ព័ត៌មានជាតិ

កិច្ចប្រជុំរបស់គណបញ្ជាការឯកភាពខណ្ឌច្បារអំពៅ លើកឡើងពីបញ្ហាសណ្ដាប់ធ្នាប់ជាចម្បង

បានផុស

៣ ខែ មុន

នៅ

ថ្ងៃសុក្រ ២៩ មករា ២០២១

ដោយ

គណបញ្ជាការ ឯកភាពខណ្ឌច្បារអំពៅ កាលពីព្រឹកថ្ងៃទី២៩ ខែមករានេះ បានបើកកិច្ចប្រជុំរួមក្រោមអធិបតីភាពលោក ចេង មុនីរ៉ា អភិបាលនៃគណៈអភិបាលខណ្ឌនិងជាប្រធានគណបញ្ជាការឯកភាពខណ្ឌច្បារអំពៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមាសភាពចូលរួមមានលោកអធិការ លោកមេបញ្ជាការកងរាជអាវុធហត្ថខណ្ឌលោក លោកស្រី អភិបាលរងខណ្ឌ លោកនាយក នាយករងរដ្ឋបាល លោក លោកស្រីចៅសង្កាត់និងលោកមេប៉ុស្តិ៍ព្រមទាំងស្មៀនសង្កាត់ទាំង៨។ លោក ចេង មុនីរ៉ា បានមានប្រសាសន៍ថា រាល់ថ្ងៃនេះ បងប្អូនអ្នកធ្វើដំណើតែងនាំគ្នារអ៊ូរទាំពីបញ្ហាកកស្ទះចរាចរណ៍ ពិសេសលើកំណាត់ផ្លូវជាតិលេខ១។

លោកប្រធានគណបញ្ជាការឯកភាពខណ្ឌបន្តថា ដូច្នេះកម្លាំងគណបញ្ជាការឯកភាពយើងត្រូវភ្ញាក់ពីព្រលឹមចុះរៀបចំសណ្តាប់ធ្នាប់និងសម្រួលចរាចរណ៍តាមដងផ្លូវ ដោយពុំចាំមានការបញ្ជាបានចុះធ្វើនោះទេ។ ចំពោះវិធានការណ៍ចំពោះមុខវិញ គឺសមត្ថកិច្ចនិងអាជ្ញាធរត្រូវណែនាំដល់ម្ចាស់អាជីវកម្ម ដែលមានទីតាំងស្ថិតនៅតាមដងផ្លូវជាតិលេខ១ សូមឲ្យរៀបចំណតរថយន្តឲ្យបានត្រឹមត្រូវ ចៀសវាងមកឈប់សំចតលើផ្លូវបង្កឲ្យកកស្ទះចរាចរណ៍។ បើម្ចាស់អាជីវកម្មមិនគោរពតាមការណែនាំ គឺត្រូវស្ទូចរថយន្តយកទៅទុកនៅស្នងការដ្ឋាននគរបាលរាជធានីភ្នំពេញ ដើម្បីឲ្យរាងចាល។ ព្រោះសព្វថ្ងៃនេះ អស់ពាក្យនឹងនិយាយអង្វរកតទៅទៀតទេ។