ព័ត៌មានជាតិ
ហេតុផល៣យ៉ាងដែលអ្នកជំនាញជំរុញឲ្យពលរដ្ឋប្រើប្រាស់ស្រោមអនាម័យ
លោក វេជ្ជបណ្ឌិត ឈឹម សារ៉ាត់ នាយកប្រចាំតំបន់អាស៊ីអង្គការមូលនិធិថែទាំសុខភាពអ្នកជំងឺអេដស៍((AHF)បានមានប្រសាសន៍ថា ការប្រើប្រាស់ស្រោមអនាម័យជាជម្រើសដ៏ល្អបំផុតសម្រាប់ជីវិតរស់នៅប្រចាំថ្ងៃព្រោះថា ស្រោមអនាម័យមានសារៈប្រយោជន៍ចំបងសម្រាប់ការពារខ្លួនពីការចម្លងកាមរោគ មេរោគអេដស៍ និងការពារការមានផ្ទៃពោះដោយមិនបានគ្រោងទុក។
ថ្លែងក្នុងទិវាស្រោមអនាម័យអន្តរជាតិ ឆ្នាំ២០២១” លោក វេជ្ជបណ្ឌិត ឈឹម សារ៉ាត់ បានបន្តថា បើទោះបីជាស្ថានភាពការឆ្លងជំងឺអេដស៍នៅកម្ពុជាមានការថយចុះក្តី ក៏ប្រជាពលរដ្ឋមិនត្រូវមានការធ្វេសប្រហែសឡើយ ព្រោះជំងឺអេដស៍នៅមិនទាន់ចប់នៅឡើយទេ ពោលគឺវាអាចចម្លងបានគ្រប់ពេលវេលា ហើយវិធានការតែមួយគត់ក្នុងការការពារជំងឺនេះ គឺការប្រើស្រោមអនាម័យឲ្យបានត្រឹមត្រូវ និង១០០ភាគរយជាមួយដៃគូខាងក្រៅ។
លោកបានបន្ថែមថា «ស្រោមអនាម័យមិនត្រឹមតែអាចជួយការពារពីការឆ្លងជំងឺកាមរោគនិងជំងឺអេដស៍ប៉ុណ្ណោះទេ វាក៏អាចជួយការពារការមានផ្ទៃពោះដោយមិនបានគ្រោងទុក ឬបំណងប្រាថ្នាផងដែរ»។
ដើម្បីបំផុសការប្រើប្រាស់ស្រោមអនាម័យនេះ អង្គការមូលនិធិថែទាំសុខភាពអ្នកជំងឺអេដស៍((AHF)តែងតែប្រារព្ធទិវាស្រោមអនាម័យនេះជារៀងរាល់ឆ្នាំ។ ជាក់ស្តែងទិវាស្រោមអនាម័យអន្តរជាតិ ឆ្នាំ២០២១”ធ្វើឡើងក្រោមប្រធានបទ«តែងតែទាន់សម័យ» ជាមួយស្រោមអនាម័យដោយផ្សារភ្ជាប់ជាមួយនឹងទិវានៃក្តីស្រឡាញ់ជារៀងរាល់ឆ្នាំ។
លោក វេជ្ជបណ្ឌិត ឈឹម សារា់ត់ បានឲ្យដឹងថា អង្គការមូលនិធិថែទាំសុខភាពអ្នកជំងឺអេដស៍(AHF)បានរៀបចំទិវាស្រោមអនាម័យអន្តរជាតិចាប់តាំងពីឆ្នាំ២០០៨ដើម្បីក្រើនរំលឹកដល់គ្រប់ៗគ្នាពីសារៈសំខាន់នៃការទទួលស្រោមអនាម័យបានដោយឥតគិតថ្លៃ និងតាមតម្រូវការព្រោះថាស្រោមអនាម័យជាជម្រើសដ៏ល្អសម្រាប់ការពារខ្លួនពីការចម្លងកាមរោគនិង មេរោគអេដស៍។ ជាងនេះទៀត ចង់ឲ្យប្រសិទ្ធភាពនៃការទទួលបានស្រោមអនាម័យកាន់តែប្រសើរឡើងជុំវិញពិភពលោក ក្នុងការជួយការពារពីការឆ្លងមេរោគអេដស៍ និងជំងឺកាមរោគផ្សេងៗ ក៏ដូចជាលើកកម្ពស់ដល់ការរស់នៅប្រកបដោយសុខភាពល្អ។
