ទោះ​ម៉ោង​១១​យប់ ខណ្ឌ​ច្បារអំពៅ នៅ​តែ​ចម្លង​សញ្ញាបត្រ​មធ្យមសិក្សា​ទុតិយភូមិ ដោយ​មិន​គិត​ថ្លៃ​ដល់​សិស្ស – Kampuchea Thmey Daily
Connect with us
Helistar Cambodia - Helicopter Charter Services

ព័ត៌មានជាតិ

ទោះ​ម៉ោង​១១​យប់ ខណ្ឌ​ច្បារអំពៅ នៅ​តែ​ចម្លង​សញ្ញាបត្រ​មធ្យមសិក្សា​ទុតិយភូមិ ដោយ​មិន​គិត​ថ្លៃ​ដល់​សិស្ស

Published

on

​​សឹង​ពេញ​មួយថ្ងៃ​រហូតដល់​ម៉ោង​១១​យប់ លោក​ ចេង មុនី​រ៉ា អភិបាល​នៃ​គ​ណៈ​អភិបាលខណ្ឌ​ច្បារអំពៅ អភិបាលរងខណ្ឌ​និង​មន្ត្រី​នៃ​ការិយាល័យ​ច្រក​ចេញចូល​តែមួយ​បាន​ចម្លង​សញ្ញាបត្រ​មធ្យមសិក្សា​ទុតិយភូមិ​ឆ្នាំ​សិក្សា​២០១៩-២០២០​ ដែល​បាន​ធ្វើ​នីត្យានុកូលកម្ម​(​ចម្លង​តាម​ច្បាប់ដើម​)​ជូន​ដល់​ប្អូនៗ​សិស្សានុសិស្ស ​ដែល​ទើប​បញ្ចប់​ថ្នាក់​ទី​១២​ ក្នុង​មូលដ្ឋាន​ខណ្ឌ​ច្បារអំពៅ​ដោយ​ឥតគិតថ្លៃ​។

​យោងតាម​ប្រភពពី​លោកស្រី ខៀវ សុភា​វី ប្រធានការិយាល័យ​ច្រកចេញ​ចូល​តែមួយ សាលា​ខណ្ឌ​ច្បារអំពៅ​ បាន​ឲ្យ​ដឹង​ថា ចាប់តាំងពី​ម៉ោង​២​រសៀល​រហូតដល់​ម៉ោង​១១​យប់​ថ្ងៃ​ទី​៣​ ខែ​កុ​ម្ភៈ​នេះ ​លោក ចេង មុនី​រ៉ា អភិបាលខណ្ឌ​ច្បារអំពៅ បាន​ដឹកនាំ​ក្រុមការងារ រួមមាន​លោក លោកស្រី អភិបាលរងខណ្ឌ លោកនាយក នាយករង​រដ្ឋបាល​សាលា​ខណ្ឌ​និង​មន្ត្រី​ការិយាល័យ​ច្រក ចេញចូល​តែមួយ បាន​យក​សញ្ញាបត្រ​មធ្យមសិក្សា​ទុតិយភូមិ​ឆ្នាំ​សិក្សា ២០១៩-២០២០ ដែល​បានធ្វើ​នីត្យានុកូលកម្ម​មក​ចម្លង​ជូន​តាម​ច្បាប់ដើម ក្នុង​សញ្ញាបត្រ​មួយ​ចំនួន​១០​សន្លឹក​ សម្រាប់​ជូន​ដល់​សិស្សានុសិស្ស​ ដែល​ទើប​បញ្ចប់​ថ្នាក់​ទី​១២​ក្នុង​វិទ្យាល័យ​ទាំង​៤​ក្នុង​មូលដ្ឋាន​ខណ្ឌ​ច្បារអំពៅ​រាជធានី​ភ្នំពេញ ​ដើម្បី​ងាយស្រួល​ដល់​ប្អូនៗ​យកទៅ​ប្រើប្រាស់​តាម​តម្រូវ​ដោយ​មិនចាំបាច់​មក​ធ្វើ​ច្បាប់​ចម្លង​នៅ​ការិយាល័យ​ច្រកចេញចូល​តែមួយ​នៃ​សាលា​ខណ្ឌ​ច្បារអំពៅ​ ដោយ​មិនបាច់​ចំណាយ​ប្រាក់​ទៀត​ផង​។

​លោកស្រី​ប្រធានការិយាល័យ​ច្រកចេញចូលតែមួយ​ បាន​ឲ្យ​ដឹង​ថា ​មូលហេតុ​ដែល​លោក​អភិបាលខណ្ឌ​ច្បារអំពៅ​ខិតខំ​ធ្វើ​ច្បាប់​ចម្លង​ជូន​ដល់​ប្អូនៗ​សិស្សានុសិស្ស​ទាំង​យប់​នេះ ​គឺ​សម្រាប់​ផ្តល់ជូន​ដល់​សិស្ស​នា​ព្រឹក​ថ្ងៃទី​៤​ខែ​កុ​ម្ភៈ​នេះ​ឲ្យ​បាន​គ្រប់គ្នា​។ ​ក្នុង​នោះ​ គឺ​វិទ្យាល័យ​ច្បារអំពៅ​ គឺ​មាន​ច្បាប់ដើម​៤៥៥​និង​ធ្វើ​ជូន​ចំនួន​១០​សន្លឹក​ស្មើ​និង​៤៥៥០​សន្លឹក​។​ វិទ្យាល័យ​ព្រែក​ឯង​ច្បាប់ដើម​មាន​១៧២​ បាន​ចម្លង​ជូន​១០​សន្លឹក​ស្មើ​និង​១៧២០​សន្លឹក​។​ វិទ្យាល័យ​ព្រែក​ថ្មី​ច្បាប់ដើម​ចំនួន​៥២​ បាន​ចម្លងជូន​១០​សន្លឹក​ស្មើ​និង​៥២០​សន្លឹក​។​ ដោយឡែក​សាលា​ពុទ្ធិ​កះ​សា​មណះ​សិស្ស​ច្បាប់ដើម​មាន​៤៧​ ចម្លងជូន​១០​សន្លឹក​ស្មើ​និង​១៨៨​សន្លឹក​។

​តាងនាម​ឲ្យ​សិស្សានុសិស្ស​និង​អាណាព្យាបាល​សិស្ស ​ក្នុង​មូលដ្ឋាន​ខណ្ឌ​ច្បារអំពៅ​ បាន​សំដែង​នូវ​ការ​អរគុណ​ដល់​លោក ​ចេង មុនី​រ៉ា អភិបាល​នៃ​គ​ណៈ​អភិបាលខណ្ឌ​ច្បារអំពៅ​ ដែល​ខិតខំ​ធ្វើ​ច្បាប់​ចម្លង​សញ្ញាបត្រ​មធ្យមសិក្សា​ទុតិយភូមិ​ជូន​ដល់​សិស្ស​ដោយ​មិន​គិត​ថ្លៃ​ហើយ​យក​មក​ប្រគល់​ដល់​ដៃ​សិស្ស​ ដែល​ទើប​បញ្ចប់​ថ្នាក់​ទី​១២​បាន​គ្រប់ៗ​គ្នា​ ដើម្បី​យក​ទៅ​ប្រើប្រាស់​តាម​ផ្លូវ​ច្បាប់​៕

អត្ថបទ៖ ​ន​រា

សូមចុចអាន៖ ​ក្រសួង​អប់រំ​ប្រកាសឱ្យ​មាតាបិតាសិស្ស រាយការណ៍ផ្ទាល់ទៅគណៈគ្រប់គ្រងសាលាពេលមានភាពមិនប្រក្រតី

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services