ព័ត៌មានជាតិ

ពូថ្លៃរំលោភក្មួយស្រី អាយុ៩ឆ្នាំ ត្រូវសមត្ថកិច្ចឃាត់ខ្លួន

បានផុស

៣ years មុន

នៅ

ថ្ងៃព្រហស្បតិ៍ ៤ កុម្ភៈ ២០២១

ដោយ

ជនសង្ស័យម្នាក់ ដែលជាប់ពាក់ព័ន្ធនឹងករណី រួមភេទលើអនីតិជនអាយុក្រោម១៥ឆ្នាំ ត្រូវបានកម្លាំងការិយាល័យប្រឆាំងការជួញដូរមនុស្ស និងការពារអនីតិជនខេត្ត បញ្ជូនខ្លួនទៅកាន់សាលាដំបូងកាលពីព្រឹកថ្ងៃទី៣ ខែកុម្ភៈ ឆ្នាំ២០២១។

លោកវរសេនីយ៍ឯក ស៊ុន សុវណ្ណ អធិការនគរបាលស្រុកសង្កែ បានឲ្យដឹងថា ជនសង្ស័យដែលត្រូវបានកម្លាំងសមត្ថកិច្ចចាប់ខ្លួននេះ មានឈ្មោះ ហួត ហៃ ភេទប្រុស អាយុ៣៥ឆ្នាំ រស់នៅភូមិ រាំងក្រោល ឃុំរាំងកេសី ស្រុកសង្កែ ខេត្តបាត់ដំបង ដោយសារតែបុគ្គលរូបនេះ បានរួមភេទជាមួយអនីតិជន នៅចំណុចភូមិរាំងក្រោល ឃុំរាំងកេសី ស្រុកសង្ក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកក្មេងស្រីរងគ្រោះមានឈ្មោះ ឌ ស ក អាយុ៩ឆ្នាំ នៅភូមិឃុំជាមួយគ្នា និងត្រូវជាក្មួយថ្លៃរបស់ជនសង្ស័យផ្ទាល់តែម្តង និងរស់នៅក្បែរគ្នា ផងដែរ។ តាមចម្លើយឆ្លើយសារភាពរបស់ជនសង្ស័យ បាននិយាយថា នៅមុនពេលកើតហេតុ គឺនៅព្រឹកថ្ងៃទី២ ខែកុម្ភៈ ក្មេងស្រីដែលត្រូវជាក្មួយថ្លៃ បានដើរមកលេងជាមួយកូនរបស់ខ្លួនដូចសព្វមួយដង លុះឃើញឱកាសស្ងាត់ខ្លួនក៏បានលួងលោមក្មេងនោះ ព្រមទាំងបានចាប់ស្រាតខោ ហើយបង្ខំរួមភេទតែម្តងរហូតបានសម្រេច ប៉ុន្តែរឿងនេះត្រូវបានបែកការ ទើបក្រុមគ្រួសារក្មេងប្តឹង ក៏ត្រូវសមត្ថកិច្ចចាប់ខ្លួនតែម្តង។ បច្ចុប្បន្ន កម្លាំងការិយាល័យជំនាញ បានរៀបចំឯកសារព្រមទាំងបានបញ្ជូនខ្លួនជនល្មោភកាមរូបនោះ ទៅកាន់សាលាដំបូងខេត្តហើយ ដើម្បីផ្ដន្ទាទោសតាមផ្លូវច្បាប់ ៕