆាយនោះ គ្មានដានជើងគោ ឬដានជើងក្របីមួយក្បាលឡើយ៕
ដោយ ៖ ឈៀងថារិទ្ធ
ជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
អភិបាលខេត្តក្រចេះ ៖ ការចូលរួមបរិច្ចាគធនធានពីពលរដ្ឋគ្រប់ទិសទី ជាថាមពលផ្តល់កម្លាំងចិត្តកងទ័ព
រដ្ឋមន្ត្រីកសិកម្ម ណែនាំឱ្យកសិករភ្នំគូលែន សិក្សាលទ្ធភាពចិញ្ចឹមមាន់ស្រែ និងជ្រូក ដែលកំពុងមានតម្រូវការ
អភិបាលខេត្តប៉ៃលិន អំពាវនាវដល់ព្រះសង្ឃ និងមន្ត្រីរាជការចូលរួមថែរក្សា និងលើកកម្ពស់វប្បធម៌ក៏ដូចជាវិស័យព្រះពុទ្ធសាសនា ដែលជាដួងព្រលឹងជាតិ
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
គួរឲ្យសរសើរអាយុ ៤៦ឆ្នាំ Pacquiao ស្មើម្ចាស់ខ្សែក្រវាត់ Barrios ក្រោយប្រកួត១២ទឹកពេញ
សោកនាដកម្មលិចទូកទេសចរណ៍នៅវៀតណាម រកឃើញមនុស្សស្លាប់ ដល់ ៣៤នាក់
ជនកំសាកថៃ អួតខ្លួនថា វាយទាហានកម្ពុជាដើម្បីការពារទឹកដី, ចុះរត់ធ្វើអីបើក្នុងដីខ្លួនមែន?
ថៃ អះអាងរកឃើញមីនថ្មីរាប់រយគ្រាប់ក្នុងដីខ្លួន, តើនរណាចូលទៅដាក់ ឬថៃដាក់ខ្លួនឯងរួចចោទកម្ពុជា?
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១៦ ម៉ោង agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ៧ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៧ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៧ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម២ ថ្ងៃ agoជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន