ធនាគារជាតិ​បាន​បណ្តុះបណ្តាល​ជំនាញ​ផ្នែក​ត្រួតពិនិត្យ​ធនាគារ​ដល់​មន្ត្រី​និង​បុគ្គលិក​ជាង​៣០០នាក់
Connect with us
Helistar Cambodia - Helicopter Charter Services

ព័ត៌មានជាតិ

ធនាគារជាតិ​បាន​បណ្តុះបណ្តាល​ជំនាញ​ផ្នែក​ត្រួតពិនិត្យ​ធនាគារ​ដល់​មន្ត្រី​និង​បុគ្គលិក​ជាង​៣០០នាក់

Published

on

​ភ្នំពេញ ​៖ ​លោក ជា ចាន់តូ ទេសាភិបាល ធនាគារជាតិ​នៃ​កម្ពុជា​បាន​មានប្រសាសន៍ថា​ចាប់តាំងពី​ឆ្នាំ​២០១៥​មក​រហូតដល់​បច្ចុប្បន្ន​នេះ​មាន​មន្ត្រី​-​បុគ្គលិក​ធនាគារជាតិ​នៃ​កម្ពុជា​សរុប​ចំនួន ៣០៣​រូប បាន​ចូលរួម​វគ្គ​សិក្សា​NBC-FSI Connect លើ​ជំនាញ​ផ្នែក​ត្រួតពិនិត្យ​ធនាគារ​ក្នុងនោះ​សិក្ខាកាម ១១៦​រូប​បានបញ្ចប់​ការសិក្សា​កម្រិត​បឋម​, ៤១​រូប​បានបញ្ចប់​កម្រិត​មធ្យម និង​៣៦​រូប​បានបញ្ចប់​កម្រិត​ខ្ពស់។

ថ្លែង​នៅក្នុង​ពិធី​សំណេះសំណាល​ជាមួយ​សិក្ខាកាម​កម្មវិធី​បណ្តុះបណ្តាល NBC-FSI Connect ដែល​បាន​បញ្ចប់​វគ្គ​សិក្សា​កម្រិត​ខ្ពស់​នៅ​ថ្ងៃទី​៩ ខែកុម្ភៈ លោក ជា ចាន់តូ បាន​បន្ថែមថា ​វគ្គ​សិក្សា NBC-FSI Connect នេះ​ជា​វគ្គ​បណ្តុះបណ្តាល​តាម​ប្រព័ន្ធ​អន​ឡាញ​របស់​វិទ្យាស្ថាន​ស្ថិរភាព​ហិរញ្ញវត្ថុ​អន្តរជាតិ​នៃ​ធនាគារ​សម្រាប់​ការ​ទូទាត់​អន្តរជាតិ (BIS) ក្នុង​កម្មវិធី​អភិវឌ្ឍន៍​សមត្ថភាព​ធ​ន​ធាន​មនុស្ស ផ្នែក​ត្រួតពិនិត្យ​ធនាគារ​។

លោក​បាន​បញ្ជាក់​ថា ​វគ្គ​បណ្តុះបណ្តាល​នេះ​ធ្វើឡើង​ក្នុង​គោលបំណង​ធ្វើ​ឯកទេសកម្ម​ផ្នែក​ត្រួតពិនិត្យ​ធនាគារ ដើម្បី​ឆ្លើយតប​ទៅតាម​ការប្រែប្រួល​នៃ​និម្មាបនកម្ម​ហិរញ្ញវត្ថុ​និង​និយាម​អន្តរជាតិ និង​សម័យកាល​រីកចម្រើន​នៃ​ប្រព័ន្ធ​ធនាគារ​នាពេល​បច្ចុប្បន្ន​។

លោក​ទេសាភិបាល បាន​លើកឡើង​ថា​« ការរៀនសូត្រ​ទ្រឹស្តី​គឺជា​ត្រីវិស័យ​មួយ​សម្រាប់​ការអនុវត្ត​ការងារ​ជាក់ស្តែង ហើយ​ទ្រឹស្តី​និង​ការអនុវត្ត​ជាក់ស្តែង​ត្រូវ​ដើរ​ទន្ទឹមគ្នា ដើម្បី​អាច​សម្រេចបាន​ការងារ​ប្រកបដោយ​ប្រសិទ្ធភាព​»​។

