ព័ត៌មានជាតិ
តើកូនមន្ត្រីជាន់ខ្ពស់បក្សប្រជាជនណាខ្លះឈរជាបេក្ខជនតំណាងរាស្ត្រការបោះឆ្នោតឆ្នាំនេះ?
ការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣នេះ ឯកឧត្តមបណ្ឌិត ហ៊ុន ម៉ាណែត បានឈរឈ្មោះជាបេក្ខជនតំណាងរាស្ត្រពេញសិទ្ធិរបស់គណបក្សប្រជាជនកម្ពុជា មណ្ឌលរាជធានីភ្នំពេញ ខណៈឯកឧត្តម ហ៊ុន ម៉ានី ដែលជាប្អូនប្រុសត្រូវបន្តឈរឈ្មោះជាបេក្ខជនតំណាងរាស្ត្រមណ្ឌលខេត្តកំពង់ស្ពឺ។
ក្រៅពីឯកឧត្តមបណ្ឌិត ហ៊ុន ម៉ាណែត និងឯកឧត្តម ហ៊ុន ម៉ានី ដែលជាកូនប្រុសរបស់សម្ដេចតេជោ ហ៊ុន សែន ក៏មានកូនៗរបស់ថ្នាក់ដឹកនាំជាន់ខ្ពស់របស់គណបក្សប្រជាជនកម្ពុជាមួយចំនួនទៀតឈរឈ្មោះជាបេក្ខជនពេញសិទ្ធិសម្រាប់ការបោះឆ្នោតជាតិ អាណត្តិទី៧នេះដែរ រួមមាន៖ លោក ស សុខា កូនប្រុសសម្ដេច ស ខេង ឈរឈ្មោះជាបេក្ខជនពេញសិទ្ធិលេខរៀងទី២ មណ្ឌលខេត្តព្រៃវែង លោក សាយ សំអាល់ កូនប្រុសសម្ដេច សាយ ឈុំ ជាបេក្ខជនពេញសិទ្ធិលេខរៀងទី១ មណ្ឌលខេត្តព្រះសីហនុ ខណៈកូនប្រុសពៅសម្ដេច ទៀ បាញ់ គឺលោក ទៀ សីហា ឈរឈ្មោះជាបេក្ខជនពេញសិទ្ធិលេខរៀងទី៣ មណ្ឌលខេត្តសៀមរាប។
រីឯកូនលោក យឹម ឆៃលី គឺលោក យឹម លាត ឈរជាបេក្ខជនពេញសិទ្ធិរបស់គណបក្សប្រជាជនកម្ពុជា លេខរៀងទី៤ មណ្ឌលខេត្តកំពង់ធំ លោក ឌិត ទីណា ដែលជាកូនប្រុសលោក ឌិត មន្ទី ជាបេក្ខជនពេញសិទ្ធិលេខរៀងទី៦ មណ្ឌលខេត្តត្បូងឃ្មុំ និងលោកស្រី ចម និម្មល កូនស្រីរបស់លោក ចម ប្រសិទ្ធ ជាបេក្ខជនពេញសិទ្ធិរបស់គណប្រជាជនកម្ពុជា លេខរៀងទី៥ មណ្ឌលខេត្តកំពត។
ជាមួយគ្នានេះ គណបក្សប្រជាជនកម្ពុជាក៏បានដាក់បញ្ជូលអ្នកបន្តវេនជំនាន់ក្រោយរបស់បក្សឱ្យឈរឈ្មោះជាបេក្ខជន លេខរៀងបម្រុងសម្រាប់ការបោះឆ្នោតនៅថ្ងៃទី២៣ ខែកក្កដា ឆ្នាំ២០២៣នេះដែរ។ បេក្ខជនតំណាងរាស្ត្របម្រុងដែលជាយុវជនជំនាន់ក្រោយរបស់គណបក្សប្រជាជនកម្ពុជា រួមមាន៖
១/ លោក សុខ សូកាន វ័យ ៤០ឆ្នាំ កូនប្រុសសម្ដេច សុខ អាន ឈរឈ្មោះជាបេក្ខជនបម្រុងលេខរៀងទី៤ មណ្ឌលខេត្តតាកែវ។
២/ លោក កែ សួនសុភាព មានវ័យ ៤០ឆ្នាំ ឈរឈ្មោះជាបេក្ខជនបម្រុងលេខរៀងទី៥ មណ្ឌលខេត្តបន្ទាយមានជ័យ ខណៈឪពុករបស់លោក គឺលោក កែ គឹមយ៉ាន ជាបេក្ខជនពេញសិទ្ធិលេខរៀងទី១ នៃមណ្ឌលជាមួយគ្នានេះ។
៣/ លោក អ៊ុក ពញ្ញា វ័យ ៣៩ឆ្នាំ ជាបេក្ខជនតំណាងរាស្ត្រលេខរៀងបម្រុងទី៤ មណ្ឌលខេត្តកំពង់ឆ្នាំង។ លោក អ៊ុក ពញ្ញា គឺជាកូនប្រុសរបស់លោក អ៊ុក រ៉ាប៊ុន ដែលជាបេក្ខជនពេញសិទ្ធិលេខរៀងទី២ មណ្ឌលខេត្តកំពង់ឆ្នាំងនេះដែរ។
៤/ លោក ទ្រី ដាលុច ដែលទើបមានវ័យ២៩ និងជាកូនប្រុសរបស់ឧកញ៉ា ទ្រី ភាព បានក្លាយជាបេក្ខជនតំណាងរាស្ត្របម្រុងរបស់គណបក្សប្រជាជនកម្ពុជា មណ្ឌលខេត្តកណ្ដាល នៅលេខរៀងទី៩។
មិនត្រឹមតែប៉ុណ្ណោះ គណបក្សប្រជាជនកម្ពុជាថែមទាំងបានដាក់យុវជនឆ្នើមៗរបស់បក្សទៅក្នុងបញ្ជីបេក្ខជនតំណាងរាស្ត្រទាំងពេញសិទ្ធិ និងបម្រុងជាច្រើនទៀតនៅតាមមណ្ឌលនានាទូទាំងប្រទេស ដែលនេះបានបង្ហាញអំពីការយកចិត្តទុកដាក់ខ្ពស់ ផ្ដល់ឱកាស ក៏ដូចជាការលើកកម្ពស់ដល់អ្នកបន្តវេនរបស់គណបក្សសម្រាប់កិច្ចការនយោបាយ៕
ដោយ៖ ធឿន វ៉ាន់សុង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