លោកបានបន្តទៀតថា ការប្រារព្ធទិវានេះ ក្រុមការងាររបស់ AHFដែលមានទីតាំងនៅបណ្តាប្រទេសផ្សេងៗទូទាំងសកលោក ក៏បានរៀបចំព្រឹត្តិការណ៍កម្សាន្តសប្បាយ និងការអប់រំផ្សេងៗជាច្រើនតាមបណ្តាញសង្គម និងដោយផ្ទាល់ដើម្បីផ្សព្វផ្សាយពីសារៈសំខាន់នៃស្រោមអនាម័យដែលអាចទទួលបានគ្រប់ៗគ្នា។
លោកបានបញ្ជាក់ថា «កូវីដ ១៩ បន្តការប៉ះពាល់ក្នុងការទទួលស្រោមអនាម័យ ក៏ប៉ុន្តែប្រធានបទ«តែងតែទាន់សម័យជាមួយស្រោមអនាម័យនៅប្រទេសកម្ពុជា»សម្រាប់ទិវាស្រោមអនាម័យអន្តរជាតិឆ្នាំ២០២១ជារឿងដ៏សាមញ្ញដែលអាចទទួលយកបាន និងការខិតខំដើម្បីឲ្យមានស្រោមអនាម័យគ្រប់ទីកន្លែងទាំងអស់ យើងប្រឹងប្រែងឲ្យប្រជាជនទូទៅបានយល់ថាស្រោមអនាម័យជាជម្រើសដ៏ល្អបំផុតសម្រាប់ជីវិតរស់នៅ ហើយយើងកំពុងធ្វើការងារគ្រប់យ៉ាងដើម្បីធានាថាស្រោមអនាម័យមានគ្រប់គ្រាន់ និងងាយស្រួលទទួលបានតាមតម្រូវការរបស់មនុស្សទាំងសកល»។
លោកបានបន្ថែមទៀតថា«ការបិទប្រទេស និងការរឹតត្បិតដោយសារតែមេរោគកូវីដ១៩នៅតែបន្តគំរាមកំហែងចំពោះការទទួលបានស្រោមអនាម័យជាពិសេសប្រទេសជាច្រើនដែលអស់ស្រោមអនាម័យពីស្តុក និងមានឧបសគ្គជាច្រើនដែលធ្វើឲ្យមានការលំបាកដល់ប្រជាជនទទួលស្រោមអនាម័យ»។
លោក Michael Weinstein ប្រមុខដឹកនាំអង្គការ AHFទូទាំងសកលលោកបានឱ្យដឹងដែរថា «យើងតែតែចាត់ទុកស្រោមអនាម័យនៅក្នុងបញ្ជីអាទិភាពរបស់យើង»។
លោកបានបន្តថា ទិវាស្រោមអនាម័យអន្តរជាតិផ្ដល់ឲ្យនូវវេទិកាមួយដើម្បីអំពាវនាវដល់រដ្ឋាភិបាលនិងស្ថាប័នសុខភាពសាធារណៈ ដើម្បីធានាថា ប្រជាជនមានឧបករណ៍ដើម្បីការពារខ្លួននិងមនុស្សជាទីស្រឡាញ់របស់ពួកគេដែលជាពិសេសបំផុតនៅពេលដែលយើងនៅតែឃើញមានការឆ្លងមេរោគអេដស៍ថ្មីចំនួន១.៧លាននាក់ជារៀងរាល់ឆ្នាំ៕
អត្ថបទ ៖ សំអឿន
អ្នកភ្នំពេញរស់នៅតំបន់ផ្ទុះកូវីដ១៩ចង់ទៅខេត្តកោះកុងត្រូវយកសំណាកនិងធ្វើចត្តាឡីស័ក១៤ថ្ងៃសិន
