Connect with us

ព័ត៌មានជាតិ

​មេ​ក្រុមហ៊ុន​ដឹកជញ្ជូន​ដ៏​ធំមួយ​របស់​បារាំង​មាន​កប៉ាល់ជាង ៦០០ ជួបលោក ស៊ុន ចាន់ថុលពិភាក្សា​ការងារ

បានផុស

នៅ

លោក ស៊ុន ចាន់ថុល ឧបនាយករដ្ឋមន្ត្រីបានទទួលជួបពិភាក្សាការងារ​ជាមួយ​លោក Rodolphe SAADE ប្រធានក្រុមប្រឹក្សាភិបាលក្រុមហ៊ុន CMA CGM នៅ​ទីក្រុង​ប៉ារីស ខណៈ​ដែលលោក​អមដំណើរ​សម្តេច​ធិបតី ហ៊ុន ម៉ាណែត ទស្សនកិច្ច​នៅ​ប្រទេស​បារាំង​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុន CMA CGM ជា​ក្រុមហ៊ុន​ដឹកជញ្ជូនទំនិញ​ដ៏​ធំមានមូលដ្ឋាននៅប្រទេស​បារាំង ដែល​មានការិយាល័យច្រើនជាង ៤០០ និង​កំពុងធ្វើប្រតិបត្តិការក្នុងប្រទេសចំនួនច្រើនជាង ១៦០ ទូទាំងពិភពលោក។ ក្រុមហ៊ុនមានកប៉ាល់សម្រាប់​​ដឹកជញ្ជូនច្រើនជាង ៦២៣ កប៉ាល់ ដែលបានប្រើប្រាស់នៅកំពង់ផែពាណិជ្ជកម្មចំនួន ៤២០ ក្នុងពិភពលោក។

ក្រុមហ៊ុនក៏មានយន្តហោះដឹកទំនិញចំនួន ៦ រួមមាន៖ Airbus A330-200F ចំនួន ០៤ និង Boeing 777 ចំនួន ០២។ ទន្ទឹមនឹងនេះ ក្រុមហ៊ុនក៏បានបញ្ជាទិញនូវ Airbus A350F ចំនួន ០៤ បន្ថែមផងដែរ។

ខណៈជួបពិភាក្សាការងារជាមួយ​មន្រ្តីជាន់ខ្ពស់កម្ពុជា លោក Rodolphe SAADE បាន​លើកឡើង​អំពីគម្រោងពង្រីកការវិនិយោគរបស់ខ្លួនបន្ថែមទៀតនៅក្នុងប្រទេសកម្ពុជា។

ជាការឆ្លើយតប លោក​ឧបនាយករដ្ឋមន្ត្រីបាន​ស្វាគមន៍ចំពោះបំណងរបស់ក្រុមហ៊ុន ក្នុងការពង្រីកការវិនិយោគបន្ថែមនៅកម្ពុជា ព្រមទាំងបានលើកទឹកចិត្តឱ្យក្រុមហ៊ុនសហការជាមួយគ្រប់ភាគីពាក់ព័ន្ធ។

លោក​ ស៊ុន ចាន់ថុល ក៏​បាន​បញ្ជាក់អំពីការ​ប្តេជ្ញាចិត្តរបស់រាជរដ្ឋាភិបាលនៅក្នុងការធានានូវបរិយាកាសនិងការសម្របសម្រួលដល់វិនិយោគិន​ទាំងអស់ឱ្យទទួលបានភាពកក់ក្តៅនិងទំនុកចិត្តខ្ពស់ក្នុងការវិនិយោគ​នៅ​ប្រទេស​កម្ពុជា។

ក្រុមហ៊ុន CMA CGM ជា​ក្រុមហ៊ុន​ដឹកជញ្ជូនទំនិញ​ដ៏​ធំមួយរបស់ពិភពលោក ដែល​សេវាកម្មសំខាន់ៗរបស់ក្រុមហ៊ុនមានដូចជា សេវាដឹកជញ្ជូនទំនិញ, សេវាភស្តុភារកម្ម (end-to-end logistics), សេវាតាមដានដំណើរការដឹកជញ្ជូន និងការរៀបចំទុកដាក់ទំនិញ និង​មានជំនាញពាក់ព័ន្ធនឹងកុងតឺន័រសម្រាប់​ដឹកទំនិញគ្រប់ប្រភេទ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២២ នាទី មុន

អ្នកវិទ្យាសាស្រ្តរកឃើញថ្នាំ ជួយអ្នកខ្ជិលហាត់ប្រាណ ឲ្យឡើងសាច់ដុំដូចគេដូចឯង

ព័ត៌មានជាតិ២៩ នាទី មុន

រដ្ឋបាលខេត្តបាត់ដំបងត្រៀមរៀបចំព្រឹត្តិការណ៍សង្ក្រាន្តរយៈពេល ៥ ថ្ងៃ

ព័ត៌មានអន្ដរជាតិ៦ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ១០ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១០ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

Sokha Hotels

ព័ត៌មានពេញនិយម