ព័ត៌មានជាតិ

មន្ត្រីនគរបាលជាតិ៧៤នាក់ ទើបមកពីវៀតណាមត្រូវធ្វើចត្តាឡីស័ក១៤ថ្ងៃ នៅខេត្តស្វាយរៀង

បានផុស

៣ years មុន

នៅ

ថ្ងៃព្រហស្បតិ៍ ២៨ មករា ២០២១

ដោយ

មន្ត្រីនគរបាលជាតិចំនួន៧៤នាក់ ជាសិក្ខាកាមបញ្ចប់វគ្គបណ្ដុះបណ្ដាលថ្នាក់ជំនាញតម្រួតនិងពន្ធនាគារដែលទើបវិលត្រឡប់មកពីប្រទេសវៀតណាម ត្រូវបានក្រុមការងារមន្ទីរសុខាភិបាលខេត្តស្វាយរៀងយកទៅធ្វើចត្តាឡីស័ករយៈពេល១៤ថ្ងៃទៅតាមវិធានរបស់ក្រសួងសុខាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វេជ្ជបណ្ឌិត កែ រដ្ឋា ប្រធានមន្ទីរសុខាភិបាលខេត្តស្វាយរៀងបានឲ្យដឹងនៅរសៀលថ្ងៃទី២៨មករានេះថាមន្ត្រីនគរបាលជាតិ៧៤នាក់នោះ ត្រូវបានក្រុមការងារយកទៅធ្វើចត្តាឡីស័កចំនួន១៤ថ្ងៃនិងយកសំណាកចំនួន២ដងបើលទ្ធផលអវិជ្ជមានទើបយើងអនុញ្ញឲ្យពួកគាត់វិលត្រឡប់ទៅផ្ទះរៀងៗខ្លួនវិញ។

លោកបានបន្តថា ក្នុងចំណោម៧៤នាក់នោះយើងបានបញ្ជួនទៅធ្វើចត្តាឡីស័កនៅមណ្ឌលបាវិតចំនួន១៨នាក់នៅមណ្ឌលចត្តាឡីស័កនៅស្វាយរៀងចំនួន៥០និង២នាក់ទៀតដែលមានអាការៈក្តៅខ្លួន ក្អកផ្តាសាយត្រូវបញ្ជួនមកធ្វើចត្តាឡីស័កនៅមន្ទីរពេទ្យបង្អែកជម្ភូដើម្បីពិនិត្យនិងតាមដានសុខភាពជាបន្ត។

គួរបញ្ជាក់ថា មន្ត្រីនគរបាលជាតិ៧៤នាក់នោះ ដឹកនាំដោយលោកវរសេនីយ៍ឯក អុល សុភ័ក្ត្រ នាយការិយាល័យផែនការ នៃនាយកដ្ឋានបុគ្គលិកបានធ្វើដំណើរពីប្រទេសវៀតណាមនៅព្រឹកថ្ងៃទី២៨ ខែមករា ឆ្នាំ២០២១ចូលមកប្រទេសកម្ពុជាតាមប៉ុស្តិ៍នគរបាលច្រកទ្វារព្រំដែនអន្តរជាតិបាវិតបន្ទាប់ពីបានបញ្ចប់វគ្គបណ្ដុះបណ្ដាលថ្នាក់ជំនាញតម្រួត និងពន្ធនាគារ នៅមហាវិទ្យាល័យតម្រួតប្រជាជន នៃក្រសួងនគរបាលវៀតណាម៕

ដោយ ៖ សំអឿន