ជាង១សប្តាហ៍ទៀត សង្កាត់២ នឹងត្រូវផ្អាកផ្គត់ផ្គង់ទឹកមួយរយៈពេលខ្លី

រដ្ឋាករទឹកស្វយ័តក្រុងភ្នំពេញ បានចេញសេចក្ដីជូនដំណឹងស្ដីពីការផ្អាកផ្គត់ផ្គង់ទឹករយៈពេល ៤ម៉ោង ក្នុងភូមិសាស្ត្រ សង្កាត់កន្ទោក ខណ្ឌកំបូល ក្រុងភ្នំពេញ និងសង្កាត់កំពង់សំណាញ់ ក្រុងតាខ្មៅ ខេត្តកណ្តាល ក្នុងរយៈពេលខ្លីមួយ ដើម្បីរៀបចំប្រព័ន្ធទឹក។

បើតាមសេចក្តីជូនដំណឹង សង្កាត់កន្ទោក ខណ្ឌកំបូល រាជធានីភ្នំពេញ នឹងត្រូវផ្អាកការផ្គង់ នៅយប់ថ្ងៃព្រហស្បតិ៍ ទី១៧ ខែសីហា ចំណែកឯសង្កាត់កំពង់សំណាញ់ ក្រុងតាខ្មៅ ខេត្តកណ្តាល នឹងត្រូវផ្អាកការផ្គង់នៅយប់ថ្ងៃសុក្រ ទី១៨ ខែសីហា ឆ្នាំ២០២៣។

រដ្ឋាករទឹកស្វយ័តក្រុងភ្នំពេញ នឹងផ្អាកការផ្គត់ផ្គង់ទឹកមួយរយៈពេលខ្លី ប្រមាណជា០៤ម៉ោង គឺចាប់ពីម៉ោង ០៨:០០នាទីយប់ ដល់ម៉ោង១២:០០នាទីពាក់កណ្តាលអាធ្រាត្រយប់ និងអាចធ្វើឱ្យគុណភាព ទឹកមានភាពល្អក់កករក្នុងរយៈពេលខ្លីក្រោយពេលកាត់ភ្ជាប់បំពង់ទឹកថ្មីរួច។

យហេតុនេះ រដ្ឋាករទឹកស្វយ័តក្រុងភ្នំពេញ ស្នើដល់ប្រជាពលរដ្ឋ រោងចក្រ សហគ្រាស ដែលមានលំនៅដ្ឋាន និងទីតាំងខាងលើ ដែលនឹងត្រូវរងការខ្វះទឹករយៈពេលខ្លីនេះ ដើម្បី ត្រៀមបម្រុងទឹកសម្រាប់ប្រើប្រាស់ក្នុងរយៈពេលដូចបានជម្រាបជូនខាងលើ ដោយក្តីអនុគ្រោះ ៕