Connect with us

ព័ត៌មានជាតិ

អ្នកនាំពាក្យ ៖ រោងចក្ររងគ្រោះដោយជំនន់ទឹកភ្លៀងដំណើរការធម្មតាឡើងវិញ ក្រោយទឹកស្រក

បានផុស

នៅ

លោក កត្តា អ៊ន រដ្ឋលេខាធិការ និង​ជា​អ្នកនាំពាក្យ​ក្រសួង​ការងារ និង​បណ្ដុះបណ្ដាល​វិជ្ជាជីវៈ បាន​មាន​ប្រសាសន៍​នៅ​រសៀល​ថ្ងៃ​ទី ២១ តុលា​នេះ​ថា រោងចក្រ សហគ្រាស ១៧ រងគ្រោះ​ដោយ​ជំនន់​ទឹកភ្លៀង ប៉ះពាល់​កម្មករ​និយោជិត​ជិត ៨ ពាន់​នាក់ ភាគច្រើន​បាន​ដំណើរការ​ឡើងវិញ​ហើយ​ក្រោយ​ពី​ទឹក​ស្រក នៅសល់​រោងចក្រ​មួយ​ចំនួន​តូច​ប៉ុណ្ណោះ​បន្ត​ផ្អាក​ដំណើរការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​បាន​បន្ត​ថា គិត​ត្រឹម​ល្ងាច​ថ្ងៃ​ទី ២០ តុលា មាន​រោងចក្រ​ចំនួន ១៣ ក្នុង​ចំណោម​រោងចក្រ ១៧ ដែល​រងគ្រោះ​ដោយ​ជំនន់​ទឹកភ្លៀង បាន​បើក​ដំណើរការ​ធម្មតា​ឡើងវិញ បន្ទាប់ពី​ទឹក​ស្រក​អស់។

ក្នុង​នោះ​រោងចក្រ​នៅ​រាជធានី​ភ្នំពេញ​ចំនួន ៤ នៅ​ស្រុក​គងពិសី​ខេត្ត​កំពង់ស្ពឺ​ចំនួន ៨ និង ១ រោងចក្រ នៅ​ស្រុក​បាទី​ខេត្ត​តាកែវ​។ ចំណែក ៤ រោងចក្រ​ទៀត នៅ​មិនទាន់​ដំណើរការ​នៅឡើយ​ទេ តែ​នឹង​បើក​ធម្មតា​ឡើងវិញ​នាពេល​ឆាប់ៗ​នេះ​ដូចជា​រោងចក្រ​ចំនួន ២ មាន​កម្មករ​និយោជិត​សរុប ១៧០៥ នាក់ ស្រី ១២៣០ នាក់ នៅ​ស្រុក​គងពិសី ខេត្ត​កំពង់ស្ពឺ ស្ថិត​ក្នុង​ការ​ព្យួរ​កិច្ចសន្យា និង​រង​គ្រោះ​ដោយ​ជំនន់​ទឹកភ្លៀង​ទឹកបាន​ស្រក​អស់ហើយ គ្រោង​នឹង​បើក​ដំណើរការ​វិញ​នៅ​ថ្ងៃ​ទី ១១ និង​ថ្ងៃ​ទី ២០ ខែ​វិច្ឆិកា ឆ្នាំ ២០២៣ ក្រោយ​បញ្ចប់​ព្យួរ​កិច្ចសន្យាការងារ។ រីឯ​រោងចក្រ​ចំនួន ២ ទៀត នៅ​ស្រុក​បាទី ខេត្ត​តាកែវ នឹង​បើក​នៅ​ថ្ងៃ​ទី ២៣ តុលា ដើម​សប្ដាហ៍​ក្រោយនេះ។

លោក​បាន​បញ្ជាក់​ថា ជំនន់​ទឹកភ្លៀង​ថ្មីៗ​នេះ​បាន​បណ្តាល​ឲ្យ​រោងចក្រ​សហគ្រាស​ចំនួន ១៧ ទឹក​លិច មាន​កម្មករ​និយោជិត​សរុប ៧៧២០ នាក់ ស្រី ៥០០៦ នាក់ ក្នុង​នោះ​រាជធានី​ភ្នំពេញ​មាន ៤ រោងចក្រ ខេត្ត​កំពង់ស្ពឺ​មាន ១០ រោងចក្រ និង​ខេត្ត​តាកែវ​មាន ៣ រោងចក្រ។

នាយកដ្ឋាន​អធិការកិច្ច​ការងារ នឹង​បន្ត​សហការ​ជាមួយ​មន្ទីរ​ការងារ និង​បណ្ដុះបណ្ដាល​វិជ្ជាជីវៈ និង​អង្គភាព​ពាក់ព័ន្ធ ដើម្បី​បន្ត​តាមដាន​ស្ថានភាព​ទឹកជំនន់ និង​ចាត់វិធានការ​ណែនាំ​បង្ការ​មុន​ការ​បើក​ដំណើរការ​សហគ្រាស គ្រឹះស្ថាន​ឡើងវិញ ស្របតាម​វិធានការ​សុវត្ថិភាព និង​សុខភាព​ការងារ​សម្រាប់​កម្មករ​និយោជិត ​ករណី​មាន​គ្រោះ​ជំនន់​ទឹកភ្លៀង៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម