ព័ត៌មានជាតិ
លោក ស សុខា ធ្វើរបាយការណ៍គោរពជូនសម្ដេចធិបតី បន្ទាប់ពីបញ្ចប់ការស្រាវជ្រាវលើរដ្ឋបាលខេត្តបន្ទាយមានជ័យ
លោក ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ បានរៀបចំរបាយកាណ៍ដើម្បីគោរពជូនសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បន្ទាប់ពីបញ្ចប់ការចុះស្រាវជ្រាវត្រួតពិនិត្យតួនាទីភារកិច្ចរបស់រដ្ឋបាលខេត្តបន្ទាយមានជ័យ ដើម្បីសុំមតិដឹកនាំលើការងារផ្សេងៗបន្តទៀត។ នេះបើតាមការបញ្ជាក់ពីលោក ទូច សុខៈ អ្នកនាំពាក្យរងក្រសួងមហាផ្ទៃ ប្រាប់ កម្ពុជាថ្មី នៅរសៀលថ្ងៃទី២៤មករា នេះ។
![](https://www.kampucheathmey.com/wp-content/uploads/2024/01/274-1024x682-1.jpg)
បើតាមលោក ទូច សុខៈ ចំពោះលទ្ធផលនៃការចុះត្រួតពិនិត្យតួនាទីភារកិច្ចរបស់រដ្ឋបាលខេត្តបន្ទាយមានជ័យ គឺភាគច្រើនផ្ដោតទៅលើលោក អ៊ុំ រាត្រី ជាអភិបាលខេត្តដោយបានរកឃើញថា លោកអភិបាលខេត្តបានអនុវត្តសមស្របទៅតាមច្បាប់ស្ដីពីការគ្រប់គ្រងរដ្ឋបាលរាជធានីខេត្ត ច្បាប់ស្ដីពីសហលក្ខន្តិករាជការស៊ីវិល និតិវិធីរដ្ឋបាល គោលការណ៍ណែនាំរបស់រាជរដ្ឋាភិបាល របស់ក្រសួងមហាផ្ទៃ ដោយធ្វើការបែកចែកតួនាទីភារកិច្ចដល់អភិបាលរងនីមួយៗទទួលផែនរៀងៗខ្លួន និងមានរបបប្រជុំកំណត់ជាទៀងទាត់ជាមួយក្រុមប្រឹក្សាខេត្ត និងគណៈអភិបាលខេត្ត រួមទាំងមន្ត្រីពាក់ព័ន្ធនៅក្រោមឱវាទ។
![](https://www.kampucheathmey.com/wp-content/uploads/2024/01/009-27-1024x614-3.png)
លោក ទូច សុខៈ បន្ថែមថា ចំពោះបណ្ដឹងប្រជាពរដ្ឋ១០០គ្រួសារដែលប្ដឹងមកក្រសួងមហាផ្ទៃស្នើសុំឲ្យផ្លាស់ប្ដូរអភិបាលខេត្ត និងអភិបាលរងខេត្តម្នាក់នោះ ជាលទ្ធផលក្រុមការងារចុះអង្កេតស្រាវជ្រាវបានរកឃើញថា ជម្លោះនេះបានកើតឡើងតាំងពីឆ្នាំ២០០៣មកម្លេះ រវៀងសមាគមអភិវឌ្ឍកសិកម្មជាតិ ជាមួយប្រជាពលរដ្ឋសរុប ១ ៦៤០ គ្រួសារ លើផ្ទៃដីប្រម៉ាណ ២០០ ហិកតា។ ហើយជាបន្តបន្ទាប់មក គឺមានការដោះស្រាយតាមប្រព័ន្ធតុលាការ និងក្រៅប្រព័ន្ធតុលាការជាហូរហែ រហូតមកដល់អាណត្តិលោក អ៊ុំ រាត្រី កាន់តួនាទីជាអភិបាលខេត្ត លោកក៏បន្តដោះស្រាយទំនាស់នេះក្រៅប្រព័ន្ធតុលាការបន្តទៀត។
អ្នកនាំពាក្យរងក្រសួងមហាផ្ទៃ បញ្ជាក់បន្ថែមថា ជាលទ្ធផលការដោះស្រាយក្រៅប្រព័ន្ធតុលាការនេះ គឺបានបញ្ចប់ទំនាស់រវៀងសមាគមអភិវឌ្ឍកសិកម្មជាតិជាមួយប្រជាពលរដ្ឋចំនួន ១ ៥៣៩ គ្រួសារ អញ្ចឹងនៅសល់តែប្រម៉ាណ១០០គ្រួសារ ដែលអាចវាយតម្លៃបានថា ស្មើនឹងជាង៩០ភារយ។ បើតាមលោក ទូច សុខៈ ចំពោះពលរដ្ឋ១០០គ្រួសារនេះ គឺកើតចេញពីមេខ្យល់មួយក្រុមតូចដែលនៅពីក្រោយដោយមិនទទួលយកនូវការដោះស្រាយ ពីព្រោះពួកគាត់មានដីច្រើននៅក្នុងតំបន់ទំនាស់ ទើបមិនព្រមទទួលយកដំណោះស្រាយក្រៅប្រព័ន្ធតុលាការ និងជំរុញឲ្យពលរដ្ឋផ្សេងៗទៀតឲ្យធ្វើបណ្ដឹងដោះដូរអភិបាលខេត្ត និងអភិបាលរងខេត្ត។
