ព័ត៌មានជាតិ
សម្ដេចតេជោ ហ៊ុន សែន ទទួលជួបអ្នកសង្កេតការណ៍បោះឆ្នោតអន្តរជាតិមកពីប្រទេស៦៥
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអនុញ្ញាតឲ្យក្រុមអ្នកសង្កេតការណ៍អន្តរជាតិចំនួន៨៥នាក់ ក្នុងចំណោមអ្នកសង្កេតការអន្តរជាតិចំនួន ៣៣៤រូប មកពីប្រទេសចំនួន៦៥ ចូលជួបសម្ដែងការគួរសមនៅវិមានសន្តិភាព នៅថ្ងៃទី២២ ខែកក្កដា ឆ្នាំ២០២៣នេះ។

បើតាមលោក ស្រ៊ី ថាមរុង្គ រដ្ឋមន្ត្រីប្រតិភូអមនាយករដ្ឋមន្ត្រី ក្រុមអ្នកសង្កេតការអន្តរជាតិទាំងនេះមកពីអង្គការអន្តរសភា តំណាងរដ្ឋាភិបាល អង្គការអន្តរជាតិនានា អង្គការអ្នកសង្កេតការណ៍ឯករាជ្យ សង្គមស៊ីវិល ព្រមទាំងអានិកជនខ្មែរមកពីក្រៅប្រទេស និងមានសារព័ត៌មានអន្តរជាតិ។
ក្នុងចំណោមអ្នកសង្កេតការអន្តរជាតិទាំងនោះ មានអតីតប្រមុខរដ្ឋ អតីតនាយករដ្ឋមន្ត្រី អតីតប្រធានសភា និងអនុប្រធានសភា ហើយប្រធានសភានៅក្នុងតំណែងគឺម៉ាឡេស៊ី និងនាយករដ្ឋមន្ត្រីនៅក្នុងតំណែងប្រទេសហ្គីណេប៊ីសាវ ប្រធានCDI ដែលជាអតីតប្រធានាធិបតីកូឡាំបី អតីតប្រធានាធិបតីនីសេរីយា អតីតប្រធានាធិបតីនេប៉ាល់ អតីតប្រធានាធិបតីសិរីលង្កា អតីតប្រធានាធិបតីហ្គីណេប៊ីសាវ, អតីតនាយករដ្ឋមន្ត្រីប៉ាគីស្ថាន និងអតីតប្រធានាធិបតីអេក្វាទ័រផងដែរ។

សម្ដេចតេជោ ហ៊ុន សែន បានសម្ដែងការស្វាគមន៍យ៉ាងកក់ក្តៅចំពោះប្រតិភូអ្នកសង្កេតការអន្តរជាតិ ដែលបានមកចូលរួមពិនិត្យ និងតាមដានការបោះឆ្នោតតាមបែបប្រជាធិបតេយ្យនៅកម្ពុជា។ សម្ដេចតេជោ បានកត់សម្គាល់ថា នៅក្នុងការបោះឆ្នោតជាតិជ្រើសតាំងតំណាងរាស្ត្រ អាណត្តិទី៧ ឆ្នាំ២០២៣នេះ មានអ្នកសង្កេតការអន្តរជាតិចូលរួមច្រើនជាងការបោះឆ្នោតនាពេលកន្លងទៅ។
ទន្ទឹមនេះ សម្ដេចតេជោ ក៏បានជម្រាបដល់អ្នកសង្កេតការណ៍អន្តរជាតិអំពីដំណើរការរៀបចំការបោះឆ្នោតយ៉ាងទៀងទាត់នៃការបោះឆ្នោតជ្រើសរើសក្រុមប្រឹក្សាឃុំ-សង្កាត់ និងការបោះឆ្នោតជ្រើសរើសសមាជិកព្រឹទ្ធសភា ដែលសម្ដេចជានាយករដ្ឋមន្ត្រី តែងតែប្រកាសអំពីកាលបរិច្ឆេទច្បាស់លាស់កន្លងមក។

ក្រោយស្ដាប់បទបង្ហាញរបស់សម្ដេចតេជោ តំណាងគណៈប្រតិភូអ្នកសង្កេតការណ៍អន្តរជាតិ បានចាប់អារម្មណ៍ចំពោះសភាពការណ៍ល្អប្រសើរនៅកម្ពុជា ជាពិសេស ភាពរីកចម្រើនរបស់កម្ពុជា និងបានកោតសរសើរចំពោះការរីកចម្រើនយ៉ាងឆាប់រហ័សនេះ ទាំងវិស័យសេដ្ឋកិច្ច នយោបាយ និងការអភិវឌ្ឍស្ទើរគ្រប់វិស័យ។
ជាមួយគ្នានេះ គណៈប្រតិភូអ្នកសង្កេតការណ៍អន្តរជាតិ បានបង្ហាញការពេញចិត្ត និងបានរៀនសូត្រពីបទពិសោធន៍ និងភាពឆ្លៀសវៃរបស់សម្ដេចក្នុងការដឹកនាំប្រទេសដល់យូរមកនេះប្រកបដោយភាពម៉ឺងម៉ាត់ នាំប្រទេសពីសង្គ្រាមមករកសន្តិភាព ហើយមានការអភិវឌ្ឍសេដ្ឋកិច្ច និងនយោបាយ ខណៈជីវភាពប្រជាជនត្រូវបានលើកស្ទួយយ៉ាងល្អប្រសើរ៕

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៩ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