ព័ត៌មានជាតិ
អ្នកឧកញ៉ា លឹម ហេង៖ បេសកកម្មថ្នាក់ដឹកនាំរដ្ឋាភិបាលថ្មីកម្ពុជា ទៅអាមេរិកនឹងចំណេញទាំងទំនាក់ទំនង និងសេដ្ឋកិច្ច
តាមការគ្រោងទុក ឯកឧត្តមបណ្ឌិត ហ៊ុន ម៉ាណែត នាយករដ្ឋមន្រ្តីកម្ពុជាថ្មី នឹងចូលរួមមហាសន្និបាតអង្គការសហប្រជាជាតិ នៅទីក្រុងញូវយ៉ក នាខែកញ្ញា ឆ្នាំ ២០២៣ ខាងមុខ។
![](https://www.kampucheathmey.com/wp-content/uploads/2023/08/១-14-1024x614.jpg)
សារព័ត៌មានអន្តរជាតិ បានផ្សាយថា ដំណើរបេសកកម្មរបស់ឯកឧត្តមបណ្ឌិត ហ៊ុន ម៉ាណែត នឹងមានការទទួលស្វាគមន៍ពីក្រុមអ្នកធុរកិច្ចនៅអាមេរិក។
ទាក់ទិននឹងបេសកកម្មនេះ អ្នកឧកញ៉ា លឹម ហេង អនុប្រធានសភាពាណិជ្ជកម្ពុជា មើលឃើញថា គឺជាសញ្ញាណវិជ្ជមានរវាងកម្ពុជា និងអាមេរិក។
![](https://www.kampucheathmey.com/wp-content/uploads/2023/08/photo_2021-01-28_16-10-46-1024x683.jpg)
អ្នកឧកញ៉ា បានបញ្ជាក់ថា ដំណើរបេសកកម្មធុរកិច្ចរបស់ឯកឧត្តមបណ្ឌិត ហ៊ុន ម៉ាណែត ដែលទៅប្រជុំនៅអង្គការសហប្រជាជាតិខែ កញ្ញា ខាងមុខ អមដំណើរដោយអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងពាណិជ្ជករធុរកិច្ចកម្ពុជា មួយចំនួនទៀត។
ទន្ទឹមនឹងបេសកកម្មនេះ សភាពាណិជ្ជកម្ម នឹងមានជំនួបពាណិជ្ចកម្មជាមួយសមាគមធុរកិច្ចរបស់សហរដ្ឋអាមេរិកផងដែរ នៅទីក្រុងញូវយ៉ក។ នេះជាការបន្ថែមរបស់អ្នកឧកញ៉ា លឹម ហេង។ ជាមួយគ្នានេះ ពាណិជ្ជករធុរកិច្ចអាមេរិក ក៏នឹងជួបសម្តែងការគួរសមជាមួយឯកឧត្តមបណ្ឌិត ហ៊ុន ម៉ាណែត ផងដែរ។
អ្នកឧកញ៉ា លឹម ហេង បានគូសបញ្ជាក់ទៀតថា តាមរយៈដំណើរបេសកកម្មនេះ ក៏នឹងបង្កើនទំនាក់ទំនង និងភាពរីកចម្រើនផ្នែកសេដ្ឋកិច្ច រវាងកម្ពុជា និងក្រុមពាណិជ្ជករអាមេរិក ជាពិសេសនឹងជំរុញកំណើនសេដ្ឋកិច្ចកម្ពុជា តាមរយៈក្រុមហ៊ុននានា របស់អាមេរិក។
លើសពីនេះទៀត អ្នកឧកញ៉ា បញ្ជាក់ថា នៅខែវិច្ឆិកាខាងមុខ សភាពាណិជ្ជកម្មកម្ពុជា នឹងដឹកនាំគណៈប្រតិភូទៅតាំងពិព័រណ៍ពាណិជ្ជកម្មលើកទី១ នៅទីក្រុងឡុងប៊ិច រដ្ឋកាលីហ្វញ៉ា។
សូមបញ្ជាក់ថា អាមេរិក គឺជាដៃគូពាណិជ្ជកម្មរបស់កម្ពុជា បន្ទាប់ពីចិន។ នៅក្នុងឆមាសទី១ ឆ្នាំ ២០២៣ ទំហំពាណិជ្ជកម្មរវាងកម្ពុជា អាមេរិក សម្រេចបានជាង ៤.៣ពាន់លានដុល្លារ ថយចុះ ៩.៦ភាគរយ បើធៀបនឹងរយៈពេលដូចគ្នា កាលពីឆ្នាំ ២០២២ មានចំនួនជាង ៤.៨ពាន់លានដុល្លារ។
បើតាមរបាយការណ៍អគ្គនាយកដ្ឋានរដ្ឋគយ និងរដ្ឋាករ ចាប់ពីខែ មករា- មិថុនា ឆ្នាំ ២០២៣ ការនាំចេញរបស់កម្ពុជាទៅអាមេរិក សម្រេចបានជាង ៤.២ពាន់លានដុល្លារ និងនាំចូលមកវិញមានចំនួនជាង ១១៩លានដុល្លារ។
អនុប្រធានពាណិជ្ជកម្មកម្ពុជា អ្នកឧកញ៉ា លឹម ហេង រំពឹងថា កម្ពុជា និងអាមេរិក នឹងមានទំនាក់ទំនងកាន់តែល្អប្រសើរថែមទៀត ជាពិសេសទៅលើផ្នែក B2B (ពាណិជ្ជករ និងពាណិជ្ជករ) ក្រោយដំណើរបេសកកម្មរបស់ឯកឧត្តមបណ្ឌិត ហ៊ុន ម៉ាណែត៕
-
សេដ្ឋកិច្ច១ សប្តាហ៍ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ៦ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ១ សប្តាហ៍ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៤ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៧ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានអន្ដរជាតិ៣ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ
-
ព័ត៌មានជាតិ១ សប្តាហ៍ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានជាតិ៦ ថ្ងៃ ago
រដ្ឋមន្ត្រីក្រសួងព័ត៌មាន ស្នើអ្នកសារព័ត៌មាន MMO ឈប់បង្ហោះវីដេអូជនដៃដល់ស្រី ស៊ីណា បាញ់ជនរងគ្រោះ