គួរំលឹកថា កាលពីថ្ងៃទី២០ ខែធ្នូ ឆ្នាំ២០២៣ លោក ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ បានចេញលិខិតបង្គាប់ការចាត់តាំងថ្នាក់ដឹកនាំក្រសួង និងមន្ដ្រីរាជការចំនួន១០រូបរបស់ក្រសួង ឲ្យចុះស្រាវជ្រាវ ពិនិត្យ និងវាយតម្លៃការអនុវត្តតួនាទី និងភារកិច្ច របស់រដ្ឋបាលខេត្តបន្ទាយមានជ័យ ដោយប្រើរយៈពេល៣ថ្ងៃ គឺចាប់ពីថ្ងៃទី២២ ដល់ថ្ងៃទី២៤ ខែធ្នូ ឆ្នាំ២០២៣។
ការចាត់តាំងថ្នាក់ដឹកនាំក្រសួង និងមន្ដ្រីរាជការចំនួន១០រូបរបស់ក្រសួង ឲ្យចុះស្រាវជ្រាវ ពិនិត្យ និងវាយតម្លៃការអនុវត្តតួនាទី និងភារកិច្ចរបស់រដ្ឋបាលខេត្តបន្ទាយមានជ័យនេះ គឺជាការចុះពិនិត្យអង្កេតស្រាវជ្រាវអំពីការបំពេញតួនាទីភារៈកិច្ច របស់រដ្ឋបាលខេត្តបន្ទាយមានជ័យ ដោយត្រូវជួបសម្ភាសន៍ជាមួយក្រុមប្រឹក្សាខេត្ត និងរដ្ឋបាលខេត្ត ដោយបានជ្រើសរើសតួអង្គរួចជាស្រេច ថាតើការបំពេញតួនាទីភារកិច្ចតាមច្បាប់គិតិយុទ្ធ និងតាមការណែនាំរបស់ក្រសួងមហាផ្ទៃ ដែរឬអត់។
សូមបញ្ជាក់បន្ថែមថា កាលពីថ្ងៃទី២៩ ខែវិច្ឆិកា ឆ្នាំ ២០២៣កន្លងទៅ ប្រជាពលរដ្ឋជាង ១០០គ្រួសារ រស់នៅភូមិចាន់គិរី និងភូមិទួលប្រាសាទ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បានសរសេរលិខិតគោរពជូនលោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ស្នើសុំផ្លាស់ប្ដូរលោក អ៊ុំ រាត្រី អភិបាលខេត្តបន្ទាយមានជ័យ និងលោក ង៉ោ ម៉េងជ្រួញ អភិបាលរងខេត្តចេញ។
ពួកគាត់លើកឡើងថា លោកអភិបាលខេត្ត និងអភិបាលរងខេត្តបន្ទាយមានជ័យ អសមត្ថភាពក្នុងការដោះស្រាយបញ្ហាជូនប្រជាពលរដ្ឋ និងឃុបឃិតគ្នាជាប្រព័ន្ធធ្វើទុក្ខបុកម្នេញប្រជាពលរដ្ឋជាដើម។ ពាក់ព័ន្ធសំណុំរឿងនេះ ក៏ត្រូវបានអគ្គាធិការដ្ឋានក្រសួងមហាផ្ទៃ និងអង្គភាពពាក់ព័ន្ធ ស្រាវជ្រាវរួចរាល់ហើយដែរ។ នេះបើតាមការបញ្ជាក់ពីលោក ទូច សុខៈ អ្នកនាំពាក្យរងក្រសួងមហាផ្ទៃ កាលពីចុងសប្ដាហ៍កន្លងទៅនេះ៕
អត្ថបទ៖ សុខុម
![](https://www.kampucheathmey.com/wp-content/uploads/2024/01/photo_2023-12-26_11-13-32-724x1024-1.jpg)
![](https://www.kampucheathmey.com/wp-content/uploads/2024/01/photo_2023-12-26_11-13-41-724x1024-1.jpg)
![](https://www.kampucheathmey.com/wp-content/uploads/2024/01/photo_2023-12-26_11-13-44-724x1024-1.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