ព័ត៌មានជាតិ

ចំពោះមុខប្រធានាធិបតីបារាំង មេដឹកនាំកម្ពុជាអះអាងមិនអភិវឌ្ឍរោងចក្រអគ្គិសនីដើរដោយធ្យូងថ្ម និងវារីអគ្គិសនីលើតួទន្លេមេគង្គ

បានផុស

២ years មុន

នៅ

ថ្ងៃសៅរ៍ ២០ មករា ២០២៤

ដោយ

បញ្ជាក់នៅចំពោះមុខមេដឹកនាំបារាំង នាយករដ្ឋមន្រ្តីកម្ពុជាបានប្រកាសថា កម្ពុជានឹងមិនអភិវឌ្ឍរោងចក្រអគ្គិសនីដើរដោយធ្យូងថ្ម និងវារីអគ្គិសនីលើតួទន្លេមេគង្គឡើយ។

ការថ្លែងបែបនេះ ខណៈប្រមុខដឹកនាំកម្ពុជាសម្តេចធិបតី ហ៊ុន ម៉ាណែត បានជួបពិភាក្សាការងារជាមួយប្រធានាធិបតីនៃសាធារណរដ្ឋបារាំងលោក អេម៉ានុយអែល ម៉ាក្រុង នៅថ្ងៃទី ១៨ ខែមករា ឆ្នាំ ២០២៤ ក្នុងឱកាសនៃដំណើរទស្សនកិច្ចនៅប្រទេសបារាំង។

ក្រៅពីប្រកាសប្តេជ្ញាមិនអភិវឌ្ឍវារីអគ្គិសនីនៅលើតួទន្លេមេគង្គ និងរោងចក្រអគ្គិសនីដើរដោយធ្យូងថ្ម ប្រមុខដឹកនាំកម្ពុជាក៏បានលើកឡើងបន្ថែមថា កម្ពុជានឹងចូលរួមក្នុងសន្ធិសញ្ញាទីក្រុងប៉ារីសសម្រាប់មនុស្សនិងភពផែនដី។ ជាមួយគ្នានេះក៏នឹងព្រមព្រៀងធ្វើការរួមគ្នាជាមួយភាគីបារាំង ក្នុងការរៀបចំសន្និសីទអង្គការសហប្រជាជាតិស្ដីពីមហាសមុទ្រដែលនឹងប្រព្រឹត្តទៅនៅទីក្រុងនីស ប្រទេសបារាំង នៅឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការឆ្លើយតប មេដឹកនាំបារាំងបានស្វាគមន៍ចំពោះការប្តេជ្ញាចិត្តយ៉ាងមុតមាំរបស់កម្ពុជា។ មេដឹកនាំបារាំងក៏បានរំលឹកឡើងវិញនូវការត្រៀមខ្លួនជានិច្ចក្នុងការជួយជ្រោមជ្រែងកម្ពុជា លើកិច្ចខិតខំប្រឹងប្រែងដើម្បីចងភ្ជាប់ការអភិវឌ្ឍសេដ្ឋកិច្ចយ៉ាងឆាប់រហ័សទៅនឹងអន្តរកាលថាមពល ព្រមទាំងបានលើកឡើងពីតួនាទីរបស់ទីភ្នាក់ងារអភិវឌ្ឍន៍បារាំងដែលស្តែងចេញតាមរយៈការចុះហត្ថលេខា កិច្ចព្រមព្រៀងចំនួន ៣ គិតជាទឹកប្រាក់សរុបចំនួន ២១៥ លានអឺរ៉ូ៕

Related Topics: