ព័ត៌មានជាតិ
ក្រសួងអប់រំប្រកាសឱ្យមាតាបិតាសិស្ស រាយការណ៍ផ្ទាល់ទៅគណៈគ្រប់គ្រងសាលាពេលមានភាពមិនប្រក្រតី
អាណាព្យាបាល និងមាតាបិតាសិស្សអាចរាយការណ៍ផ្ទាល់ ទៅគណៈគ្រប់គ្រងសាលារៀនដើម្បីដោះស្រាយបញ្ហាផ្សេងៗ ពេលមានភាពមិនប្រក្រតីកើតឡើងនៅក្នុងសាលា។ លោក រស់ សុវាចា អ្នកនាំពាក្យ ក្រសួងអប់រំយុវជននិងកីឡាបានឲ្យដឹងនៅព្រឹកថ្ងៃទី៤កម្ភៈនេះថា«ជាទូទៅមាតាបិតាអាចរាយការណ៍ផ្ទាល់ ជួនដល់គណៈគ្រប់គ្រងគ្រឹះស្ថានសិក្សា ដើម្បីដោះស្រាយករណីមិនប្រក្រតីនៅក្នុងសាលានីមួយៗ»។
លោកបានបន្តថា ក្រៅពីនេះមន្ទីរអប់រំយុវជន និងកីឡានៅតាម២៥ខេត្តរាជធានី ជាសេនាធិការរបស់ក្រសួងអប់រំយុវជននិងកីឡា ដើម្បីអន្តរាគមន៍ ដោះស្រាយករណីមិនប្រក្រតីនានាដែលអាចកើតឡើងជាយថាហេតុនៅតាមគ្រឹះស្ថានសិក្សា ។
ការណែនាំរបស់អ្នកនាំពាក្យក្រសួងអប់រំនេះបានធ្វើឡើង បន្ទាប់ពីថ្មីៗនេះ មានមាតាបិតាសិស្សមួយចំនួនបានបង្ហោះនៅតាមហ្វេប៊ុកទាក់ទិន នឹងសកម្មភាពគ្រូបង្រៀនម្នាក់នៅសាលាបឋមសិក្សាសន្ធរម៉ុក ទារលុយពីសិស្សនិងត្រូវបានមន្ទីរអប់រំដាក់ពិន័យផ្លាស់ទៅបង្រៀននៅសាលាបឋមសិក្សាសែនសុខវិញ។
លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡារាជធានីភ្នំពេញបានធ្វើការព្រមានបន្តចាត់វិធានការតាមរដ្ឋបាលចំពោះគ្រូដែលដើរប្រមូលលុយសិស្សក្នុងម៉ោងរដ្ឋខុសគោលការណ៍នៅតាមសាលាដើម្បីលើកកម្ពស់សេចក្តីថ្លៃថ្នូររបស់គ្រូបង្រៀន។
លោកបានបញ្ជាក់ថា មន្ទីរនៅតែមានវិធានការរដ្ឋបាលក្នុងករណីរកឃើញគ្រូបង្រៀនណាម្នាក់ប្រមូលលុយសិស្សក្រៅគោលការណ៍ដែលផ្ទុយពីការណែនាំរបស់ក្រសួង។ជាក់ស្តែងគ្រូបឋមសិក្សាសន្ធរម៉ុកត្រូវទទួលពិន័យរដ្ឋបាលដោយផ្លាស់ទៅបង្រៀននៅសាលាឋមសិក្សាសែនសុខ។
លោកបានអំពាវនាវឲ្យគ្រប់ភាគីពាក់ព័ន្ធទាំងអស់រួមត្រូវចូលរួមទាំងអស់គ្នាក្នុងការលប់បំបាត់សកម្មភាពការប្រមូលលុយសិស្សក្នុងម៉ោងសិក្សាពិសេសការចូលរួមពីគណៈគ្រប់គ្រងសាលាតែម្តង៕
សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)