លោក​ទេសាភិបាល ក៏​មានមតិ​ផ្តាំផ្ញើ​ដល់​សិក្ខាកាម​ទាំងអស់​ឱ្យ​បន្ត​ខិតខំ​រៀន​សូត្រ អភិវឌ្ឍ​ជំនាញ តាមរយៈ​ការ​ស្វ័យ​សិក្សា​ស្រាវជ្រាវ ដកស្រង់​និង​ផ្លាស់ប្តូរ​បទពិសោធន៍​ជាមួយ​រៀមច្បង ឬ​តាមរយៈ​កម្មវិធី​បណ្តុះបណ្តាល​ផ្សេងៗ ព្រមទាំង​ប្រើប្រាស់​ជំនាញ​នេះ​ឱ្យចំ​ទិសដៅ​និង​មាន​ប្រសិទ្ធភាព ប្រកបដោយ​ក្រមសីលធម៌​វិជ្ជាជីវៈ​។

គួរ​រំលឹក​ថា នេះ​គឺជា​លើក​ទី​១ ហើយ​ដែល​ធនាគារជាតិ​នៃ​កម្ពុជា​បាន​រៀបចំ​ពិធី​សំណេះសំណាល​ជាមួយ​សិក្ខាកាម​កម្មវិធី​បណ្តុះបណ្តាល NBC-FSI Connect ដែល​បាន​បញ្ចប់​កម្រិត​ខ្ពស់​ចំនួន​៣៦​រូប ក្នុងនោះ​ស្នាក់ការ​កណ្តាល​មាន ២៩​រូប និង​សាខា​រាជធានី​-​ខេត្ត ៧​រូប​៕

ដោយ ៖ សំអឿន

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ2 hours ago

អភិបាល​រាជធានី សម្រេច​ប្រគល់​ថវិកា​ដល់​គោលដៅ​សុវត្ថិភាព​ចំនួន​៨១​នៅ​រាជធានី​ភ្នំពេញ ដើម្បី​ទប់ស្កាត់​កូ​វីដ​-១៩

ព័ត៌មានជាតិ2 hours ago

ខេត្តបាត់ដំបង​ទទួល​បាន​វ៉ាក់សាំង​កូ​វីដ​១៩​ជិត​១​ម៉ឺន​ដូ​ស​ សម្រាប់​ចាប់​ដល់​មន្ត្រី​ពេទ្យ​និង​មន្ត្រីនគរបាល

ព័ត៌មានជាតិ3 hours ago

គិត​ត្រឹម​ថ្ងៃទី​២៥​នេះ ​ខេត្ត​ព្រះសីហនុ​មាន​អ្នក​ឆ្លង​កូ​វីដ​៨​នាក់ ​និង ​យក​សំណាក​ទៅ​ធ្វើ​តេស្ត​ជាង​១៥០០​នាក់

ព័ត៌មានជាតិ5 hours ago

អតីត​យុទ្ធជន​គ្រប់​រាជធានី​ខេត្ត​បើក​នូវ​របប​សន្តិសុខ​សង្គម​ជា​លើក​ទី​២​តាម​ធានា​គារ​អេ​ស៊ី​លីដា និង​កា​ណា​ឌី​ពីថ្ងៃ​នេះ​ទៅ

ព័ត៌មានជាតិ5 hours ago

ស្ថានទូត​ខ្មែរ និង​សម្ព័ន្ធ​ហិរញ្ញវត្ថុ DGB កូរ៉េ ចុះ​អនុស្សរណៈ​យោគយល់ ដើម្បី​ជំរុញ​វិនិយោគ​បន្ថែម​នៅ​កម្ពុជា

Sokha Hotels

ព័ត៌មានពេញនិយម

Helistar Cambodia - Helicopter Charter Services