ព័ត៌មានជាតិ
ស្អែកនេះ តើបេក្ខជនរូបណានឹងឆ្លងផុត វគ្គពាក់កណ្តាលផ្តាច់ព្រ័ត្រ លើវិញ្ញាសារចាបុីដងវែង?
ក្នុងឱកាសនៃពិធីបើកមហោស្រពចាបុីដងវែង នៅរសៀលថ្ងៃទី០២ ខែតុលានេះ ក្រសួងវប្បធម៌ និងវិចិត្រសិល្បៈ បានបង្ហាញវត្តមានបេក្ខជនមកពីបណ្តារាជធានីខេត្ត ចំនួន ៥រូប ដែលបានឆ្លងកាត់ការដាក់ពិន្ទុ និងវាយតម្លៃជាបន្តបន្ទាប់ យ៉ាងសុក្រិតពីគណៈកម្មការវប្បធម៌មន្ទីររាជធានី-ខេត្ត ដែលអាចបន្តចូលរួមក្នុងការប្រកួតប្រជែង វគ្គពាក់កណ្តាលផ្តាច់ព្រ័ត្រលើវិញ្ញាសារចាបុីដងវែង ស្អែកនេះ ដោយក្នុងនោះ ក៏មានបេក្ខជនពិការភាពម្នាក់ផងដែរ។
![](https://www.kampucheathmey.com/wp-content/uploads/2023/10/ដដ-1024x682.jpg)
សម្រាប់ការប្រកួតប្រជែងលើវិញ្ញាសារចាបុីដងវែងនេះ នឹងប្រព្រឹត្តទៅវេលាម៉ោង ៣រសៀល នៅលើកទំព័រហ្វេសប៊ុកផ្លូវការរបស់ក្រសួងវប្បធម៌ផ្ទាល់ផងដែរ។
ថ្លែងក្នុងពិធីនេះដែរ លោកបណ្ឌិត ហាប់ ទូច អនុដ្ឋលេខាធិការ នៃក្រសួងវប្បធម៌ និងវិចិត្រសិល្បៈ បានថ្លែងកោតសរសើរដល់មន្ទីរវប្បធម៌រាជធានី-ខេត្ត ដែលបានខិតខំប្រឹងប្រែង ញ៉ាំងឱ្យមហោស្រពនៅថ្ងៃនេះ មានភាពអធិកអធម៌ រួមនឹងបេក្ខជនដែលចូលរួមប្រកួតផងដែរ។
![](https://www.kampucheathmey.com/wp-content/uploads/2023/10/ទុច-ហាប់-1024x682.jpg)
ឆ្លៀតក្នុងឱកាសនេះ អនុដ្ឋលេខាធិការ នៃក្រសួងវប្បធម៌ និងវិចិត្រសិល្បៈ ក៏បានលើកឡើងពីសារៈសំខាន់នៃមហោស្រពចាបុីដងវែងនេះ ថាជាការចូលរួមថែរក្សាលើកស្ទួយ អភិរក្សតម្លៃសិល្បៈ វប្បធម៌ អត្តសញាណជាតិ សំដៅរួមចំណែកអភិវឌ្ឍន៍សង្គម និងលើកកម្ពស់កិត្យានុភាពជាតិ។
លោកបណ្ឌិតបន្តថា ក្រសួងវប្បធម៌ និងវិចិត្រសិល្បៈ គាំទ្រនិងលើកទឹកចិត្ត ឱ្យគ្រប់ភាគីពាក់ព័ន្ធទាំងអស់ បង្កើតព្រឹត្តការណ៍វប្បធម៌ ឱ្យបានច្រើន ក្នុងន័យដើម្បី ថែរក្សា លើកស្ទួយ និងអភិរក្សតម្លៃសិល្បៈវប្បធម៌ប្រពៃណីជាតិ។
គួរបញ្ជាក់ថា ការរៀបចំមហាស្រពចាបុីដងវែងនេះ នឹងប្រព្រឹត្តទៅរយៈពេល ៣ថ្ងៃ ពោលគឺចាប់ពីថ្ងៃទី ០២-០៤ ក្នុងគោលបំណងដើម្បី លើកតម្លៃវប្បធម៌ជាតិ ពិសេសចាប៉ីដងវែង ដែលបានបញ្ចូលជាសម្បត្តិបេតិកភណ្ឌអរូបីនៃមនុស្សជាតិ របស់អង្គការយូណេស្កូ។
ក្រៅពីនេះ ក៏នៅមានការសម្តែងល្ខោនបាសាក់រឿង “ទោសអកតញ្ញូ” ដែលជាការខិតប្រឹងប្រែង ដោយថ្នាក់ដឹកនាំនាយកដ្ឋានសិល្បៈ លោកគ្រូ អ្នកគ្រូ និងសិល្បករ សិល្បការិនី បង្កេីត និងដំឡេីងទស្សនីយភាពបង្កប់ដោយខ្លឹមសារអប់រំ ដើម្បីសម្តែងជូនសាធារណជន នៅថ្ងៃនេះផងដែរ។៕
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៧ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៤ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព