ព័ត៌មានជាតិ

មន្ត្រីរៀបចំការបោះឆ្នោតខេត្តកំពតថា គ្មានការផ្លាស់ប្តូរទីតាំងការិយាល័យបោះឆ្នោតទេ

បានផុស

៨ ខែ មុន

នៅ

ថ្ងៃសៅរ៍ ២២ កក្កដា ២០២៣

ដោយ

កំពត ៖ ប្រធានគណៈកម្មការឃុំរៀបចំការបោះឆ្នោតឃុំត្រពាំងធំ ស្រុកទឹកឈូ លោកញៀន សុខប៉ូឡា បានប្រាប់ឲ្យដឹងថា នៅរសៀលថ្ងៃទី ២២ ខែកក្កដា ឆ្នាំ២០២៣នេះថា ឃុំត្រពាំងធំបានរៀបចំការិយាល័យបោះឆ្នោត។ រួចរាល់ហើយនារសៀលនេះឃុំមានបួនការិយាល័យបោះឆ្នោតចែកចេញជាពីរទីតាំងចំពោះការការពារសន្តិសុខ ១ ទីតាំងមានកម្លាំងនគរបាល៤រូបប្រចាំការហើយនៅយប់កម្លាំងនិងមន្ត្រីការិយាល័យបោះឆ្នោតមួយចំនួនត្រូវនៅសម្រាកដើម្បីយាមតាមនៅការិយាល័យបោះឆ្នោតតែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីរៀបចំការបោះឆ្នោតខេត្តកំពត បានប្រាប់ឲ្យដឹងថា ការរៀបចំការិយាល័យបោះឆ្នោតនៅខេត្តកំពត បានប្រព្រឹត្តទៅដោយរលូន រួចរាល់ជាស្ថាពរហើយ គ្មានការផ្លាស់ប្តូរទីតាំងការិយាល័យណាមួយនោះទេទោះអាកាសធាតុមិនសូវអំណោយផល ទីតាំងភាគច្រើនធ្វើនៅតាមសាលារៀន វត្តអារាម និងមួយចំនួនសង់ជារោងនៅកណ្តាលភូមិរបស់ប្រជាពលរដ្ឋ។

ប្រធានគណៈកម្មាការរៀបចំការបោះឆ្នោតខេត្តកំពត លោក តែ ជិនណារិទ្ធ បានបញ្ជាក់ថា ការការងាររៀបចំការិយាល័យបោះឆ្នោតទាំង១០៥៤ការិយាល័យទូទាំងខេត្ត បានរួចរាលជាស្ថាពរហើយ រង់ចាំតែពេលបោះមកដល់ប៉ុណ្ណោះ ។ លោកបានបញ្ជាក់ថា ទោះអាកាសធាតុមិនសូវអំណោយផល តែការិយាល័យបោះឆ្នោតគ្មានការផ្លាស់ប្តូរទេ ហើយភាគច្រើនបំផុតរៀបចំនៅតាមសាលារៀន នៅតាមវត្តខ្លះ និងជួលរោងធ្វើនៅទីតាំងកណ្តាលភូមិពលរដ្ឋខ្លះ។

ដោយឡែកចំពោះការត្រៀមការពារសន្តិសុខ គឺមានភាពល្អប្រសើរ ហើយសម្រាប់យប់នេះ គណបក្សនយោបាយ អ្នកសង្កេតការណ៍ជាតិ និងអន្តរជាតិ អាចទៅសម្រាកនៅការិយាល័យបោះឆ្នោតបាន ប្រសិនបើពួកគាត់ចង់ ឃ្លាំមើលឯកសារ និងសម្ភារៈសំខាន់ៗ សម្រាប់បម្រើដល់ការងារបោះឆ្នោតនៅតាមទីតាំងការិយាល័យនីមួយៗ លោកសង្កត់ធ្ងន់ថាមន្ត្រីគជប បើកសិទ្ធិទូលាយដើម្បីធ្វើយ៉ាងណា ធានាបានថាការរៀបចំការបោះឆ្នោតបានអនុវត្តត្រឹមត្រូវតាមគោលការណ៍លទ្ធិប្រជាធិបតេយ្យ៕

ដោយ ៖ សឹង រ៉ាត់