ព័ត៌មានជាតិ
សហគមន៍បឹងកាឆាង គ្រោងរៀបចំចងក្រងស្ត្រីមេម៉ាយបង្កើតមុខរបរនៅក្នុងសហគមន៍
លោកស្រី អ៉ី រីនូ គណៈកម្មាធិការការពារសហគមន៍បឹងកាឆាងនៅក្នុងខេត្តកោះកុងបានថ្លែងមកកាន់ «កម្ពុជាថ្មី» ឲ្យដឹងថា ចាប់តាំងពីបានចូលរួមអនុវត្តគម្រោង «ផែនការយុទ្ធសាស្ត្រអភិវឌ្ឍន៍សហគមន៍មូលដ្ឋាន» បានជួយឲ្យសហគមន៍បឹងកាឆាងកាន់តែមានភាពរីកចម្រើន ពិសេសបានជួយឲ្យប្រជាសហគមន៍ជាពិសេសស្រ្តីមានការងារធ្វើ អាចរកចំណូលជាប្រចាំ និងយល់ដឹងច្រើនជាងមុនពីការចូលរួមថែរក្សាបរិស្ថាន។
ការចូលរួមនៅក្នុងផែនការ “យុទ្ធសាស្ត្រអភិវឌ្ឍន៍សហគមន៍មូលដ្ឋាន” ដែលផ្តួចផ្តើមឡើងដោយក្រសួងបរិស្ថាន បានប្រែក្លាយផ្នត់គំនិតប្រជាសហគមន៍ពិសេសស្ត្រីឲ្យពួកគាត់ហ៊ានគិត ហ៊ានធ្វើ និងកាន់តែមានភាពក្លាហាន នៅក្នុងធ្វើឬស្នើគម្រោងអ្វីមួយឲ្យទទួលបានជោគជ័យ។ នេះបើតាមលោកស្រី អ៉ី រីនូ។
លោកស្រី អ៉ី រីនូ បានអះអាងថា «កន្លងមករាល់គម្រោង ឬផែនការការងារ អភិវឌ្ឍន៍សហគមន៍ ហាក់មិនសូវមានការទទួលស្គាល់ និងទូលំទូលាយដូចបច្ចុប្បន្នឡើយ តែពេលនេះយើងធ្វើអ្វីតែងមានការជួយជ្រោមជ្រែងស្ទើរគ្រប់សកម្មភាព»។
បើតាមលោកស្រី អុី រីនូ ការចូលរួមអនុវត្ត «ផែនការយុទ្ធសាស្ត្រអភិវឌ្ឍន៍ សហគមន៍ មូលដ្ឋាន» ក៏បានជំរុញឲ្យប្រជាសហគមន៍បានចូលរួមកិច្ចការពារបរិស្ថាន ដែលពីមុនពលរដ្ឋកាប់បំផ្លាញព្រៃឈើ ប៉ុន្តែបច្ចុប្បន្នពួកគាត់បែរជាងាកមកជាជួយការពារ និងដាំដុះជួយស្តារព្រៃកោងកាងឡើងវិញ។
សម្រាប់ឆ្នាំ២០២៤ ក្នុងនាមជាគណៈកម្មាធិការការពារសហគមន៍បឹងកាឆាងនិងជាអ្នកដឹកនាំក្រុមបណ្ដាញស្ត្រីនៅក្នុងសហគមន៍ លោកស្រី អ៉ី រីនូ បានលើកឡើងពីគោលបំណងរៀបចំចងក្រងស្ត្រីមេម៉ាយដើម្បីបង្កើតជាមុខរបរនៅក្នុងសហគមន៍ដូចជាចិញ្ចឹមក្តាម បង្កង បង្គា ក៏ដូចជាធ្វើត្រីប្រឡាក់នានា ដើម្បីជួយឲ្យស្រ្តីនៅក្នុងសហគមន៍ ពិសេសស្ត្រីមេម៉ាយអាចបង្កើតមុខរបរ មានការងារធ្វើទាំងអស់គ្នា អាចរកចំណូលផ្គត់ផ្គង់ជីវភាព៕
-
សន្តិសុខសង្គម៧ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៧ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៧ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៦ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៧ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៣ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២៣ ម៉ោង ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