លោក ជិន ម៉ាលីន ពន្យល់៣ចំណុចអំពីទិដ្ឋភាពច្បាប់ និងនីតិវិធីតុលាការ ពាក់ព័ន្ធព្រឹត្តិការណ៏៩ វិច្ឆិកា
រកឃើញអ្នកពាក់ព័ន្ធជាង១៥០នាក់ជាមួយជនជាតិចិន២នាក់ ឆ្លងកូវីដ១៩នៅខេត្តកោះកុង
ចាប់ពិន័យបុរសពីរនាក់ នៅខេត្តព្រះសីហនុម្នាក់២លានរៀល ដោយសារបំពានវិធានការចត្តាឡីស័ក
បេក្ខនារីវគ្គផ្ដាច់ព្រ័ត្រនៃកម្មវិធីពានរង្វាន់ពលរដ្ឋគំរូ Smart ៖ កុមារគ្រប់រូបមានសិទ្ធិស្មើគ្នាក្នុងការទទួលបានការអប់រំប្រកបដោយគុណភាព
(មានសំឡេង) ខ្ញុំឃើញភ្ញៀវរត់ចេញប្រសាច ស្ថានការណ៍ក្លាយជាច្របូកច្របល់ ពួកយើងភាន់ភាំង…
ដំណឹងដ៏រំភើប! កម្ពុជា នឹងទទួលបានវ៉ាក់សាំងកូវីដពី UNICEF
មកស្គាល់សាលាកូនអ្នកមានទាំង ៥ នៅភ្នំពេញ មួយឆ្នាំបង់លុយរៀនខ្ទង់ម៉ឺនដុល្លារ ទើបទៅរួច
ដំណឹងល្អ! កម្ពុជានិងប្រទេសអាស៊ីអាគ្នេយ៍៥ទៀតនឹងទទួលបានវ៉ាក់សាំងកូវីដ
ឃាត់ខ្លួនជនដៃដល់ដែលបាញ់ប្រហារស្រ្តីម្នាក់នៅខេត្តសៀមរាប
-
ព័ត៌មានអន្ដរជាតិ1 week agoវេជ្ជបណ្ឌិតជំនាញ៖ រោគសញ្ញាកូវីដ-១៩ អាចបន្តមានរយៈពេល ៦ សប្តាហ៍ បន្ទាប់ពីធ្វើតេស្ត
-
ព័ត៌មានជាតិ6 hours agoច្បាប់ថ្មី៖ អ្នកចម្លងជំងឺកូវីដ-១៩ទៅអ្នកដទៃ ត្រូវដាក់ពន្ធនាគារពី៦ខែ ដល់១០ឆ្នាំ ពិន័យពី ២លាន ដល់ ២០លានរៀល
-
ព័ត៌មានជាតិ6 hours agoសម្តីពីមាត់ឃាតក ស្រឡាញ់នារីរងគ្រោះ៤ខែ ទ្រាំមិនបានចាប់រំលោភ ខ្លាចបែកការណ៍ទើបសម្លាប់ចោល
-
ព័ត៌មានជាតិ20 hours agoសមត្ថកិច្ចខេត្តសៀមរាបចាប់បានឃាតករំលោភ និងសម្លាប់នារីនៅខេត្តបន្ទាយមានជ័យ បានហើយ
-
ព័ត៌មានជាតិ4 hours agoផ្ទុះកូវីដនៅជ្រៃធំ ដាក់មនុស្ស ៧០០ នាក់ឲ្យធ្វើចត្តាឡីស័ក
-
ជំនឿ6 days agoតើសុបិនឃើញនាយករដ្ឋមន្ត្រីមកលេងដល់កន្លែង មានន័យយ៉ាងណាដែរ?
-
ព័ត៌មានអន្ដរជាតិ1 week agoគ្មាននរណាអាចបញ្ជាក់ថា វីរុសកូវីដ១៩ ឆ្លងមកពីណាឲ្យប្រាកដ សូម្បីតែ WHO
-
ព័ត៌មានជាតិ12 hours agoអាជ្ញាធរចុះបាញ់ថ្នាំទំាងយប់ផ្សារក្តាម ក្រោយគូសង្សារចិនឆ្លងកូវីដ ១៩
